Спорт
Тотенхем во завршницата го победи Вулверхемптон

Во сабота во првиот ден од 5-то коло од англиската фудбалска лига, „спарсите“ со пресврт и 3:1 го совлада Вулверхемптон привремено искачувајќи се на 4-то место на Премиершип
Иако резултатски изгледа уверливо, Тотенхем до победата дојде во самата завршница. Имено се до 77. минута гостите водеа со погодокот на Стивен Флечер (кој беше постигнат во 45. минута), кога изедначи Рафаел ван дер Ваарт. По десет минути, во 87-та водството на Тотенхем му го донесе Роман Пављученко а во 90+1. минута победата ја потврди Алан Хатон.По домашниот пораз од Блекпул со 0:2, повратникот во Премиершип Њукасл кој инаку многу добро стартуваше во новиот шампионат, во 5-то коло постигна уште еден вреден резултат, совладаувајќи го нагости Евертон со 1:0, со погодокот што го постигна Хетем Бен Арф во 45. минута.Првиот годинашен пораз го доживеа Бирмингем на гости кај Вест Бромвич Албион, иако како и во Лондон гостите поведоа со 1:0. По голот на Камерон Џером во 15. минута за Бирмингем, домашниот ВБА во вториот дел за неполни дваесетина минути успеа да направи целосен пресврт забележувајќи убедлива победа. За домаќините прецизни беа Скот Дан во 51., Питер Одимвинги во 59. и Јонас Олсон во 69. минута. Астон Вила и Болтон одиграа мирољубиво 1:1, со резултат постигнат уште во првот полувреме. Стрелци беа Ешли Јанг во 13. минута за домаќините, додека конечниот резултат го постигна Кевин Дејвис во 35. минута.Со овој резултат во сабота завршија уште две средби од англиското првенство. Блекбурн и Фулам си земаа по еден бод со головите на Кристофер Самбоа во 30. и Клинт Демпсеј на спротивната страна во 56. минута. Во ова коло со еден гол по бод земаа и Сток сити за кого гол постигна Кенвајн Џонс во 48. и Вест Хем јунајтед за кого голот го постигна Скот Паркер во 32. минута.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Поранешен голман на Партизан извршил самоубиство

Поранешниот голман на Партизан, Радиша Илиќ е пронајден мртов. Според порталот „Телеграф“, 47-годишниот Илиќ се самоубил скокајќи од тераса.
Илиќ во два мандати бранеше за Партизан, во првиот од 1998 до 2003 година, а потоа и од 2010 до 2013 година.
Со Партизан освои пет титули во националниот шампионат и два национални купа .
Во кариерата бил играч на Слобода од Ужице, Национал од Букурешт, Борац Чачак, ОФК Београд и Пансераико. Кариерата ја заврши во 2013 година.
Тој забележа и еден настап за сениорската репрезентација на Србија во 2008 година на пријателскиот натпревар против Македонија.
По завршувањето на кариерата беше и во стручниот штаб на српската репрезентација кога на клупата беше Славољуб Муслин.
Подоцна неколку сезони беше тренер на голмани во стручниот штаб на Партизан.
Спорт
Оклахома победи во Бостон, математички си обезбеди место во плејофот

Кошаркарите на Оклахома со победата на теренот на актуелниот шампион Бостон, математички обезбеди пласман во плејофот. Во „Ти-Ди Гарден“ во Бостон, Оклахома победи 118:112.
Играчите на Оклахома Сити Тандер ја забележаа 17. победа во последните 18 натпревари.
Шеј Гилџис-Александер уште еднаш ги предводеше Тандер до победата, овојпат со 34 поени, а најсилната офанзивна поддршка ја имаше во Чет Холмгрен, кој натпреварот го заврши со 23 поени и 15 скока.
Ова беше втор натпревар на Оклахома и Бостон оваа сезона и втора победа на Тандер против актуелниот шампион.
На домашниот тим не им помогна ниту одличното издание на Џејсон Тејтум и неговите 33 поени.
Кошаркарите на Бостон имаа 63 обиди за три поени, што е рекорд на франшизата по бројот на обиди надвор од линијата од 7,24 метри. Уфрлија само во дваесет.
Една од причините за поразот на Селтикси, покрај нивното упорно инсистирање на удари од далечина, беше и лошиот настап на Џејлен Браун, кој го израмни својот минимум во сезоната со десет поени.
Втор најефикасен кај Бостон беше Дерик Вајт со 22 поени, а Ал Хорфорд постигна 18.
Њујорк синоќа на спектакуларен начин дојде до победата, со тројката на Микал Бриџис на крајот од продолжението на мечот против Портланд. Така Никс дојдоа до „тесна“ победа во Орегон со резултат 114:113.
Бриџис го заврши натпреварот со 33 поени.
О-Џеј Ануноби со 23 поени и Карл-Ентони Таунс со 21 поен го следеа Бриџис.
Кај Портланд се истакна Дени Авдија со 27 поени.
Спорт
Роналдо ја повлече кандидатурата за прв човек на бразилскиот фудбал

Легендарниот Роналдо Назарио да Лима (48) ја повлече кандидатурата за претседател на Бразилската фудбалска конфедерација.
Двократниот светски шампион со „кариоките“, сега бизнисмен, рече дека му недостига поддршка од локалните фудбалски претставници за да го предизвика актуелниот претседател Едналдо Родригез.
Роналдо во декември најави дека ќе го предизвика Родригез, кој беше критикуван од навивачите и поранешните играчи, но не и од локалните фудбалски претставници.
Изборите треба да се одржат во наредниот период, се уште не е познат точниот датум. Инаку мандатот на Родригез истекува во март следната година.
На Роналдо му беше потребна поддршка од најмалку четири локални сојузи за да се кандидира, но поранешниот напаѓач на Интер и Реал Мадрид не обезбеди поддршка.
„Локалните сојузи одбија да ме примат во нивните седшта, тврдејќи дека се задоволни од актуелното раководство и ја поддржуваат кампањата за реизбор на Родригез. Не можев да го претставам мојот проект, да ги споделам моите идеи. Немаше простор за дијалог. Јасно е дека немам шанси да се кандидирам. Повеќето федерални функционери го поддржуваат актуелниот претседател, тоа е нивно право и јас го почитувам тоа без оглед на моите убедувања“, напиша Роналдо на социјалните мрежи.
Мандатот на Родригез беше обележан со правен спор, при што тој беше сменет во декември 2023 година поради нерегуларности во изборниот процес, но еден месец подоцна бразилскиот Врховен суд ја поништи таа одлука.
Во тој период, Родригез го доживеа својот најголем неуспех, бидејќи постојано тврдеше дека постигнал договор со тренерот на Реал Мадрид, Карло Анчелоти, кој на крајот го остана во Реал.
Бразил од клупата го предводи Доривал Јуниор, а во јужноамериканските квалификации за Светското првенство се наоѓа на петтото место со 18 бодови по 12 меча.
Најдобрите шест репрезентации ќе обезбедат директен пласман на СП 2026 година.