Спорт
СЕАТ ОПЕН 2010 – добротворен тениски турнир

Изминатиот викенд во тенискиот клуб АБЦ се одржа полуфиналните и финалните натпревари во машка и женска конкуренција од хуманитарниот тенискиот турнир SEAT Open 2010.
Во неделата напладне беа доделени наградите на натпреварувачите кој што победија во хуманитарниот турнир. Средствата собрани од котизацијата со чек беа врачени од страна на генералниот менаџер на КА-ДИС SEAT г-дин Зоран Калеников на д-р Владимир Чадиковски Претседател на Националната фондација за трансплантација. Овој турнир се одржува за прв пат во Република Македонија и покрај натпреварувачкиот карактер во него има голема хуманитарна нота при што традиционално ќе продолжи да се одржува секоја година за различни хуманитарни цели. Истовремено, покрај турнирот продолжи тест возењето на Good Stuff моделите кои што се специјално креирани модели од гамата на SEAT, потполно опремени кои исто така содржат хунатарна нота, а тоа е да со секој купен автомобил од SEAT & Shakira кампањата одредени средства се донираат во истиот хуманитарен проект за изградба на Клиниката за детска хирургија. Посетителите во саботното и неделното попладне уживаа во полуфиналните и финалните натпревари како и во прекрасните модели на SEAT автомобилите. Доколку не бевте присутни на SEAT тест возењето, имате можност во овластените салони на SEAT да ги пробате моделите Good Stuff и да станете дел од овој проект.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Победата на Барселона кај Мајорка во сенка на судиските одлуки

Фудбалерите на Барселона триумфираа на Мајорка (3:0), во натпревар за кој ќе се зборува поради судиските одлуки на Хозе Луис Мунуера.
Домашниот тим играше со двајца играчи помалку од 39-та минута. Ведат Муриќ доби директен црвен картон, само шест минути по вториот жолт картон што го заработи Ману Морланес.
Во ситуација „11 на 11“, Барселона покажа класа, постигнувајќи два гола за околу дваесет минути.
Прво, Рафиња го совлада Лео Роман во седмата минута, но домашните сметаа дека голот е нЈрегуларен. На почетокот од акцијата, се чини дека топката излезе надвор, пред Ламин Џамал да ја собере и да ја продолжи играта.
El gol de Raphinha viene de un balón que recupera Lamine Yamal que sale por banda.
Es una vergüenza de LIGA desde el primer partido 🤢🤢🤢🤢pic.twitter.com/ZGqXVU305s
— REAL MADRID FANS 🤍 (@AdriRM33) August 16, 2025
Во 23-та минута, Феран Торес, постигна гол од околу дваесет метри, но откако претходно судијата не ја прекина играта бидејќи еден играч на Мајорка остана да лежи на теренот откако топката го погоди во главата.
Судијата Мунуера беше во центарот на вниманието во судиското продолжение од првото полувреме, кога го казни Рафиња за особено остар и невнимателен старт само со жолт картон.
Comment tu met pas rouge à Raphinha là ??? pic.twitter.com/AdcTnSratT
— Kenpachi (@Kenpachi1070) August 16, 2025
Не беше реално Мајорка да му наштети на шампионот во вториот дел со деветмина на теренот. .
Јамал го постави конечниот резултатво четвртата минута од судиското продолжение.
Барселона ќе го пречека Леванте во следната рунда, додека Мајорка ќе ја пречека Селта Виго.
Foto/ EPA
Спорт
(Видео) Дончиќ се повреди – веднаш го напушти теренот

Словенечката кошаркарска репрезентација загуби од Латвија со 100:88 во подготвителен натпревар пред Евробаскетот.
Освен поразот, Словенија може да биде загрижена и за статусот на Лука Дончиќ, кој се повреди во третиот период.
За разлика од натпреварот против Литванија, овој пат Словенците играа со Лука Дончиќ, кој веќе во првото полувреме покажа каква движечка сила е за тимот на Александар Секулиќ.
Во првото полувреме, кошаркарот на Лос Анџелес Лејкерс постигна 26 поени за 17 минути игра, заедно со четири скока, пет асистенции и две украдени топки.
Третата четвртина им донесе главоболки на Словенците, Дончиќ се повреди откако соиграчот Грегор Хроват падна врз неговото колено.
Ѕвездата на Лејкерс веднаш сигнализираше дека не може да ја продолжи играта, па го напушти теренот и се упати кон соблекувалната.
Подоцна, се врати на клупата, од каде што го следеше натпреварот до крајот.
Ова беше четвртиот пораз за Словенците во подготвките. Двапати загубија од Германија, а пред Латвија загубија и од Литванија.
Foto/ EPA/TOMS KALNINS
Luka Doncic’s teammate fell into him and the Lakers star appeared to injure his knee.
Doncic asked out of the game and went back to the Slovenia locker room. pic.twitter.com/RLSDjpeQkS
— ClutchPoints (@ClutchPoints) August 16, 2025
Спорт
(Видео) „Граѓаните“ се прошетаа низ Вулверхемптон

Фудбалерите на Манчестер сити убедливо славеа на гостински терен кај Вулверхемптон (4:0), на почетокот од сезоната во Премиер лигата.
Ерлинг Халанд ја започна сезоната со два гола, а со по гол на официјален натпревар дебитираа Тижани Рејдерс и Рајан Шерки.
Сити ќе го пречека Тотенхем следната недела, додека Вулверхемптон ќе биде домаќин на Борнмут.
Премиер лига, 1. коло:
Сабота
Брајтон – Фулам 1:1 (0:0)
(О’Рајли 55п – Мунис 90+7)
Сандерленд – Вест Хем 3:0 (0:0)
(Маџенда 61, Балард 73, Исидор 90+2)
Тотенхем – Барнли 3:0 (1:0)
(Ришарлисон 10, 60, Џонсон 66)
Вулверхемптон – Манчестер Сити 0:4 (0:2)
(Халанд 34, 61, Рејндерс 37, Шерки 81)
Астон Вила – Њукасл 0:0
Недела
15.00 Челзи – Кристал Палас
15.00 Нотингем Форест – Брентфорд
17.30 Манчестер Јунајтед – Арсенал
Foto/ EPA/ADAM VAUGHAN