Спорт
Менезес нов селектор на Бразил
Мано Менезес во сабота прифати и веднаш беше именуван за нов селектор на бразилската фудбалска репрезентација на местото на Карлос Дунга
Претседателот на Бразилската фудбалска конфедерација (CBF), Рикардо Теиксеира прво ова место му го понуди на Мурисо Рамалхо, кој не доби дозвола од својот сегашен клуб Флуминезе, па вториот од списокот Мано Менезес кој досега го водеше Коринтианс ја прифати понудата и тоа го соопшти во сабота попладне на прес-конференција орагнизрана од неговито клуб. Потегот на раководството на Флуминезе е без преседан во бразилскиот фудбал бидејќи досега тамошните клубови како посебна чест сметаа кога конфедерацијата ќе одлучеше нивниот тренер да ја води националната селекција. Рамалхо освои три титули по ред во бразилскиот шампионат со Сао Паоло од 2006 до 2008 г. а по десет кола од годинашново првенство со Флуминезе уверливо го држи првото првенство на табелата. По одбивањето на Флуминезе да се откаже од Рамалхо, CBF се сврти кон Мано Менезес, кој во моментот го води Коринтианс, а беше втор на листата на кандидати. Тој својата одлука треба да ја објави во сабота на прес-конференција која ќе ја организира неговиот клуб. Менезес го сврти вниманието на бразилската фудбалска јавност врз себе, во 2005 г. кога со Гремио успеа да се врати од втората во првата ига, а по само две години стигна и до финалето на јужноамериканскиот пандан на Лигата на шампионите – Копа либертадорес. Потоа во 2008 г. го презема Коринтианс и моментално по десет кола е на второто место со бод помалку од Флуминезе. Доколку ја прифати понудата да ја води репрезентацијата, Менезес ќе има обврска до 2014 г. да ја освои титулата светски шампион, особено што Бразил по втор пат ќе биде домаќин, а во 1950 г. беше поразен дома од Уругвај. Кариоките последната титула ја освоија во 2002 г. под водство на Луиз Фелипе Сколари кој потоа беше португалски португалски селектор па менаџер Челез а само пред неколку дена го презема Палмеирас. Бразил откако под водство на Дунга на штотуку завршениот мундијал во Јужна Африка беше елиминиран во четвртфиналето, што во најфудбалската нација се смета за голем неуспех.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јунајтед стави 11 играчи на трансфер листата
Манчестер Јунајтед игра уште една лоша. Поради тоа Сер Џим Ретклиф и останатите челници на „црвените ѓаволи“ донеле радикална одлука, во летниот преоден рок на продажба ќе биде половина од тимот.
Шестото место, 53 бодови и 24 бодови зад лидерот Арсенал по 33 одиграни натпревари сигурно никого не задоволува на „Олд Трафорд“.
Покрај тоа, клубот го загуби финалето на Лига купот и заврши на четвртото место во групата на Лигата на шампионите во конкуренција на Баерн, Копенхаген и Галатасарај.
Пред неколку дена Манчестер Јунајтед на „мускули“, по изведувањето пенали го елиминираше Ковентри во полуфиналето на ФА Купот. За трофејот ќе игра против Манчестер Сити на 25 мај на Вембли.
Поради тоа во клубот донеле радикална одлука. 11 играчи ќе бидат ставени на трансфер листата и ќе можат да го напуштат клубот во летниот преоден рок.
На списокот има Во него има неколку звучни имиња:
Арон Ван-Бисака
Виктор Линделоф
Хари Мегваер
Рафаел Варан
Касемиро
Кристијан Ериксен
Антони
Дони Ван де Бек
Џејдон Санчо
Ентони Марсијал
Маркус Рашфорд
Спорт
Судењето на Манчестер Сити ќе започне во „блиска иднина“
Првиот човек на Премиер лигата, Ричард Мастерс, изјави дека „во блиска иднина ќе се одржи рочиште за случајот со Манчестер Сити по сите 115 точки“.
Бен Рамсби, истражувачки новинар на англиски Телеграф, ја објави веста на својот профил на мрежата „Х“.
Со коментар дека „ова е најблиску до кое Мастерс дошол да спомне конкретен датум“.
Некои информации кои се појавија во јавноста на крајот на минатата година укажуваа дека судењето би можело да започне есента 2024 година.
Сити е обвинет по 115 точки од обвинението за повеќекратни финансиски прекршоци. Истрагата започна уште во 2018 година и продолжи до почетокот на 2023 година, а беа проверени и одлуките и работењето на клубот од сезоната 2009/10.
Што значи тоа „во блиска иднина“ останува да видиме. Судењето веќе е одложено поради откривање на нови докази и сведоци подготвени да сведочат.
Спорт
Ибрахимовиќ му препорача тренер на Милан
Златан Ибрахимовиќ (42) од оваа сезона е советник за спортски прашања во фудбалскиот клуб Милан. Легендарниот шведски центарфор учествува во обликувањето на спортската политика на клубот, а наскоро „росонерите“ ќе треба да одберат нов тренер. Стефано Пиоли го напушта клубот на крајот на сезоната по пет години и едно освоено Скудето.
Италијанските медиуми пишуваат дека Златан лобира функцијата да ја преземе Марк ван Бомел (47). Поранешниот холандски играч за врска го предводи белгиски Антверпен.
Ибрахимовиќ и Ван Бомел играа заедно за Милан од јануари 2011 до јуни 2022 година. Наводно клубот веќе стапил во контакт со тренерот.
Ван Бомел во кариерата самостојно ги водеше ПСВ и Волфсбург, а работеше и како асистент во репрезентациите на Австралија и Саудиска Арабија. Во својата кариера настапуваше за Фортуна Ситард, ПСВ, Барселона, Баерн и Милан, а кариера ја заврши пред 11 години како играч на ПСВ Ајндховен.
Раководството на Милан размислува уште неколку кандидати. Според „Газета дело Спорт“, најголеми фаворити се Пауло Фонсека и Хулен Лопетеги. Фонсека е 51-годишен Португалец кој моментално раководи со Лил, а две години работеше во Италија како тренер на Рома.
Лопетеги (57) оваа сезона е без работа откако се раздели со Волвс, додека најпознат е по менаџирањето на Шпанија, Реал Мадрид и Севилја.