Со влезот на Хернандез на мечот против Јужа Африка, тој стана претставник на третата генерација од едно семејство кое настапувало на мундијал, додека селекторот на домаќините Пареира настапи на шест светски првенства

Кога донеодамнешниот фудбалер на мексиканска Гвадалахара, Хавиер Хернандез кој пред мундијалот мина во Манчестер јунајтед, влезе на мечот против домаќинот Јужна Африка, тој стана трет претставник  на своето семејство кое настапувало на Светско првенство. Неговиот татко со исто име Хавиер Хернандез беше член на мексиканската репрезентација на светското првенство 1986 г. кога Мексико беше домаќин. Тогаш Мексиканците во четвртфианелто беа поразени од тогашна Западна Германија по изведувањето пенали. Тогашниот тренер на мексиканската репрезентација, Србинот Бора Милутиновиќ немаше многу доверба во таткото Хернандез, па тој одигра на шампионатот само една минута. А прво од предците на Хернандез кој настапил на светско фудбалско првенство дедото по мајка Томас Балзакар кој бил дел од мексиканската репрезентација во 1954 г. во Швајцарија која била елиминирана во групата. Балзакар ги одиграл двата меча, а во поразот против Франција бил стрелец а гол во 85. минутаСелекторот на Мескико, Бразилецот Карлос Алберто Пареира стана но рекордер кому ова му е шести мундијал. Тој првпат настапи на Светско првенство во  1982 г. како селектор на Кувајт, во 1990 ги водел Обединетите арапски емирати, во 1994 г. со Бразил станува светски првак, во 1998 г. во Франција ја води Саудиска Арабија, додека во 2006 г. повторно ја водеше селекцијата на Бразил и во 2010 ја води Јужа Африка. Со денешниот меч Пареира на мундијалите седел на клупата на 21 меч при што има остварено десет победи, три нерешени и осум порази, со гол-разлика 27-29.Досега Пареира беше изедначен со погоре споменатиот Милутиновиќ кој настапил на пет светски првенства –  во 1986. г  Мексико, 1990 г Костарика, 1994 г. САД, 1998 Нигерија и во 2002 г. ја предводеше Кина.