Спорт
Балак бара помладите да ја преземат одговорноста
Капитенот на германската фудбалска репрезентација кој ќе го пропушти заради повреда Светското првенство во Јужна Африка, смета дека неговото изостанување треба да го надоместат помадите играчи кои врз себе ќе треба да преземат голема одговорност
„За секоја екипа е тешко кога ќе остане без капитен кој е долго во репрезентацијата. Но тоа може да биде дополнителен мотив за тимот. Неки играчи сега би можеле побрзо да се развиваат, а очигледно е дека некои ќе мора да преземат повеќе одговорност. Имаме квалитетен тим, а о минатото докажавме дека бевме вистинските кога беше најпотребно“, изјавил 33-годишниот ветеран на „панцирите“ и играч на новиот англиски шампион Челзи.Михаил Балак потврдил дека и натаму по санирањето на повредата ќе игра за репрезентацијата на Германија.„Чувствувам дека уште можам да играм на високо ниво, како што беше минатите години во Челзи, а додека е така нема причина да се откажам од репрезентацијата“, додаде Балак. Балак беше повреден во саботата во финалето на Англискиот куп, кога неговиот тим Челзи со 1:0 го совлада Портсмут. Кевин-Принс Боатенг во првиот дел од мечот имаше еден несфатливо брутален старт врз својот колега од германската репрезентација Балак, кој поради тоа веднаш мораше да ја напушти играта.Германија на Светското првенство ќе настапува во група со Србија, Гана и Австралија.По Бразил со пет и Италија со четири светски титули, Германија е третата на вечната листа најуспешни фудбалски репрезентации на светот. Тие имаат освоено три титули а уште четири пати биле поразени во големите финалиња на мундијалите. Германија не настапила само на две Светски првенства, на првото во Уругвај во 1930 г. и во Бразил 1950. Германците исто така имаат три златни медали од Европските фудбалски првенства, а не играле само на едно во 1968 г. во Италија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Мурињо ги отфрли гласините за Роналдо во Фенербахче
Многу светски медиуми пред неколку дена пишуваа дека Жозе Мурињо го контактирал Кристијано Роналдо и го прашал дали сака да му се придружи во Фенербахче по истекот на договорот со Ал Наср.
Беше истакнато дека стрелецот на 68 гола на 79 натпревари за клубот од Саудиска Арабија наводно е подготвен да се врати во Европа, но доколку тоа се случи, се чини дека во моментов нема комбинации кои повторно ќе ги спојат Мурињо и Роналдо.
Во текстовите кои ја пренесоа веста, се наведува дека Мурињо му се јавил на Роналдо, го прашал дали е среќен во Саудиска Арабија и дали сака да замине. Наводно и го прашал дали ќе дојде во Фенербахче.
„Весите за Кристијано Роналдо и Фенербахче се смешни. Кристијано може да дојде во Истанбул на ручек бидејќи е на половина пат меѓу Саудиска Арабија и Португалија. А можеби ќе дојде да го види својот стар пријател Жозе. Ќе ручаме во мојот хотел“, изјави Мурињо.
Фенербахче е турски рекордер со 28 освоени првенствени титули. Мурињо го водеше Роналдо низ дел од кариерата во Реал Мадрид.
Спорт
(Видео) Рутинска победа на Реал кај Леганес
Фудбалерите на Реал го совладаа истоимениот домаќин со 3:0 (1:0) во мадридското предградие Леганес и се вратија на второто место на табелата во Примера.
Килијан Мбапе, по поодлго време одигра добар натпревар, го постигна првиот гол во 43. минута, а победата на Реал подоцна ја потврдија Федерико Валверде (66) и Џуд Белингем (85). Лука Модриќ влезе во игра во 83. минута на местото на Килијан Мбапе. Францускиот ас беше прогласен за играч на натпреварот.
Реал со деветтата сезонска победа стигна до 30 бода и повторно го зазеде второто место кое накратко беше минат од градскиот ривал Атлетико со 29 бода. Лидерот Барселона има 34 бодови, но и натпревар повеќе од Реал Мадрид.
Спорт
(Видео) Лукаку го реши „Дербито на сонцето“ – Наполи повторно е лидер во Серија А
Наполи ја победи Рома со 1:0 и се врати на челната позиција во Серија А. На дебито на Клаудио Раниери на клупата на Рома „Дербио на сонцето“ го реши екс-фудбалерот на римјаните, Ромелу Лукаку.
Лукаку, кој минатата сезона го носеше дресот на Рома, во 53.минута беше побрз од германскиот ветеран, Марс Хумелс и го постигна единствениот гол.
Наполи имаше повеќе од играта и тактички ја заслужи победата, но гостите од Рим создадоа неколку убави шанси за израмнување откако примија гол. Најдобрата пропуштија во 66. минута кога Украинецот Артем Довбик со глава ја погоди гредата.
По оваа победа, избраниците на Антонио Конте се вратија на врвот на табелата со 29 бодови, еден повеќе од Аталанта, Фиорентина и шампионот Интер.
На овој натпревар на клупата на Рома дебитираше Клаудио Раниери. Поточно, за 73-годишниот тренер ова е трет пат во кариерата да го преземе кормилото на „волчицата“. Тој го наследи Иван Јуриќ, кој беше заменет по поразот од Болоња со 2:3.
Рома моментално е на 12. место на табелата со 13 бодови. Во следното коло ја пречекува Аталанта, додека Наполи гостува во Торино.