Еден од најдобрите фудбалери на сите времиња, Кристијано Роналдо, оваа среда полни 40 години.

Роден на островот Мадеира, тој ја започна својата кариера во младинските школи на локалните клубови Адорињо и Национал, каде во 1997 година, како 12-годишник, беше забележан од лисабонскиот гигант Спортинг.

Набргу по неговото деби за првиот тим во 2002 година, брилијантниот настап на пријателскиот натпревар против Манчестер Јунајтед го привлече вниманието на Сер Алекс Фергусон, кој веднаш го донесе на Олд Трафорд.

Во текот на шест сезони, тој постигна 118 гола во 292 натпревари и освои девет трофеи, вклучувајќи ја и Лигата на шампионите, сепак, тој го достигна својот врв во Реал Мадрид, за кого одигра 438 натпревари за девет години и постигна импресивни 450 гола.

Со Мадрид освои 15 трофеи, вклучувајќи четири Лига на шампиони, но само две титули во Ла Лига.

Потоа четири години играше за Јувентус и на 134 натпревари постигна 101 гол, но со „Старата дама“ не успеа да ја освои Европа.

Тој неочекувано се врати во Манчестер Јунајтед во 2021 година, блескајќи во првата сезона со 24 гола, но новиот тренер Ерик тен Хаг немаше доверба во него и го напушти Олд Трафорд во јануари 2022. Потоа се пресели во Саудиска Арабија, каде Ал Наср му понуди плата од 200 милиони евра годишно. На 95 натпревари постигна 87 гола и се уште дава голови.

Роналдо е светски рекордер по бројот на настапи и голови за репрезентацијата, со 217 настапи и 135 голови, а со Португалија го освои и ЕВРО 2016 година.

Петкратниот освојувач на „Златната топка“ за најдобар фудбалер во светот е рекордер во Лигата на шампионите и ЕУРО по број на настапи, голови и асистенции.

Тој е еден од ретките играчи со повеќе од 1.200 одиграни натпревари и најдобар стрелец на сите времиња со повеќе од 900 гола (924. го постигна во понеделникот) во сениорската кариера.

Почнувајќи од следната сезона, судиите на натпреварите во англиската Премиер лига своите одлуки ќе ги соопштуваат на публиката на стадионот преку микрофони откако ќе ја прегледаат снимката со помош на ВАР технологијата.

Оваа процедура моментално се тестира на полуфиналните натпревари од Лига купот оваа сезона, а првиот практична примена имаше на натпреварот меѓу Тотенхем и Ливерпул, кога на Тотенхем им беше поништен гол поради офсајд.

Главниот фудбалски директор на Премиер лигата, Тони Сколс, им изјави на новинарите дека оваа процедура ќе се користи и за време на натпреварите во лигата.

Полуавтоматската офсајд технологија би можела да биде воведена во Премиер лигата и порано, пред крајот на оваа сезона.

Првично, технологијата требаше да се имплементира по репрезентативната пауза во првиот дел од сезоната, но тоа беше одложено поради проблеми во процесот на тестирање. Сколс рече дека е постигнат напредок во текот на изминатите неколку недели.

„Веруваме дека тоа е најточниот систем. Морам да признаам, со оглед на тешкотиите што ги имавме во првите неколку месеци од сезоната, бев крајно скептичен во врска со ова, но напредокот што беше постигнат во изминатите четири до шест недели е значителен“, рече Сколс.

Сколс додаде дека имплементирањето на технологијата на само неколку рунди до крајот на сезоната нема да создаде проблем со интегритетот.

Претставниците на лигата веруваат дека тоа ќе го скрати времето потребно за проверка на офсајд во просек за 31 секунда.

Фудбалерот на Ливерпул, Трент Александер-Арнолд нема да биде во конкуренција за место во тимот, за реваншот од полуфиналето на Лига купот против Тотенхем, потврди менаџерот на „црвените“, Арне Слот.

Натпреварот се игра утре од 21 часот на „Енфилд“. Тотенхем е во предност бидејќи го доби првиот натпревар со 1:0. Другиот финалист ќе биде победникот од двомечот меѓу Њукасл и Арсенал. „Страчките“ го добија првиот меч во Лондон на „Емирати“ со 2:0.

„Трент ќе го пропушти натпреварот против Тотенхем. „Ќе треба да видиме дали е подготвен да биде во тимот за неделниот дуел со Плимут во ФА купот, но тој утре дефинитивно нема да игра“, рече Слот и додаде:

„Тој го напушти теренот против Бурнемут бидејќи почувствува болка во ногата. Тренет почна да тренира но со намален интензитетво. Ќе видиме колку време ќе биде потребно да биде подготвен“.

Ливерпул следно ќе игра со Плимут во четвртото коло од ФА Купот, како и со градскиот ривал Евертон (наредната среда) во Премиер лигата.

Потоа, лидерот во англискиот шампионат го очекува меч против Вулверхемптон на „Енфилд“, а потоа следуваат два пеколни натпревари, против Манчестер сити и Њукасл.