Спорт
Рeал му врачи отказ на Пелегрини

Раководството на шпанскиот фудбалски гигант му врачило отказ на досегашниот тренер потврдувајќи дека нов тренер на тимот е Жозе Мурињо
„Подготвен сум да ги признаам грешките кои ги направив досега, но мислам дека би била непростива грешка ако сега нe го ангажирам Мурињо. На овој тим му е потребен нов импулс а Мурињо е иделаниот избор за тоа“, изјавил претседателот на Реал, Флорентино Перез, пренесува Reuters.Мануел Пелегрини во Реал Мадрид дојде во јуни миантата година од Вијареал, но не се прослави. Иако Перез минатото лето потроши неверојатна сума пари за доведување на ѕвездите како Кристијано Роналдо од Манчeстер jунајтед и Кака од Милан, Пелегрини не се прослави останувајќи годинава без ниеден трофеj, што на овој клуб не му се случило одамна. Во првенството беше втор зад Барселона речиси целата сезона, во Лигата на шампионите беше елиминиран од Лион а во Кралскиот шпански куп беше елиминиран од третолигашот Алоркон.Според шпанските спортски весници, Пелегрини за раскинување на договорот ќе добие 12 милиони евра отштета. Раководството на клубот ќе потпише договор со Жозе Мурињо кога ќе бидат завршени сите разговори со Интер. Според Перез, Мурињо ќе потпише четиригодишен договор, а според медиумите тој ќе добива годишна плата од 10 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ленгле како слободен играч потпиша со Атлетико

Францускиот фудбалер Клеман Ленгле потпиша договор со Атлетико Мадрид до јуни 2028 година.
Ленгле беше член на Барселона, а минатата сезона ја помина на позајмица во Атлетико.
Францускиот фудбалер го раскина договорот со Барселона порано денес, а потоа потпиша тригодишен договор со Атлетико Мадрид како слободен агент. Минатата сезона, Ленгл одигра 34 натпревари за мадридскиот клуб и постигна три гола.
Покрај Барселона и Атлетико, дефанзивецот играше и за Астон Вила, Тотенхем, Севиља и Нанси.
Спорт
Киву го презеде Интер

Романскиот фудбалски стручњак Кристијан Киву (44) е назначен за нов тренер на Интер од Милано.
Киву потпиша договор со тимот од „Џузепе Меаца“ до 30 јуни 2027 година.
Тој го наследи Симоне Инзаги на клупата на вицешампионите на Европа и Италија. Инзаги минатата недела поднесе оставка и замина во Ал Хилал.
Киву поднесе оставка од тренерската позиција на Парма пред да биде назначен во Милано.
Романецот беше тренер на младинските категории на Интер од 2018 до 2024 година, а како играч беше член на клубот од Милано од 2007 до 2014 година.
Спорт
Започна чистката на „Олд Трафорд“, први на удар ветераните

Данскиот фудбалер Кристијан Ериксен (33), шведскиот дефанзивец Виктор Линделоф (30) и поранешниот репрезентативец на Северна Ирска Џони Еванс (37) ќе го напуштат Манчестер Јунајтед на 30 јуни, објави англискиот клуб.
Во соопштението се наведува дека договорите на тројцата фудбалери со Манчестер Јунајтед истекуваат на 30 јуни и дека англискиот тим не смета на нив следната сезона, бидејќи клубот од „Олд Трафорд“ одлучил да не ја продолжи соработката со Ериксен, Еванс и Линделоф.
Еванс беше член на Манчестер Јунајтед од 2006 до 2015 година, а се врати во клубот од „Олд Трафорд“ во 2023 година. Ирецот и претходно објави дека ќе се пензионира.
Ериксен пристигна во Манчестер Јунајтед во 2022 година, додека Линделоф е член на „Црвените ѓаволи“ од 2017 година.