Спорт
Потонати надежи за Еуро 2011

Русија победи на гостувањето во Скопје и со новите три бода ќе ги дочека пролетните квалификациски мечеви на првото место во нашата квалификациска група, додека македонската селекција ќе презими на претпоследното место
Видовме две сосема различни полувремиња. Во првото Македонија со дефанзивен распоред и состав на играчи сакаше да одржи нерешен резултат, но тактиката им падна во вода по само девет минути игра кога непречен од никого Кержаков прими топка во шеснаесетникот дојде на шест метри од голот и одкосо силно биеше над главата на Нурединовски во мрежата.Зачудува зошто по примениот гол нашиот тим продолжи со иста игра. Резултатот на тоа беше ниту еден упатен удар во рамките на голот, ниту покрај голот во првото полувреме. Русија можеше да ја осигура победата во последната минута од првото полувреме но Зирјаков изгледната позиција не ја реализира, шутирајки право во нозете на нашиот голман.Во второто полувреме со влегувањето на Стевица Ристиќ во игра се промени сликата на теренот. Во 54 минута го видовме првиот удар кон голот на Русија кога се обиде Ѓуровски, што најави една поофанзивна игра. Следуваа шанси на Тричковски, па речиси стопроцентна шанса на Деспотовски и уште една на РистиќВо 72 минута Деспотовски нафрли пред голот на Русија, Ристиќ упати удар со глава, но притоа беше фаулиран. Дотогаш исвиркуваниот судија Јоханесон од Шведска досуди пенал. Наумовски упати удар на истата страна како и кога постигна гол од пенал против Ерменија, Наумоски мораше да биде советуван пред мечот дека Русите сигурно го гледале тој меч и доколку изведе пенал да промени нешто. Од друга страна Дик Адвокат тренерот на Русија ништо не остави на случајот. Акинфеев тргна на вистинската страна и како локум го одбрани ударот на Наумовски.Овој промашен пенал делуваше како студен туш за нашите играчи повеќе од примениот гол, па до крајот не успеаја да изградат шанса за израмнување.Резултати група Б: Македонија – Русија 0:1, Словачка – Ирска 1:1, Ерменија – Андора 4:0 Табела: Русија 9, Ерменија 7, Ирска 7, Словачка 7, Македонија 4, Андора 0.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ван Дајк: Не знам каде ќе играм следната сезона

Ливерпул, синоќа ја заврши сезната во Лигата на шампионите. „Црвените“ на пенали беа елиминирани во осминафиналето од ПСЖ.
По елиминацијата од Лигата на шампионите, новинарите го прашаа капитенот на Ливерпул, Вирџил ван Дајк дали ќе остане во клубот и по истекот на договорот ова лето.
„Честитки за ПСЖ, тие се најдобриот тим против кој сме играле оваа сезона. Заслугите одат кај тренерот Луис Енрике. Тој изгради многу добар тим“, изјави Холанѓанецот пред да зборува за својот статус во клубот. „Не знам што ќе се случи со мене следната сезона. Ако некој ви каже дека знае, ве лаже во лице. Дали мојот договор е на листата на чекање? Не. Јас секогаш го велам истото. Кога ќе има некакви вести ќе ве известам“.
Со Ливерпул Ван Дајк ја освои Лигата на шампионите во 2019 година, Премиер лигата во сезоната 2019/20, Светското клупско првенство и Суперкупот на УЕФА. Тој е во клубот од 2018 година и забележа 310 настапи и постигна 26 голови.
Неговиот договор со Ливерпул важи до 30. јуни оваа година. По натпреварот со ПСЖ, тој беше виден како разговара со претседателот на ПСЖ, Насер Ал-Келаифи и спортскиот директор Луис Кампос. Некои навивачи претпоставуваа дека зборувале за потенцијалниот потпис на Ван Дијк за клубот од Париз.
Спорт
Пет натпревари суспензија за Анхел Кореа

Напаѓачот на Атлетико Мадрид, Анхел Кореа ќе ги пропушти следните пет натпревари, беше потврдено денеска.
Кореа жестоко го навредуваше и пцуеше судијата на последниот меч против Хетафе, а денеска му беше потврдена суспензијата од пет натпревари. Казната за црвениот картон е еден натпревар, а за навредит што ги упати кон судијата доби дополнителни четири натпревари суспензија.
Бидејќи суспензијата важи и за натпреварите од Купот на кралот, Кореа прво ќе го пропушти првенствениот натпревар против Барса, а потоа и реваншот од полуфиналето на Купот на почетокот на април. Освен двата меча со Барселона, Кореа ќе ги пропушти и гостувањата против Еспањол и Севилја и на крајот дуелот со Ваљадолид на „Метрополитано“.
Анхел Кореа ќе се врати во тимот до 20 април кога Атлетико гостува кај Лас Палмас.
Спорт
Пјастри потпиша нов договор со Мекларен

Возачот на Мекларен, Оскар Пјастри, потпиша нов повеќегодишен договор со Формула 1 тимот.
Австралискиот возач потпиша договор пред почетокот на сезоната 2023 година, а по само 15 трки, тој го продолжи договорот барем до крајот на 2026 година.
Минатата сезона ги забележа првите две победи и шест пати избори пласман на победничкит пиедестал.
Пјастри, во 2024 година, беше единствениот возач кој го заврши секој круг минатата година, завршувајќи ја сезоната на четвртото место во шампионатот, со што му помогна на Мекларен, прв пат по 1998 година, да го освои шампионатот за конструктори.
„Одлично е чувството да се знае дека сум дел од долгорочната визија на Мекларен. Тимот веруваше во мене кога потпишав во 2022 година и патувањето што го направивме во изминатите две сезони за да му помогнеме на Мекларен да се врати на самиот врв на спортот беше неверојатно“, рече Пјастре.
Новата сезона во Формула 1, во која Мекларен има највисоки можни амбиции, почнува следниот викенд во Мелбурн, со трката за ГН на Австралија.