Спорт
Марадона: Меси е подобар од мене во 1986 г.
Селекторот на аргентинската репрезентација потврди уште еднаш дека играта на напаѓачот на Барселона ќе биде клучен за аргентинската репрезентација на Мундијалот во Јужна Африка
Диего Марадона кој ги предводеше „гаучосите“ до нивниот последен наслов пред 24 години вели дека Лионел Меси е подобар отколку што бил тој во 1986 г. Кога во Мексико беше прогласен за најдобар фудбалер.„Во однос на она што јас бев во 1986-та, Меси е подобар. Најдобар фудбалер на светот е, далеку подобар од другите. Во Мексико јас ја предводев репрезентацијата. Тогаш созреав и соиграчите ме следеа. Му го објаснив тоа на Лио и му реков да го стори истото во Јужна Африка. Тој го сфати од тоа што сакав да му го кажам“, вели Марадона.„Вистинска среќа е што е Аргентинец и што јас можам да го тренирам. Тој сфаќа дека соиграчите од него очекуваат да биде шлаг на тората на нашата репрезентација да биде лидер со топката. Тоа е она што ни е потребно од него, со пример да ги предводи другите на теренот“, додава аргентинскиот селектор. Од друга страна контроверзниот Марадона додава дека во неговата репрезентација нема првотимци и резерви. Тој исто така има големи пофалби и за Диего Милито кој со двата гола во финалето на Лигата на шампионите му ја донесе по 45 години титулата на милански Интер.„Не сум изненаден, бидејќи Милито имаше фантастична сезона и докажа дека бев во право кога го ставив на списокот за СП. Во оваа репрезентација нема првотимци, ниту резерви, ќе играат оние кои се во најдобра форма“, додава Марадона.Но и покрај фалбите за Милито, аргентинските медиуми сметаат дека ударниот тандем на Аргентина во Јужна африка ќе го сочинуваат играчите на Барса и на Реал, Лио Меси и Гонзало Игуаин кои беа најдобрите стрелци во штотуку завршениот шпански шампионат. Марадона нагласува дека неговите избраници ќе играат напаѓачки.„Немам намера да се одречам од напаѓачкиот фудбал по ниедна цена Да се одрекнам од тоа ќе биде грев, имајќи ги предвид фудбалерите што ги имаме“. „Оваа група играчи е многу слична на нашата од 1986 г. Кога бевме светски прваци, овие играчи се гладни за светска слава. Во во 1986 г. Имавме 70 денови заеднички подготовки, а сега само дваесетина денови пред самиот почеток на првенството а јас се’ уште ги немам сите играчи на собир“, се пожали Марадона кој се’ уште го очекува доаѓањето на Диего Милито, Валтер Самуел и Мартин Демикелис кои во финалето во Мадрид настапија за Реал и за Баерн.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Нигерија „бронзена“ на Африканскиот куп
Нигерија го освои третото место на Купот на Африканските нации. Во „малото финале“, Нигерија победи по изведувањето пенали со 4:2, откако по 90 минути игра немаше голови. Според правилата, во натпреварот за третото место не се играат продолженија, туку веднаш се изведуваат пенали.
Во првата серија, нигерискиот голман Стенли Нвабали се прослави. Нвабали е 29-годишниот голман кој игра за јужноафриканскиот Чипа Јунајтед.
Тој го одбрани ударот на Мохамед Салах, а потоа блесна и во втората серија, кога беше поуспешен и од Омар Мармуш.
Адемола Лукман го погоди решавачкиот пенал.
Утре домаќините Мароко и Сенегал ќе се борат за титулата.
Foto/ EPA
Спорт
(Видео) Винисиус и Белингем го почувствуваа гневот на навивачите
Навивачите на Реал го кажаа своето – ги исвиркаа играчите на „Кралевски клуб“.
Играчите на Алваро Арбелоа беа пречекани со жестоки свиреши, во моментот кога излегоа на загревање пред мечот со Леванте.
Во моментот кога Винисиус првпат ја прими топката, следеа оркестрирани свирежи, а навивачите реагираа на ист начин кога топката беше кај Белингем.
И не застанаа тука. Тие сакаа да им дадат до знаење на двете ѕвезди што мислат за нив.
Секој пат кога Англичанецот и Бразилецот ќе ја земеа топката, навивачите ги честеа со навреди и свирежи.
Не беше поштеден ниту Федерико Валверде, кој неодамна побара од Арбелоа да го премести на друга позиција во тимот, што дополнително ја наруши атмосферата во соблекувалната.
🚨🇧🇷| Vinicius Jr getting booed by Real Madrid fans every time he touches the ball!
— AllThingsBrazil™ (@SelecaoTalk) January 17, 2026
За сите што внимателно ги следеа настаните во Реал во претходните недели, ова беше очекуваната реакција на навивачите кои ги етикетираа овие двајца играчи како главни саботери на поранешниот тренер Чаби Алонсо.
Оттука и гневот, бидејќи публиката на Реал не простува такво однесување на членовите на првиот тим на славниот клуб, кое, како што тие го гледаат, се граничи со предавство на сите вредности на клубот.
„Винисиус го победи Алонсо, но не и на Бернабеу“, гласи еден од насловите во мадридските медиуми во кои се опишани настаните од натпреварот.
Real Madrid fans at Santiago Bernabeu at half-time.
Madness. 🤯
— TC (@totalcristiano) January 17, 2026
Патем, ова беше првиот натпревар на Мадрид по срамната елиминација од Купот од второлигашот Албасете, а прв пред своите навивачи по поразот од Барселона во финалето на Суперкупот и замената на Алонсо.
Пред тоа, за време на натпреварот, и пред играчите да одат во соблекувалната кога резултатот беше 0:0, навивачите постојано им свиркаа на играчите, не штедејќи ниту едно име.
Спорт
(Видео) Ливерпул повторно разочара на „Енфилд“, Челзи ја прекина лошата низа
Фудбалерите на Ливерпул не успеаја да го победата „фенерџијата“ Барнли. На „Енфилд“ натпреварот заврши 1.1.
„Црвените“ четврти пат по ред одиграа нерешено во првенството. Интересно, прв пат во историјата, Ливерпул не успеа да победи на домашен терен ниту еден од тимовите што изборија пласман во Премиер лигата.
Избраниците на Арне Слот имаа сè во свои раце, и покрај промашениот пенал на Доминик Собослај во 32-та минута. Само 10 минути подоцна, Флоријан Вирц го искористи додавањето на Кертис Џонс.
Барнли заигра подобро во продолжението и во 65-та минута Маркус Едвардсј ја погоди малата мрежа на Алисон Бекер.
Домашните нападнаа во финишот, Коди Гакпо, Уго Екитике имаа шанси, но Мартин Дубравка беше на висина на задачата.
Ливерпул е четврти на табелата со 36 бода, додека Барнли е 19-ти со 14 бода и чека на победа речиси три месеци.
Во истиот термин Челзи беше подобар од Брентфорд на домашен терен – 2:0.
Ова беше првиот натпревар на Лиам Розениор како менаџер на „сините“ во Премиер лигата. Пред тоа, го победија Чарлтон во ФА Купот, додека загубија од Арсенал во Лига Купот.
Брентфорд играа добро на „Стемфорд Бриџ“, имаа свои шанси, кои не ги искористија, за разлика од домаќините.
Во 26-та минута, Жоао Педро ја искористи слабата реакција на одбраната на гостите, а Кол Палмер го постигна конечниот резултат од пенал во 76-та минута.
Челзи славеше во првенството по пет натпревари без победа и го прескокна Брентфорд. Има 34 бода, еден повеќе од денешниот ривал.
Резултати:
Лидс – Фулам 1:0 (0:0)
(Нмеча 90+1)
Сандерленд – Кристал Палас 2:1 (1:1)
(Ле Фе 33, Броби 71 – Пино 30)
Тотенхем – Вест Хем 1:2 (0:1)
(Ромеро 63 – Самервил 15, Вилсон 90+3)

