Спорт
Џо Кол потпиша за Ливерпул

Како што вчера беше најавено, незадоволен од условите кои му ги понуди неговиот довчерашен клуб Челзи, англискиот репрезентативец се реши кариерата да ја продолжи во еден од најтрофејните англиски иевропски клубови кој нема постигнато успех долга низа година
Како што пренесе агенцијата Totalsport, околу палдне 28-годишниот Џо Кол потпишал четиригодишен договор со Ливерпул, што попладнево е потврдено на официјалната итнернет страница на клубот.Кол не беше задоволен од условите кои му ги понуду шампионот Челзи, поточно не прифаќањето неговата неделна плата да биде зголемена од досегашните 80 илјади фунти. Така вреднито играч од средината стана првото засилување во ерата на новиот менаџер на „редсите“, Рој Хоџсон, кој доби вистинска замена за Јоси Бенајун кој замина во обратен правец. За Кол заинтересирани беа и другите два лондонски клуба, Арсенал и Тотенхем.Според вчерашните шпекуалции на News of the World на Кол му бил понуден тригодишен договор според кој би требало да заработи 4,7 милиони фунти, меѓутоа во понеделник не се обајвени детали од договорот. Овој чекор на раководството од „Енфилдс роуд“ се толкува и како доказ дека клубот има големи амбиции во наредната сезона, со што би ги задржал своите два најдобри играча, капитенот Стивен Џерард и шпанскиот репрезентативец Фернандо Торес кои имаат понуди од повеќе европски гиганти.И покрај долговите, наводно, од Ливерпул на Кол му се понудени само десет илјади фунти неделно повеќе отколку што му дава Челзи, но се очекува тој да ја прифати понудат, имајќи ги предвид неговите расипани односи со матичниот клуб.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Баерн се вклучува во трката за потписот на Нико Вилијамс

Нико Вилијамс долго време е интересен за многу големи клубови низ Европа.
Барселона, минатото лето беше заинтересирана за овој млад фудбалер, кој се премисли во последен момент и реши да остане во Билбао. Наводно Арсенал сериозно е заинтересиран, а сега во трката се вклучил и Баерн.
Според германски „Билд“, шпанскиот фудбалер бил скаутиран од директорите на Баерн, Макс Еберл и Кристоф Фројнд, за време на натпреварот против Франција, во Лигата на нации.
Олеснителна околност за Баерн треба да биде откупната клаузула за Вилијамс, која не е поголема од 60 милиони евра, што за гигант како клубот од Минхен не би требало да биде проблем.
Овој крилен напаѓач одигра 29 натпревари за Атлетик Билабо минатата сезона, постигна пет гола и забележа исто толку асистенции.
Спорт
Интер подготвиле договор за Киву

Кристијан Киву, до крајот на денот треба да потпише договор со Интер, тврдат италијанските медиуми.
Романецот, вчера бил во хотел во центарот на Милано, каде што имал разговор со челниците на Интер и како што стојат работите, состанокот поминал добро.
Киву треба да потпише двегодишен договор овој петок, по што официјално би бил претставен како нов тренер на Интер.
Тој доаѓа на тренерската позиција во клубот на местото Симоне Инзаги, кој гзамина по дебаклот во финалето на Лигата на шампионите и го презеде тимот на Ал Хилал.
Досега, Киву работеше како тренер само во младинските категории на Интер, а оваа сезона го водеше првиот тим на Парма, успеа да избори опстанок во Серија А.
Киву, играч доби „кредит“ беше дел од најславните моменти на клубот. Играше за Интер од 2007 до 2014 година, а во сезоната 2009/10 ја освои тројната круна, што е најдобрата сезона во историјата на клубот.
Спорт
Габриел го продолжи договорот

Дефанзивецот на Арсенал, Габриел, потпиша нов четиригодишен договор со клубот, објави „Скај Спортс“. Претходниот договор на Бразилецот имаше важност до јуни 2027 година.
Габриел (27) му се приклучи на Арсенал од Лил во 2020 година. Тој има 210 настапи во сите натпреварувања, на кои постигнал 20 гола.
„Дојдов како млад играч и по речиси пет години сум среќен што научив многу. Горд сум на себе, ова беше неверојатно патување и среќен сум што го продолжувам. Се надевам дека ќе освојувам трофеи со овој клуб, бидејќи го сакам овој клуб, а и моето семејство го сака“, – изјави Габриел за веб-страницата на клубот.
Бразилецот ги пропушти последните два месеци од сезоната поради операција на тетивата, но се очекува да биде подготвен за почетокот на следната сезона.
„Скај Спортс“ објави дека одборот на клубот бара продолжување на договорите на Вилијам Салиба и Букајо Сака.
Порано оваа недела, Арсенал објави дека Жоржињо и Киран Тиерни ќе го напуштат клубот на крајот од месецот, кога ќе им истечат договорите.