Вечерните мечеви од среда во Лигата на шампионите во групите Е, Ф, Г и Х ги одбележа високата победа на Арсенал дома против Брага, и сигурните домашни победи на фаворите Реал, Милан и Баерн

Најрасположени беа стрелците на Арсенал кои на домашниот стадион „Емирати“ ја прегази португалска Брага со 6:0, но победата на „топчиите“ можеше да биде и далеку поубедлива. Шесте голови за англискиот претставник ги постигнаа Сес Фабрегас во 9. минута од пенал и потоа во 53. минута, Андреј Аршавин во 30., Маруан Чамак во 34. и Карлос Вела во 69 и 84. минута.Во истата група Х, украински Шахтјор во Доњецк со оглед на катастрофата на Брага во Лондон, извојува вредна победа над белградски Партизан со убавиот гол Дарио Срна од слободен удар во 71. минута кога беше скршен отпорот на противникот.Во групата Ф, Челзи и Спартак ги постигнаа стартните победи, и тоа на гости. Челзи имаше лесна задача на гостувањето кај словачкиот претставник Жилина, кој е најсиромашниот клуб во годинешното натпреварување во Лигата на шампионите. Лондонските сини победија со 4:1, постигнувајќи ги сите голови до 48. минута кога серијата ја заврши Стариџ, а претходно ефикасни беа Есиен во 13. и Анелка во 24. и во 28. минута. За домаќините голот го постигна Оравец во 55. минута.Ако победата на Челзи беше очекувана, спротивни францускиот шампион Марсеј на својот „велодром“ беше многу непријатно изненаден од московски Спартак кој му откина вредни три бода во директната трка за второто место во групата кое ќе води во натамошните борби во Лигата на шампионите. Всушност првата победа за Спартак на гостински терен во ЛШ беше автогол на Сезар Азпиликуе на девет минути пред крајот на мечот. Во групата Г, фаворитите Реал и Милан си ги обезбедија првите бодови со идентични победи со два гола во мрежите на вечерашните противници. Во Мадрид, Ајакс сам си ја начна мрежата преку Вурнон Анит, а конечните 2:0 ги постигна голгетерот на Реал Гонзало Игуаин во 73. минута. За разлика од неделниот дебакл во Серија А против Чезена, засилувањето на „росонерите“ од Барселона, Златан Ибрахимовиќ беше поконцентриран и со головите во 66. и 69. минута го матираше француски Оксер. Во групата Е, минатогодишниот финалист во ЛШ, минхенски Баерн на „Алианц арената“ ја пречека грогираната Рома која во неделата беше декласирана со 1:5 од Каљари. „Волчицата“ во првиот дел успеваше да одолее, но рака на срце и баварците не одиграа квалитетно за да можат да дојдат до водство. Во играта на Баерн се чувствуваше големата празнина што ја создава отсуството на суспендираниот Франк Рибери и повредениот Арјен Робен. А среќа Баерн го има најпрециниот тандем од последното светско фудбалско првенство, па успеа прво преку Томас Милер дури во 79. минута да поведе, а во 83. минута Мирослав Клосе вешто искористи збунетост во римската одбрана и го постави конечниот резултат. Романскиот Клуј иако само пред два дена го отпушти тренерот, многу рано направи предност од 2:0, со головите на ЈОнут Раде во 9. и Лисина Траоре во 12. минута. Швајцарски Базел преку Валнетин Штокер во 45. минута успеа да намали на 1:2, што и покрај сите напори а изедначување остана конечен резултат.