„Ќе го остварам сонот кога ќе потпишам договор со Фенербахче“, рекол Месут Озил по доаѓањето во Истанбул. Поранешниот германски репрезентативец, претходните седум и пол години ги мина во Арсенал.

Озил со Фенербахче ќе потпише три и пол годишен договор.

„Возбуден сум, отсекогаш сум бил навивач на Фенербахче. Ми се остварува сонот. Се надевам дека ќе имам многу успеси во дресот на Фенер. Бог да ги благослови нашите навивачи бидејќи секогаш не поддржуваат. Пресреќен сум што сум овде“, рекол Озил.

💛💙 pic.twitter.com/xqIFrr9Iwb

— Mesut Özil (@MesutOzil1088) January 17, 2021

32-годишниот фудбалер, не одиграл официјален натпревар од март минатата година. За него немаше место во плановите на менаџерот на Арсенал, Микел Артета. Последните неколку месеци дури и не тренираше со првиот тим.

Озил во кариерата играл во Шалке, Вердер и Реал Мадрид. Со Германија во 2014 година стана светски првак.

Наполи и Олимпик Марсеј постигнале договор околу трансферот на Аркадијуш Милик. Полскиот репрезентативец, откако одби да потпише нов договор, беше пречкртан во Наполи. Клубот не го пријави за настап во ниту едно натпреварување, во првиот дел од сезоната.

Милик, најпрвин ќе го продолжи договорот со Наполи до 2022 година, бидејќи актуелниот му истекува за неколку месеци, а потоа за да можат во Марсеј да го испочитуваат финансискиот ферплеј, ќе се пресели на „Велодром“, како позајмен играч.

По завршувањето на сезоната, Олимик Марсеј, ќе го откупат договорот на Милик од Наполи.

Францускиот тим за услугите на Милк ќе плати 8 милиони евра, плус 5 милиони евра преку бонуси и ќе мора на Наполи да ми исплати 30 отсто од наредниот трансфер.

Според медиумите, Милик, ќе потпише договор со Марсеј до јуни 2025 година, а годишно ќе заработува 4,5 милиони евра.

Паоло Трамецани (50) е нов тренер на Хајдук од Сплит. Италијанскиот тренер со Хајдук потпишал договор до јуни 2022 година.

Трамецани кариерата како играч ја започнал во Интер, а настапувал и за Прато, Козенца, Пјаченца, Тотенхем, Пистоезе, Аталанта, Емполи и Про Патриа.

Тренерската кариера ја започнал како помошник на Џани де Бјаси во репрезентацијата на Албанија.

Трамецани, во кариерата бил тренер на годината во Швајцарија и Кипар. Во 2016 година со Лугано успеал да се пласира во Лига Европа. додека во 2018 година со АПОЕЛ станал шампион на Кипар.

Хајдук првиот дел од сезоната во Хрватска го заврши на петтото место со 17 поени, 16 помалку од водечкиот Динамо Загреб.

На кормилото на Хајдук, Траменцани го наследи Боро Приморац.