Спорт
Дерби на ланскиот првак и вицешампионот на Серија А
Дуелот на двете најдобри екипи од минатата сезона, Интер и Рома, барем на хартија е дерби натпреварот од петтото коло во италијанската Серија А
Во новото првенство Рома се уште нема победа и со скромни два бода се наоѓа на претпоследното место на табелата. Дијаметрално спротивна е позицијата на Интер, „неро-азурите“ по четири кола ја држат челната позиција на табелата. Натпреварот во Рим ќе биде клучен за тренерот на Рома, Клаудио Раниери. Доколку „волчицата “ загуби, Раниери ќе мора да ја напушти тренерската позиција.Во слична положба како и Раниери се наоѓа и неговиот колега од Фиорентина, Синиша Михајловиќ. „Виола“ нема победа во првенството, освои само два бода и доколку против Парма не ги освои бодовите лесно може да се случи Михајловиќ да стане поранешен тренер на Фиорентина.Во петтото коло од Серија А, во сабота, 25 септември играат Милан-Џенова, Рома-Интер, додека во недела на програмата се двојките Чезена-Наполи, Бари-Бреша, Киево-Лацио, Катанија-Болоња, Сампдорија-Удинезе, Палермо-Лече, Фиорентина-Парма и Јувентус-Каљари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Уапсен поранешниот Ф1 возач, Адријан Зутил
Поранешниот член на караванот на Формула 1, Адриан Зутил, беше уапсен во Штутгарт.
Тој беше уапсен под сомнение за учество во измама и проневера, по меѓународна операција.
Германецот не ги коментираше овие наводи.
Зутил се натпреваруваше во Формула 1 од 2007 до 2014 година, но не беше многу успешен, бидејќи никогаш не успеа да се искачи на подиумот.
Сепак, тој го држи рекордот по бројот на стартови, вкупно 128, во кои не успеа да стигне до едно од првите три места.
Спорт
Вработена го оштетила Челзи за 230.000 евра
Поранешна долгогодишна вработена во Челзи се изјасни за виновна за измама на клубот за повеќе од 200.000 фунти (околу 230.000 евра) во период од четири години.
39-годишната Клер Волш, која работеla како помошничка благајничка, ја злоупотребила својата позиција за лична корист и сега се соочува со затворска казна до 10 години.
Волш се појави пред Судот за прекршоци во Вестминстер, каде што се изјасни за виновна по обвинението за измама со злоупотреба на службената должност во периодот јуни 2019 и октомври 2023 година.
Судијата Киран О’Донел ѝ соопштил дека обемот на измамата е надвор од овластувањата на Судот за прекршоци за изрекување казни.
Волш работи за Челзи повеќе од 20 години. Таа ќе биде осудена во Крунскиот суд во Ајлворт на датум што ќе биде дополнително одреден.
Клубот откри финансиски неправилности на почетокот на 2022 година и веднаш го проследи случајот до полицијата.
Спорт
Пулишиќ е повреден, нема да игра против Лацио
Кристијан Пулишиќ американскит репрезентативец и херој на неодамнешната победа во дербито против Интер ќе го пропушти претстојниот првенствен натпревар против Лацио, потврди тренерот Масимилијано Алегри.
На прес-конференцијата пред натпреварот, Алегри истакна дека Пулишиќ „веројатно нема да игра“, но остави мала можност за промена со оглед на тоа што остануваат уште два дена до натпреварот.
Тој нагласи дека остатокот од тимот е во добра состојба, но дека не сака да ризикува со Американецот, особено затоа што неодамна се опорави од повредата на тетивата.
Оваа ситуација е особено фрустрирачка за Милан бидејќи Пулишиќ штотуку се врати во полна форма по повредата здобиена за време на репрезентативните обврски во октомври.
И покрај тоа што пропушти четири натпревари, Пулишиќ беше клучен играч за Милан оваа сезона со седум гола и две асистенции во само 10 настапи во сите натпреварувања.

