Изненадувањето трае, поминаа 11 кола во шпанската Ла Лига е лидер на табелата е клубот од Сан Себастијан – Реал Сосиедад. Вечерва ремизираа 1-1 на својот стадион против екипата на Вилјареал.

Во натпревар без голем број сериозни шанси за гол, двата погодока беа постигнати од белата точка.

Морено ја донесе „жолтата подморница“ во предност во 6 минута, а конечните 1-1 исто со удар за најстрога казна ги постави во 32 минута Ојарзабал.

Реал Сосиедад е на чело на табелата со 24 бода, еден повеќе од Атлетико Мадрид кој пак има 2 меча помалку од лидерот.

Вилјареал со денешниот бод останува трет на табелата, со 20 бода.

Во останатите денешни дуели во Ла Лига, Селта во Виго беше подобра од Гранада со 3-1, а Хетафе и Атлетик Билбао поделија по бод играјќи 1-1.

Во меч со многу емоции, Наполи вечерва на „Сан Паоло“, по ново стадион „Диего Армандо Марадона“ забележа победа со 4-0 против екипата на Рома.

„Дербито на сонцето“ започна со едноминутно молчење поради смртта на Диего Марадона, фудбалерот кој остави неизбришива трага токму на овој стадион и во овој клуб.

Пред почетокот на мечот, капитенот на Наполи, Лоренцо Инсиње остави букет цвеќе пред големиот постер во чест на „Ел Пибе“ на една од трибините на стадионот.

Il Capitano omaggia Diego Armando Maradona sotto le Curve A e B

Diego 💙 pic.twitter.com/gg25C4Y9Cm

— Official SSC Napoli (@sscnapoli) November 29, 2020

Во 10-тата минута, на сред натпревар, играчите на двете екипи застанаа и со едноминутен аплауз оддадоа почит на екс-фудбалерот кој на грбот го носеше бројот 10- Диего Армандо Марадона.

Избраниците на Џенаро Гатузо успеаја со триумф со 2-0 на некој начин да се заблагодарат кон Марадона за својата трага во овој клуб.

Капитенот Инсиње во 31 минута со одличен шут од слободен удар донесе водство од 1-0. Веднаш по голот отрча до клупата за резерви, го зема дресот со број 10 на кој стоеше презимето Марадона, го бакна и го сврте кон камерите.

Наполи имаше повеќе од играта во целиот меч, а резултат на тоа е и зголеменото водство во вториот дел. Се играше 65 минута, па по одличната асистенција на Марио Руи, Фабијан Руис прецизно шутираше до самата статива за 2-0. Руис голот го прослави во прегратка со нашиот репрезентативец Елиф Елмас кој во игра влезе во 78 минута.

Токму Елмас придонесе за третиот гол за Наполи на овој меч. Се играше 81 минута кога Елмас силно шутираше од 20-тина метри, голманот на Рома – Миранте лошо ја одби топката, на неа налета Мертенс и реализираше за 3-0.

И тоа не беше се. Политано со вистински слалом во 86 минута погоди за високи 4-0.

Со овој триумф Наполи се искачи на петтата позиција со 17 бода. Исто колку што има и Јувентус позиција погоре, но и Рома која е шеста со ист број бодови.

„Крвав“ старт на последниот неделен дуел од 10-тото коло во англиската Премиерлига. На „Емирати“ во Лондон се судрија Арсенал и Вулверхемптон, а уште во петтата минута буквално се судрија и тоа со главите, Луис (Арсенал) и Хименез (Вулфси). Мексиканецот го однесе подебелиот крај.

Што се однесува до натпреварот, гостите први поведоа. Нето во 27 минута донесе предност од 1-0.

Само 3 минути подоцна „топчиите“ изедначија со голот на Габриел.

Сепак гостинската екипа беше поконкретна во првото полувреме, па со голот на Поденса во 42 минута на одмор отиде со предност од 2-1.

Во второто полувреме напаѓачите на Арсенал не упатија ниту еден удар во рамки на противничкиот гол иако десетина пати шутираа во обид за израмнување. За разлика второто полувреме, во првиот дел кога во тој сегмент резултатот беше 2-5 за „волците“.

Со победата, Вулверхемптон се искачи на 6-тата позиција со 17 бода, исто колку што има и Саутемптон место погоре.

По новиот неуспех, избраниците на Микел Артета се 14-ти со само 13 бода на 10 меча.