Спорт
Мајами лесно против Њу Џерси, Њу Орлеанс не запира
Пет победи на гостинските екипите кои гостуваа на деветте одиграни натпревари во НБА лигата.
Мајами без проблеми го победи Њу Џерси со 101:89, предводник на тимот беше Двејн Вејд со 29 поени, 10 асистенции и 7 скокови. Останатите двајца од големото трио на Мајами, Леброн Џејмс и Крис Бош постигнаа 23, односно 21 поен.
Орландо го забележа четвртиот триумф во последните пет натпревари. „Магичните“ во Шарлот ја победија домашната екипа во 88:91. Рашад Луис и Двајт Хауард ја предводи екипата со по 22 постигнати поени.
Во дербито на Тексас, Сан Антонио по продолжението го победи Хјустон со 124:121. Четворица играчи на Сан Антонио постигнаа двоцифрен број на кошеви: Ману Џинобили (28 поени), Тим Данкан ( 19 поени, 11 скокови), Тони Паркер (21 поен, 14 асистенции) и Ричард Џеферсон (22 поени). Кевин Мартин беше најпрецизен кај Хјустон со 22 коша, оваа екипа сеуште нема победа во новото првенство.
Продолженија се играа и на натпреварот Јута-ЛА Клиперс, „џезерите“ победија со 109:107. Јута во второто полувреме успеа да надополни негатива од 16 поени и да победи по две продолженија. Џером Вилијамс имаше блескава вечер со 30 поени, 8 асистенции и 7 скока. Двоен ефект забележаа Пол Милсап ( 25 поени и 13 скокови) и Ал Џеферсон (18 поени и 10 скокови). Минатосезонскиот руки Блејк Грифин кај Клиперси мечот го заврши со 16 поени и 17 скокови.
Њу Орлеанс и во шестиот натпревар го задржа максималниот ефект, во Милвоки „стршлените“ победија со 81:87. Дејвид Вест натпреварот го заврши со 30 поени, 6 скока и 4 асистенции.
Кармело Ентони постигна 27 поени, а Чонси Билапс 18 во победата на Денвер во Далас од 92:103. Џејсон Тери со 26 и Дирк Новицки со 23 поени беа најпрецизни во екипата на Далас.
Мемфис во Сакраменто ја прекина серијата од три порази, „гризлите“ победија со 91:100. Вашингтон загуби од Кливленд 102:107, а Портланд го победи Торонто со 97:84.крај/макфакс/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Пјастри го освои спринтот во Катар пред Расел и Норис
Оскар Пјастри го освои спринтот на патеката „Лосаил“, во пресрет на утрешната Голема награда на Катар. Австралиецот оствари хет-трик во спринтот на оваа патека, победи и претходните две сезони. Пјатри, до победата дојде пред возачот на Мерцедес, Џорџ Расел и тимскиот колега, Ландо Норис.
Апсолутно никакви возбудувања не донсе спринтот во Катар. Првите тројца ги задржаа своите позиции, напредуваше, што беше и очекуано, Макс Ферстапен од шестото на четвртото место.
Во текот на трката, Андреа Кими Антонели успеа да ја поправи својата позиција, стартуваше седми, заврши на шестото место.
Бодови покрај најдобрите тројца, односно Ферстапен и Цунода, освоија и Антонели (Мерцедес), Фернандо Алонсо (Астон Мартин) и Карлос Саинц (Вуилијамс).
Вечерва од 19.30 часот, на програмата се квалификациите за главната трка. Големата награда на Катар се вози утре од 17 часот.
Во генералниот пласман води Норис со 396 поени, има 22 поени повеќе од Пјастри и 25 од Ферстапен. Доколу Норис утре победи ќе ја освои шампионската титула.
Foto/ EPA
Спорт
Уапсен поранешниот Ф1 возач, Адријан Зутил
Поранешниот член на караванот на Формула 1, Адриан Зутил, беше уапсен во Штутгарт.
Тој беше уапсен под сомнение за учество во измама и проневера, по меѓународна операција.
Германецот не ги коментираше овие наводи.
Зутил се натпреваруваше во Формула 1 од 2007 до 2014 година, но не беше многу успешен, бидејќи никогаш не успеа да се искачи на подиумот.
Сепак, тој го држи рекордот по бројот на стартови, вкупно 128, во кои не успеа да стигне до едно од првите три места.
Спорт
Вработена го оштетила Челзи за 230.000 евра
Поранешна долгогодишна вработена во Челзи се изјасни за виновна за измама на клубот за повеќе од 200.000 фунти (околу 230.000 евра) во период од четири години.
39-годишната Клер Волш, која работеla како помошничка благајничка, ја злоупотребила својата позиција за лична корист и сега се соочува со затворска казна до 10 години.
Волш се појави пред Судот за прекршоци во Вестминстер, каде што се изјасни за виновна по обвинението за измама со злоупотреба на службената должност во периодот јуни 2019 и октомври 2023 година.
Судијата Киран О’Донел ѝ соопштил дека обемот на измамата е надвор од овластувањата на Судот за прекршоци за изрекување казни.
Волш работи за Челзи повеќе од 20 години. Таа ќе биде осудена во Крунскиот суд во Ајлворт на датум што ќе биде дополнително одреден.
Клубот откри финансиски неправилности на почетокот на 2022 година и веднаш го проследи случајот до полицијата.

