Спорт
Интер-Манчестер Сити 3:0, Пандев стартер

Македонскиот репрезентативец Горан Пандев беше во почетниот тим на Интер, кој ноќеска го совлада Манчестер-Сити во рамки на Пирели купот што се игра во американскиот град Балтимор
Според извештаите, македонскиот репрезентативец Горан Пандев во 62 минута бил заменет од Самуел Ето. Македонскиот фудбалер не се запиша во листата на стрелците, а во 19 минута добил жолт картон минута по меѓусебно кошкање со Винсент Компани.Како што пренесува Associated Press, натпреварот воопшто не наликувал на пријателски, бидејќи изобилувал со груба игра, особено во првото полувреме.Острата игра кулминирала во 21 минут кога Патрик Виера добил црвен картон, откако со лакотот го удрил Марко Матераци.Друштво во нападот на Пандев му правел Виктор Обина, кој во 39 минута го постигнал првиот гол.Истиот играч во 54 минута бил најзаслужен за вториот погодок во 54 минута, откако по една контра упатил додавање, кое се обидел да го пресече Лескот, но топката завршила во мрежатаСтрелец на третиот гол бил 18 годишниот Кристијан Бираги, кој во 74 минута стрелал прецизно од 30 метри.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ван Дајк: Не знам каде ќе играм следната сезона

Ливерпул, синоќа ја заврши сезната во Лигата на шампионите. „Црвените“ на пенали беа елиминирани во осминафиналето од ПСЖ.
По елиминацијата од Лигата на шампионите, новинарите го прашаа капитенот на Ливерпул, Вирџил ван Дајк дали ќе остане во клубот и по истекот на договорот ова лето.
„Честитки за ПСЖ, тие се најдобриот тим против кој сме играле оваа сезона. Заслугите одат кај тренерот Луис Енрике. Тој изгради многу добар тим“, изјави Холанѓанецот пред да зборува за својот статус во клубот. „Не знам што ќе се случи со мене следната сезона. Ако некој ви каже дека знае, ве лаже во лице. Дали мојот договор е на листата на чекање? Не. Јас секогаш го велам истото. Кога ќе има некакви вести ќе ве известам“.
Со Ливерпул Ван Дајк ја освои Лигата на шампионите во 2019 година, Премиер лигата во сезоната 2019/20, Светското клупско првенство и Суперкупот на УЕФА. Тој е во клубот од 2018 година и забележа 310 настапи и постигна 26 голови.
Неговиот договор со Ливерпул важи до 30. јуни оваа година. По натпреварот со ПСЖ, тој беше виден како разговара со претседателот на ПСЖ, Насер Ал-Келаифи и спортскиот директор Луис Кампос. Некои навивачи претпоставуваа дека зборувале за потенцијалниот потпис на Ван Дијк за клубот од Париз.
Спорт
Пет натпревари суспензија за Анхел Кореа

Напаѓачот на Атлетико Мадрид, Анхел Кореа ќе ги пропушти следните пет натпревари, беше потврдено денеска.
Кореа жестоко го навредуваше и пцуеше судијата на последниот меч против Хетафе, а денеска му беше потврдена суспензијата од пет натпревари. Казната за црвениот картон е еден натпревар, а за навредит што ги упати кон судијата доби дополнителни четири натпревари суспензија.
Бидејќи суспензијата важи и за натпреварите од Купот на кралот, Кореа прво ќе го пропушти првенствениот натпревар против Барса, а потоа и реваншот од полуфиналето на Купот на почетокот на април. Освен двата меча со Барселона, Кореа ќе ги пропушти и гостувањата против Еспањол и Севилја и на крајот дуелот со Ваљадолид на „Метрополитано“.
Анхел Кореа ќе се врати во тимот до 20 април кога Атлетико гостува кај Лас Палмас.
Спорт
Пјастри потпиша нов договор со Мекларен

Возачот на Мекларен, Оскар Пјастри, потпиша нов повеќегодишен договор со Формула 1 тимот.
Австралискиот возач потпиша договор пред почетокот на сезоната 2023 година, а по само 15 трки, тој го продолжи договорот барем до крајот на 2026 година.
Минатата сезона ги забележа првите две победи и шест пати избори пласман на победничкит пиедестал.
Пјастри, во 2024 година, беше единствениот возач кој го заврши секој круг минатата година, завршувајќи ја сезоната на четвртото место во шампионатот, со што му помогна на Мекларен, прв пат по 1998 година, да го освои шампионатот за конструктори.
„Одлично е чувството да се знае дека сум дел од долгорочната визија на Мекларен. Тимот веруваше во мене кога потпишав во 2022 година и патувањето што го направивме во изминатите две сезони за да му помогнеме на Мекларен да се врати на самиот врв на спортот беше неверојатно“, рече Пјастре.
Новата сезона во Формула 1, во која Мекларен има највисоки можни амбиции, почнува следниот викенд во Мелбурн, со трката за ГН на Австралија.