Спорт
Олимпија победи во Милано, ПАО подобар од ЦСКА

Комплетирано е второто коло во кошаркарската Евролига. Во дербито во Атина, Панатинаикос ја победи ЦСКА Москва, Макаби и Реал запишаа сигурни победи, додека како гости на теренот на своите противници се радуваа Фенербахче и Олимпија
Унион Олимпија во рамките на Д групата, забележа изненадувачка победа во Милано, против Армани џинс од 72:76. Некогашниот македонски репрезентативец, Владо Илиевски за победникот постигна 12 поени (3/3 за три поени), на кои придодаде 4 асистенции, 2 скока и 2 украдени топки. Најефикасни во редовите на Олимпија со по 19 поени беа Јагодник и Ожболт.Во оваа група се одигра и дербито Панатинаикос-ЦСКА Москва. Благодарение на добрата игра во третата четвртина домаќинот забележа победа од 74:60. Дру Николас со 18 и Ромеин Сато со 17 коша беа најефикасни во редовите на Панатинаикос.Реал Мадрид во А групата го доби шпанскиот дуел против Уникаха. Во победата од 68:56 Фелипе Рејес имаше учинок од 17 поени и 8 скока.Во Б групата, во Тел Авив, Макаби славеше победа од 86:70 над Жалгирис. „Гордоста на Израел“ ја предводеше Скорцанитис со 24 поени и 5 скока.Во Загреб во рамките на Ц групата, Фенербахче ја совлада Цибона со 73:68, најпрецизен во победничкиот тим беше Кинси со 17 поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Панчев: Хуманитарен меч Вардар-Црвена звезда на 16. април

Легендата на македонскиот, југословенскиот фудбал и Црвена звезда, Дарко Панчев е скршен од тага по трагедијата во Кочани, во која во пожар во дискотеката „Пулс“ загинаа 59 лица, а преку 150 се повредени.
Европски и светски шампион со Црвена звезда, Панчев во разговор за „Спортклуб“, откри дека разговарал со генералниот директор на најтрофејниот српски клуб, Звездан Терзиќ, црвено-белите да му гостуваат на Вардар во Скопје. Идеката на Панчев е да се одигра хуманитарен натпревар.
„Останува само да се одреди датум, Црвена звезда за се ќе се договори со Вардар, директорот Терзиќ го спомна 16 април, благодарам, што друго да кажам. Во име на Кочани, Скопје и цела Македонија, Ви благодариме за грижата, за тоа што се прави за повредените, за нивниот транспорт и за лекувањето во Србија, благодареност до братскиот народ“, рече Панчев.
Спорт
Аргентина без Меси против Уругвај и Бразил

Капитенот на Аргентина, Лионел Меси нема да настапи на претстојните натпревари против Уругвај и Бразил.
Откако синоќа блескаше во победата над Атланта во МЛС лигата, Меси заработи повреда на мускулот, а по тестовите беше одлучено дека во овој прозорец нема да настапува за репрезентацијата.
Аргентина веќе обезбеди пласман на Мундијалот, прва е во јужноамериканскиот поредок со 25 бода, пет повеќе од Уругвај, па Лионел Скалони не сакаше ништо да ризикува.
Иако најави пензионирање, Меси сепак ужива во дресот на „гаучосите“, па останува да се види дали ќе игра и на СП 2026 година, кое сега не е така далеку, за нешто повеќе од една година.
Спорт
Стефан Ристовски ќе го напушти Динамо Загреб

Поранешниот капитен на фудбалската репрезентација на Македонија, Стефан Ристовски, веројатно ќе го напушти Динамо Загреб по завршувањето на сезоната. Ристовски, еден од капитените на најтрофејниот хрватски клуб со доаѓањето на тренерот Фабио Канаваро остана без местото во стартната посатав.
Договорот на Ристовски истекува на 30 јуни 2025 година, а потоа ќе стане слободен играч доколку, се разбира, во меѓувреме не потпише нов договор со актуелниот хрватски шампион. Платата на Ристовски според сегашниот договор е околу 700.000 евра годишно.
„Индекс“ пишува дека на подготовките му бил понуден нов договор, но со значително намалување. Новиот договор би бил за најмалку една третина помал од стариот, што значи дека Ристовски би можел да заработува околу 450 илјади евра годишно.
Во овој момент одлуката на Ристовски не е потврдена, но тој најверојатно нема да потпише нов договор. Проблемот не е во парите, туку во тоа што не е задоволен од статусот што би можел да го има следната сезона на „Максимир“.
Тој има 33 години и се уште може да најде сериозна минутажа во европскиот фудбал, а источните лиги и земјите кои нудат профитабилни договори се секогаш опција за играчите кои се пред крајот на кариерата.
Ристовски одигра 177 натпревари за Динамо и одигра важна улога во освојувањето на многу трофеи, но се чини дека и клубот и тој се повеќе се свесни дека влегуваат во нова ера.