Спорт
Барса од Мадрид со три бода, но без Меси

Дури по четири години Барселона успева да освои цел плен на гостувањето кај Атлетико Мадрид, но нејзиниот најдобар играч доживеа повреда која според првичните процени ќе го оддалечи Меси најмалку две седмици од теренот
Аргентинскиот фудбалски ас Лионел Меси беше повреден во судското надополнување при еден невнимателен старт на чешкиот репрезентативец кој настапува за Атлетико, Томаш Ујфалуши. Според шпанските електронски медиуми, можно е повредата на Меси кој беше изнесен од теренот на носилки, да биде потешка. Уште при телевизискиот пренос беше забележливо дека глуждот на десната нога на меси веднаш многу отече. „Сите сме тажни за повредата на Меси. Сепак, лекарите по првата процена ја елиминираа моќноста од скршеница. Ни останува само да ги пречекаме утрешните прегледи за да се утврди вистинската сериозност на повредата“, изјави за интернет страницата на Барселона, тренерот Хосеп Гвардиола. Според страницата првите констатации на лекарите се дека на Меси му е исчашен зглобот и е истегнат медијалниот колатерален лигамент. Меси инаку во недела навечер беше стрелец на првиот гол за Барселона во победата од 2:1 на „Винсент Калдерон“ во 13. минута. Откако Раул Гарсија во 25. минута изедначи на 1:1м Пике во 32. минута го постави конечниот резултат. Барселона ја одигра својата вообичаена игра и во ниеден момент нејзината победа не дојде во прашање. Иако во вториот дел од мечот тоа беше одење по жица, Атлетико речиси и не направи посериозна шанса, туку најистакнат поединец на средбата беше младиот домашен голман Давид де Геа кој одбрани повеќе тешки удари особено на Давид Виља кој по двобоите со него беше видни индиспониран.Третото коло од шпанската Примера беше завршено со градското дерби меѓу Вијареал и Леванте. Победата на Вијареал им ја донесе бразилскиот напаѓач Неимар кој беше двоен стрелец во 16. и во 42. минута, додека домаќинот Леванте намали преку Еквадорецот Каеседо кој дојде од Манчестер сити во последната минута од мечот. Валенсија пак се искачи на првото место откако на гостувањето кај сензационалниот победник од минатата седмица на „Ноу Камп“, Херкулес, извојува победа со 2:1. Хуан Мата во 2. и Пабло Хернандез во 23. минута беа стрелци за гостите, а за домашните својот прв гол го постигна довчерашниот напаѓач Давид Трезеге кој прецизно изведе пенал во 43. минута. На Херкулес не му помогна ниту тоа што Валенсија од 50. минута играше со играч помалку откако беше исклучен Наваро.Во недела Расинг со головите на Енрике во 76. и на Ариел во 90. минута го совлада Сарагоза.Малага иако поведе со голот на Редондо во 14. минута, сепак пред своите навивачи беше поразена од Севиља со головите на Алфаро во 20. и Сесарес во 50. минута.Валенсија го презеде водството на табелата со девет бодови од три меча, Севиља е втора со седум бодови колку и третиот Реал Мадрид, а Барселона е шеста со исто толку бодови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Сане како слободен играч ќе го засили Галатасарај

Лирој Сане одби да го продолжи договорот со Баерн, а германските медиуми тврдат дека тој сигурно ќе го напушти клубот. Сане, според овие извори бил блиску до преселба во Галатасарај.
Сане отпатува во САД со Баерн на Светско клупско првенство, но дека само прашање на денови е кога ќе потпише со турскиот првак.
Турскиот шампион ги подобри финансиските услови што му ги нуди на Сане, играч чиј договор со германскиот шампион истекува на крајот на јуни. Тотенхем и Арсенал исто така беа заинтересирани за неговите услуги.
Сане ја започна својата професионална кариера во Шалке, а потоа играше за Манчестер сити од 2016 до 2020 година. Тој се пресели од англискиот клуб во Баерн, за кој одигра 153 натпревари во Бундеслигата и постигна 40 голови. Со Сити освои две титули во Премиер лигата, а со Баерн четири во Бундеслигата.
Галатасарај работи на зајакнување на играчкиот кадар пред сезоната во која ќе игра во Лигата на шампионите. Вредноста на Сане според „Трансфермаркт“ е 32 милиони евра.
Спорт
Чиле остана без пласман на СП и без селектор

Фудбалерите на Чиле забелаа уште еден пораз во квалификациите за пласман на Светското првенство следната година. По поразот од Боливија (2:0), Чилеанците остнаа без шанси за пласман на Мундијалот.
Ова е вистинска катастрофа за националниот тим, бидејќи не учествуваа и на претходните две Светски првенства, во Русија 2018 и Катар во 2022 година. Сето тоа се случи откако Чилеанците ја освоија Копа Америка во 2015 и 2016 година.
По поразот од Боливија, Чиле е на последното место на табелата во Јужна Америка. Како резултат на лошиот пласман, веднаш по поразот во Боливија, 67-годишниот Аргентинец Рикардо Гарека, доби отказ. Гарека го презеде Чиле во 2024 година, забележа само една победа во 13 официјални натпревари со Чиле.
Спорт
Сити го потврди трансферот на Рејндерс

Манчестер сити потврди уште едно засилување. Дресот на клубот од „Етихад“ ќе го носи и Холанѓанецот Тижани Рејндерс.
Сити го потврди трансферот од Милан на својата веб-страница, и иако не открија финансиски детали, медиумите објавија дека Сити ќе плати 70 милиони евра за трансферот на холандскиот репрезентативец, кој потпиша договор до летото 2029 година.
„Чест ми е што потпишав за Сити. Горд сум што сум дел од тимот на Пеп Гвардиола, чија работа ја следам со години, уште од Барселона со Лео Меси. Едвај чекам да почнам да работам со него и сигурен сум дека Гвардиола ќе ме направи уште подобар играч“, рече Холанѓанецот.
Пред Рејндерс, Сити ги претстави Рајан Аит-Нури и Рајан Шерки, додека голманот Маркус Бетинели пристигна од Челзи, кој ќе биде трет избор зад Едерсон и Стефано Ортега.
Нури пристигна за сума од околу 45 милиони евра, Шерки од Лион за 36+6 преку бонуси, што значи дека Сити потроши околу 150 милиони евра за летни засилувања.
Важно е да се истакне дека Пеп ќе може да смета на сите играчи на претстојното Светско првенство за клубови во САД.