Спорт
Чарлтон: Ронадло ќе биде ѕвездата на СП
Англиската фудбалска легенда пред почетокот на мундијалот ја коментираше англиската репрезентација и можните случувања на Светското првенство
Сер Боби Чарлтон кој беше во составот на англиската репрезентација која на домашен терен во 1966 г. стана единствен пат досега светски фудбалски шампион, смета дека првенството во Јужна Африка е едно од најнеизвесните и дека може да значи почеток на новите текови во светскиот фудбал.
Прашан за ѕвездите на претстојниот мундијалски турнир, Чарлтон на разочарување на англиските медиуми не се задржал многу на своите сонародници. Според него, ова светско првенство ќе мине во знакот на Португалецот Кристијано Роналдо. „Тој ќе го одбележи ова натпреварување бидејќи е еден од оние играчи кои не можат да се запрат. Верувам дека ќе биде една од ѕвездите, иако не верувам дека Португалија може да биде победник“, вели човекот кој е сметан за еден од најдобрите англиски и светски фубдалери на сите времиња. Кога станува збор за англиската репрезентација, Чарлтон смета дека најважно е што покрај стандардните и добри играчи, „Гордиот Албион“ е предводен од според него вистински селектор за каков го смета италијанскиот стратег Фабио Капело. „Капело е избор од прва класа за селектор на Англија. Ако сакате да имате успех, морате да имате некој кој може да ги обедини сите тие различни личности кои играат во различни системи. Тоа е она што сер Алф Ремзи го стори со нас во 1966 г.“, вели Чарлтон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ајакс го декласира Бешикташ, Викторија однесе бод од Франкфурт, Рома испушти победа против Атлетик
Фенербахче, Ајакс, Ренџерс, Лион забележаа победи во првото коло во Лига Европа. Брага со гол во 96.минута го комплетираше пресвртот против Макаби Тел Авив, а во драматичен меч во Франкфурт, Викторија се врати по минусот од два гола и со гол во 93.минута избори реми 3:3 против Ајнтрахт.
Ајакс целосно го надигра Бешикташ во Амстердам, поведе во првото полувреме, а потоа рутински ја потврди победата во второто.
Првиот гол го постигна во 31. минута Киан Фиц-Џим. Во 51. минута Мика Готс погоди на асистенција на Бертранд Траоре, а само три минути подоцна Кенет Тејлор по додавањето на Брајан Броби го зголеми резултатот на 3:0. Точка на натпреварот стави Мика Готс во 73. минута кога погоди за 4:0.
Во следното коло Ајакс е домаќин на Славија Прага, додека Бешикташ го пречекува Ајнтрахт Франкфурт.
Резултати:
Малме – Ренџерс 0:2 (0:1)
/Бајрами 1, МекКоусленд 76/
Фенербахче – Унион Сент Жилоа 2:1 (1:0)
/Сојунџу 26, Бургес 82 – Сајкс 90+3/
Ајнтрахт Франкфурт – Пилсен 3:3 (1:1)
/Екитике 38, Ебимбе 62, Кристенсен 67 – Шулц 41, Аду 86, Џемелка 90+3/
Брага – Макаби Тел Авив 2:1 (0:1)
/Брума 88, 90+6 – Давида 30пен/
Рома – Атлетик Билбао 1:1 (1:0)
/Довбик 32 – Паредес 85/
ФЦСБ – РФС Рига 4:1 (2:1)
/Бирлигеа 8, Стефанеску 32, Олару 58, 69 – Липушек 23/
Лион – Олимпијакос 2:0 (0:0)
/Шерки 65, Бенрама 71/
Спорт
Уште еден убедлив пораз на Еурофарм Пелистер во ЛШ
Ракометарите на Еурофарм Пелистер забележаа уште еден убедлив пораз во Лигата на шампионите. Вечерва во Букурешт, Динамо го порази македонскиот шампион со 34:25 (19:13). Ова е трет пораз сезонава за Пелистер во ЛШ, вкупно 17. во низа во елитното натпреварување.
Пелисер во Букурешт за полувреме го решија Пелистер. Одбраната на овој меч не постоеше кај Пелистер, Динамо лесно дојде до предност од три гола, а во финишот на полувремето сурово ги казни сите грешки на играчите на македонскиот шампион и на одмор замина со предност од шест гола.
Доколку воопшто имаше дилеми околу конечниот победник, тие беа разрешени по десет минути игра во вториот дел кога Динамо дојде до двоцифрена предност (26:16).
Капитенот Кузмановски постигна девет гола, а Радивохевиќ шест (сите во второто полувреме).
Спорт
РБ го отпушти Рикиардо
Она што го најавваа медиумите пред викендот во Сингапур вечерва доби официјална потврда. РБ го отпушти Даниел Рикиардо, на неговото место го донесе Лијам Лосон.
Еден од најискусните возачи во Формула 1 најави во Сигапур дека ќе ја заврши кариерата доколку добие отказ.
„Цел живот го сакам овој спорт. Беше диво, прекрасно и вистинско патување. Им благодарам на сите тимови и поединци кои имаа своја улога. На навивачите кои го сакаат спортот понекогаш повеќе од мене, хаха, благодарам. Секогаш ќе има подеми и падови, но беше забавно и вистината е дека не би менувал ништо. До следната авантура“, рече Австралиецот во Сингапур.
Рикиардо го имаше своето деби во Формула 1 како возач на тимот ХРТ на Големата награда на Британија во 2011 година, а потоа возеше за Торо Росо, Ред Бул, Рено и Мекларен, пред да се врати во тимот од Фаенца, но под името Алфа Таури, а потоа и РБ.
На 258 трки забележа осум победи, вкупно 32 подиуми, а освои и три пол-позиции. Најдобриот пласман во првенството го имаше во 2014 и 2016 година, кога сезоната ја заврши на третата позиција.
Што се однесува до неговата замена, Лосон е студент на програмата за млади возачи на Ред Бул и минатата година возеше пет трки за Алфа Таури, а неговиот најдобар пласман беше деветтото место во Сингапур.
Првенството во Формула 1 ќе продолжи со Големата награда на САД во Остин на 18-20 октомври.