Вториот ден од кошаркарското светско првенство во Турција донесе главно очекувани резултати

Единствениот меч кој во неделните натпревари потсети дека се игра светско првенство беше средбата меѓу Србија и Германија, во која и двете селекции настапија ослабени заради суспензии на играчите, кај Србија,  или откажувања на најдобрите како Дирк Новицки кај Германците. Сепак се очекуваше дека Србија и без Милош Теодосиќ и Ненад Крстиќ нивните први плејмејкер и прв центар, која во саботата ја демолираше Ангола со 50 поени разлика да биде подобра и во овој меч во Кајзери. Мечот беше крајно неизвесен што го покажува и податокот дека победата од половина кош 82:81, Германија ја извојува дури по две продолженија. Регуларните 40-те минути завршија 69:69, откако Србите преку Александар Рашиќ со две тројки ја анулираа предноста што на две минути и 13 секунди до крајот ја имаше противникот од 69:63. Србите мораа да ја бркаат предноста на противникот и во првото и во второто продолжение што им успеа само во првото. Во второто Германците на минута и три секунди до крајот со тројката на Јан-Хенрик Јагле направија предност од 82:77, што излезе преголема, иако Миено Тепиќ на три секунди пред крајот промаши положување за победа при резултат 82:81, што излезе и конечен резултат.Замената за Новицки, играчот на полскиот прволигаш Проком, Јан-Хенрик Јагле беше извонреден со 22 поени, девет скокови и четири асистенции, додека кај Србите најдобар беше Коста Перовиќ со 20 поени, додека Новица Величковиќ постигна 11 поени и девет скокови. Франција по победата над актуелниот шампион Шпанија во саботата, во неделата дури со 86:59 го совлада Либан кој беше сензационален победник против Канада од првото коло. Во Анкара, Грција одвај ги совлада Порториканците во главниот дуел од Групата Д Василис Спанулис постигна дури 28 поени, додека на спротивната страна НБА бекот на Далас маверикс, Хосе Бареа успеа да постигне 20 кошеви. Грците беа ослабени за суспендираните Антонис Фоцис и Софоклис Скорцианитис, додека Порторико играше без најдобриот играч, плејмејкерот Карлос Аројо.Во второто коло во групата А во Кајзери во недела беа постигнати следните резултати: Ангола – Јордан 79:65, Србија – Германија 81:82 и Аргентина – Австралија 74:72.  Во оваа група води Аргентина со 4, а следата Србија, Австралија, Германија и Ангола со 3 бода и Јордан со два пораза и два бода.Во Групата Б во Истанбул: Словенија – САД 77:99; Хрватска – Иран 75:54 и Бразил – Тунис 80:65. Водат САД и Бразил водат со две победи (4 бодови), Словенија и Хрватска се со по една победа и пораз (3 бода) и Иран и Тунис претрпеа два пораа (2 бода).Во Анкара во Групата Ц: Кина – Брегот на слоновата коска 83:73; Порторико –Грција 80:83 и Турција – Русија 65:56. Домаќините водат заедно со Грција со две победи, Кина и Русија имаат по една победа и пораз а Порторико и Брегот на слоновата коска се двапати поразени. Во Измир во Грипата Д: Литванија – Канада 70:68, Либан – Франција 56:89 и Шпанија – Нов Зеланд 101:85. Франциај и Литванија имаат по две победи, Шпанија и Либан по една победа, а Канада и Нов Зеланд се без победа.