Спорт
ФИФА откри измама на Северна Кореј
Меѓунородната фудбалска федерација во четврток објави дека открила намера на репрезентацијата на Северна Кореја во спиисокот со 23 фудбалери да стави само двајца голмани, спротивно на правилата секоја репрезентација да пријави по три голмана
ФИФА соопшти дека се уверила дека на списокот на репрезентацијата на Северна Кореја всушност има 21 фудбалер кои играат во поле, а на играчот кој е наведен номинално како трет голман нема да му биде дозволен на ниеден меч да настапи како играч освен ако не биде на голот. Севернокорејскиот селектор Ким Јонг-хун како трет голман го пријавил напаѓачот Ким Мјонг-вон надевајќи се дека ќе ги засили напаѓачките можности на својата репрезентација. Но контролата на ФИФА ја открила измамата, по што испрати допис до севернокорејскиот сојуз дека наведениот играч на мундијалот ќе може да настапува само како голман. Покрај тоа во соопштението се наведува дека Северна Кореја нема да има право на замена на играч, бидејќи во вторник истече рокот за пријавување на конечниот список со играчи кои ќе настапат на Светското првенство во Јужна Африка. „Списоците на репрезентациите се поднесени до ФИФА на 1-ви јуни и се конечни па не може повеќе да се менуваат. На нив не смее да има повеќе од 23 играчи од кои тројца мора да бидат голмани. Исклучок може да се направи само во случај на потешка повреда на играч кој тогаш може да биде заменет најдоцна 24 часа пред првиот меч на секоја репрезентација учесничка. Ким Мјонг-вон нема да смее да настапи како играч во поле бидејќи е пријавен како голман“, стои во соопштението кое доцна попладнево го лиферуваше ФИФА.Сличен е случајот со италијанската репрезентација а селекторот Марчело Липи најавува дека конечната одлука ќе ја донесе до крајот на седмицата. Во Јужна Америка со експдицијата ќе патува и Андреа Косу. Тој би требало да биде алтернатива во состваот за Мауро Каморанези кој се уште не е опоравен од повредата на коленото. Инаку Италија го игра првиот натпревар на 14-ти јуни против Парагвај во Кејптаун.Северна Кореја настапува во групата Г со Бразил, Брегот на Слоновата Коска и со Португалија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јунајтед стави 11 играчи на трансфер листата
Манчестер Јунајтед игра уште една лоша. Поради тоа Сер Џим Ретклиф и останатите челници на „црвените ѓаволи“ донеле радикална одлука, во летниот преоден рок на продажба ќе биде половина од тимот.
Шестото место, 53 бодови и 24 бодови зад лидерот Арсенал по 33 одиграни натпревари сигурно никого не задоволува на „Олд Трафорд“.
Покрај тоа, клубот го загуби финалето на Лига купот и заврши на четвртото место во групата на Лигата на шампионите во конкуренција на Баерн, Копенхаген и Галатасарај.
Пред неколку дена Манчестер Јунајтед на „мускули“, по изведувањето пенали го елиминираше Ковентри во полуфиналето на ФА Купот. За трофејот ќе игра против Манчестер Сити на 25 мај на Вембли.
Поради тоа во клубот донеле радикална одлука. 11 играчи ќе бидат ставени на трансфер листата и ќе можат да го напуштат клубот во летниот преоден рок.
На списокот има Во него има неколку звучни имиња:
Арон Ван-Бисака
Виктор Линделоф
Хари Мегваер
Рафаел Варан
Касемиро
Кристијан Ериксен
Антони
Дони Ван де Бек
Џејдон Санчо
Ентони Марсијал
Маркус Рашфорд
Спорт
Судењето на Манчестер Сити ќе започне во „блиска иднина“
Првиот човек на Премиер лигата, Ричард Мастерс, изјави дека „во блиска иднина ќе се одржи рочиште за случајот со Манчестер Сити по сите 115 точки“.
Бен Рамсби, истражувачки новинар на англиски Телеграф, ја објави веста на својот профил на мрежата „Х“.
Со коментар дека „ова е најблиску до кое Мастерс дошол да спомне конкретен датум“.
Некои информации кои се појавија во јавноста на крајот на минатата година укажуваа дека судењето би можело да започне есента 2024 година.
Сити е обвинет по 115 точки од обвинението за повеќекратни финансиски прекршоци. Истрагата започна уште во 2018 година и продолжи до почетокот на 2023 година, а беа проверени и одлуките и работењето на клубот од сезоната 2009/10.
Што значи тоа „во блиска иднина“ останува да видиме. Судењето веќе е одложено поради откривање на нови докази и сведоци подготвени да сведочат.
Спорт
Ибрахимовиќ му препорача тренер на Милан
Златан Ибрахимовиќ (42) од оваа сезона е советник за спортски прашања во фудбалскиот клуб Милан. Легендарниот шведски центарфор учествува во обликувањето на спортската политика на клубот, а наскоро „росонерите“ ќе треба да одберат нов тренер. Стефано Пиоли го напушта клубот на крајот на сезоната по пет години и едно освоено Скудето.
Италијанските медиуми пишуваат дека Златан лобира функцијата да ја преземе Марк ван Бомел (47). Поранешниот холандски играч за врска го предводи белгиски Антверпен.
Ибрахимовиќ и Ван Бомел играа заедно за Милан од јануари 2011 до јуни 2022 година. Наводно клубот веќе стапил во контакт со тренерот.
Ван Бомел во кариерата самостојно ги водеше ПСВ и Волфсбург, а работеше и како асистент во репрезентациите на Австралија и Саудиска Арабија. Во својата кариера настапуваше за Фортуна Ситард, ПСВ, Барселона, Баерн и Милан, а кариера ја заврши пред 11 години како играч на ПСВ Ајндховен.
Раководството на Милан размислува уште неколку кандидати. Според „Газета дело Спорт“, најголеми фаворити се Пауло Фонсека и Хулен Лопетеги. Фонсека е 51-годишен Португалец кој моментално раководи со Лил, а две години работеше во Италија како тренер на Рома.
Лопетеги (57) оваа сезона е без работа откако се раздели со Волвс, додека најпознат е по менаџирањето на Шпанија, Реал Мадрид и Севилја.