Спорт
Италија на СП со 24 наместо со 23 играчи

Како што пренесуваат италијанските медиуми, актуелниот светски шампион во фудбал во Јужна Африка ќе отпатува со 24 наместо со 23 играчи како сите други репрезентации
Иако не е на листата што ја објави селекторот Марчело Липи најавувајќи дека конечната одлука ќе ја донесе до крајот на седмицата, на мундијалот со експедицијата ќе патува и Андреа Косу. Тој би требало да биде алтернатива во составот за Мауро Каморанези кој се уште не е опоравен од повредата на коленото. Инаку, според правилата, до првиот натпревар репрезентациите може да направат замена на еден играч заради повреда. Италија го игра првиот натпревар на 14-ти јуни против Парагвај во Кејптаун. „Конечната одлука ќе ја донесам до крајот на седмицата. Прво морам да видам како ќе се развива ситуацијата со Камонарези. Доколку не се опорави, ќе го пријавам Косу“, изјавил Липи.Дваесетгодишниот напаѓач на Наполи најверојатно ќе настапи на подготвителниот меч против Мексико, додека Каморанези и Џорџо Челини ќе останат во кампот за подготовки во Сестиере во Италијанските Алпи.Италија ќе игра во групата Ф со Парагвај, Словачка и Нов Зеланд, а ја брани титулата од пред четири години освоена во Германија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Пропаѓа патека во Формула 1 вредна 350 милиони евра

Формула 1 последните години години се наоѓа во подем. Речиси сите трки се распродадени, а интересот е неверојатен.
Сепак, има една патека во најбрзиот караван што чинеше многу, а сега е празна и пропаѓа.
Изградбата Кореја интернешенал чинеше „скромни“ 350 милиони евра. На оваа патека се одржаа четири трки од шампионатот во Формула 1 Последниот пат се возеше во 2013 година.
Во 2010 година победи Фернандо Алонсо, а потоа три побреди забележа Себастијан Фетел.
Се очекуваше патеката да донесе големи придобивки за Јужна Кореја. Имаше 120 илјади седишта. Сепак, ниту еднаш во четири години не беше полна.
Многумина сметаат дека проблем бил и фактот што е оддалечена 317 километри од Сеул.
Шампионатот во Формула 1 започнува со Големата награда на Австралија. Трката се вози утре од 5 часот по средноевропско време. Од пол-позицијата ќе стартува возачот на Мекларен, Ландо Норис.
Спорт
Нејмар сепак нема да игра за Бразил

Нејмар сепак нема да настапи за Бразил во претстојните два натпревари во рамките на квалификациите за пласман на Светското првенство.
Нејмар доби повик од селекторот Доривал Жуниор, но поради повреда ќе мора да ги пропушти овие квалификациски натпревари.
„Последниве денови, по повикот на 6 март, медицинскиот сектор на бразилската репрезентација на чело со д-р Родриго Ласмар, не информираше за состојбата на сите фудбалери, особено Данило, Нејмар и Едерсон. На нивно место повикот беше упатен до Лукас Переира од Лион, Алекс Сандро од Фламенго и Ендрик од тренерот на Реал Мадрид“, објави селекторот на Бразил. .
Во претстојниот „прозорец“ Бразилците ги очекуваат две дербија, дуелот со Колумбија во Бразилија, ноќта меѓу четврток и петок по средноевропско време и гостувањето кај најголемиот ривал Аргентина во Буенос Аирес, ноќта меѓу 25 и 26 март.
Спорт
Сензационалната Андреева преку Шјонтек до финалето во Индијан Велс

Руската сензација Мира Андреева избори пласман во финалето на Мастрсот во Индијан Велс.
Во полуфиналето 17-годишната Андреева ја надигра Ига Шјонтек со 7:6, 1:6, 6:3. Ова е втор последовно финале за Андреева на турнирите од Мастерс серијата, откако пред три недели играше во финалето во Дубаи. Интересно и во Дубаи во полуфиналето ја победи Швјонтек.
„Голема победа во тешки услови. Не успеав да ја искористам мојата шанса во првиот сет, но кога стигнав до тај-брејк се чувствував многу самоуверено. Го играв како да ми е последен во животот. Мојот сервис беше извонреден. Го играв секој удар до максимум. Вториот сет беше малку чуден, таа ме надигра играјќи многу длабоко но и со добри излегувања на мрежата. Размислував во паузата меѓу вториот и третиот сет што да сменам и решив да продолжам да играм исто тактички, но да напаѓам уште повеќе. Исто така, одлично ги контролирав нервите и затоа сега сум многу горда на себе“, рече Андреева 11 победи во низа. Таа го освои Дубаи.
Ривалка за титулата во Индијан Велс ќе и биде најдобрата тенисерка на светот, Арина Сабаленка, која со 6:0, 6:2 ја победи шампионката на Австралија опен, Медисон Кис, и се одмазди за поразот во тоа финале.