Спорт
ЈАР и Франција пред испаѓање
Домаќинот на Мундијалот, Јужна Африка, денеска го игра последниот натпревар во групата А, на стадионот „Фри стејт“ во Блумфонтејн,против Французите. Сепак, се зависи од вториот меч, Уругвај-Мексико, кои можеби нема да дозволат Франција или ЈАР да се пробијат понатаму
За Јужноасфриканците тоа може да биде и последниот на ова Светско првенство, а исто така и за Франција. Двете екипи бркаат висок резултат, со надеж дека можеби на вториот натпревар меѓу Мексико и Уругвај резултатот нема да биде нерешен. По лошите резултати од претходните две кола, по реми и пораз, денешните ривали себеси се доведоа во безизлезна ситуација. „Галските петли“ пак, од завчера одбија да тренираат во знак на протест поради праќањето на Никлас Анелка дома. Патрис Евра се расправал со тренерот за време на тренингот, по што ја изгубил контролата и јафрлил акредитацијата. Сепак, како што пренесуваат агенциите, на вчерашниот тренинг на “триколорите“ се поминало мирно. Чиста енигма е како Рејмон Доменек ќе се спротивстави на домаќинот денеска, но сигурно е дека Тери Анри, овојпат ќе игра. Затоа пка, Жереми Тулалан мора да седи на клупата заради два жолти картони во претходните натпревари. „Фокуситани сме на тоа да го победиме противникот со што поголема разлика. Ќе се потрудиме да постигнеме што повеќе голови со надеж дека на вториот натпревар нема да заврши нерешено. Важно е дека имаме уште шанси“, вели селекторот Рајмон Доменек.Слично е расположението и меѓу фудбалерите на Јужна Африка. По убедливиот пораз од Уругвај со 3:0, на удар се најде селекторот Карлос Алберто Переира. „Не можеме да чекаме грешка на противникот, ќе мора да нападнеме, со што преземаме ризик“, вели Переира. Во неговата репрезентација нема да може да игра голманот Куне, кој заработи црвен картон против Уругвај, а ќе го замени Жозеф. Во почетната постава треба да биде и Сибија, кој ќе го замени Дијашва, кој поради картони нема да може да настапи. Во вториот натвревар од групата А, на стадионот „Ројал Бофокенг“ во Рустенбург со почеток во 16 часот, силите ќе ги измерат Мексико и Уругвај, на кои доволно им е реми за осминафинале. Многумина предвидуваат дека Мексико и Уругвај нема ништо да ризикуваат и дека ќе играат реми, но напаѓачот на Мексико, Катемок Бланко, вели дека такви калкулации не го интересираат. Чесноста е на испит, а и ФИФА најави дека будно ќе го следи овој натпревар.„Мексико нема да игра нерешено. Дел од нашиот менталитет е секогаш да одиме на победа, а останатит тимови не не интересираат“, тврди Бланко. Уругвајците пак се доста самоуверени. „Мексико е незгоден противнник, но на СП нема лесни противници.Долго не сме примиле гол, што не направи самоуверени. Ако одиме понатаму, тогаш се е можно, вели дефанзивецот на Уругвај, Диего Годин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јунајтед стави 11 играчи на трансфер листата
Манчестер Јунајтед игра уште една лоша. Поради тоа Сер Џим Ретклиф и останатите челници на „црвените ѓаволи“ донеле радикална одлука, во летниот преоден рок на продажба ќе биде половина од тимот.
Шестото место, 53 бодови и 24 бодови зад лидерот Арсенал по 33 одиграни натпревари сигурно никого не задоволува на „Олд Трафорд“.
Покрај тоа, клубот го загуби финалето на Лига купот и заврши на четвртото место во групата на Лигата на шампионите во конкуренција на Баерн, Копенхаген и Галатасарај.
Пред неколку дена Манчестер Јунајтед на „мускули“, по изведувањето пенали го елиминираше Ковентри во полуфиналето на ФА Купот. За трофејот ќе игра против Манчестер Сити на 25 мај на Вембли.
Поради тоа во клубот донеле радикална одлука. 11 играчи ќе бидат ставени на трансфер листата и ќе можат да го напуштат клубот во летниот преоден рок.
На списокот има Во него има неколку звучни имиња:
Арон Ван-Бисака
Виктор Линделоф
Хари Мегваер
Рафаел Варан
Касемиро
Кристијан Ериксен
Антони
Дони Ван де Бек
Џејдон Санчо
Ентони Марсијал
Маркус Рашфорд
Спорт
Судењето на Манчестер Сити ќе започне во „блиска иднина“
Првиот човек на Премиер лигата, Ричард Мастерс, изјави дека „во блиска иднина ќе се одржи рочиште за случајот со Манчестер Сити по сите 115 точки“.
Бен Рамсби, истражувачки новинар на англиски Телеграф, ја објави веста на својот профил на мрежата „Х“.
Со коментар дека „ова е најблиску до кое Мастерс дошол да спомне конкретен датум“.
Некои информации кои се појавија во јавноста на крајот на минатата година укажуваа дека судењето би можело да започне есента 2024 година.
Сити е обвинет по 115 точки од обвинението за повеќекратни финансиски прекршоци. Истрагата започна уште во 2018 година и продолжи до почетокот на 2023 година, а беа проверени и одлуките и работењето на клубот од сезоната 2009/10.
Што значи тоа „во блиска иднина“ останува да видиме. Судењето веќе е одложено поради откривање на нови докази и сведоци подготвени да сведочат.
Спорт
Ибрахимовиќ му препорача тренер на Милан
Златан Ибрахимовиќ (42) од оваа сезона е советник за спортски прашања во фудбалскиот клуб Милан. Легендарниот шведски центарфор учествува во обликувањето на спортската политика на клубот, а наскоро „росонерите“ ќе треба да одберат нов тренер. Стефано Пиоли го напушта клубот на крајот на сезоната по пет години и едно освоено Скудето.
Италијанските медиуми пишуваат дека Златан лобира функцијата да ја преземе Марк ван Бомел (47). Поранешниот холандски играч за врска го предводи белгиски Антверпен.
Ибрахимовиќ и Ван Бомел играа заедно за Милан од јануари 2011 до јуни 2022 година. Наводно клубот веќе стапил во контакт со тренерот.
Ван Бомел во кариерата самостојно ги водеше ПСВ и Волфсбург, а работеше и како асистент во репрезентациите на Австралија и Саудиска Арабија. Во својата кариера настапуваше за Фортуна Ситард, ПСВ, Барселона, Баерн и Милан, а кариера ја заврши пред 11 години како играч на ПСВ Ајндховен.
Раководството на Милан размислува уште неколку кандидати. Според „Газета дело Спорт“, најголеми фаворити се Пауло Фонсека и Хулен Лопетеги. Фонсека е 51-годишен Португалец кој моментално раководи со Лил, а две години работеше во Италија како тренер на Рома.
Лопетеги (57) оваа сезона е без работа откако се раздели со Волвс, додека најпознат е по менаџирањето на Шпанија, Реал Мадрид и Севилја.