Јапонските власти се согласиле дека е не постојат услови да се одржат Олимписките игри, тврди „Тајмс оф Лондон“, повикувајќи се на неименуван функционер во Владата на Јапонија. Игрите во Токио, поради пандемијата на коронавирусот, беа одложени за една година.

Вториот бран на пандемијата жестоки ја погоди Јапонија. Анкетите покажуваат дека 77 отсто од Јапонците сметаат дека Игрите треба повторно да бидат одложени или воопшто да не се одржат.

Владата на Јапонија, реагираше на тврдењата на „Тајмс оф Лондон“, преку соопштение информираа дека премиерот Јошида Суга е решителен во намерите ОИ да се одржат со ригорозни епидемиолошки мерки.

„Игрите ќе бидат симболот на победата на човештвото над коронавирусот и можност на светот да му ја покажаме обновата на Јапонија по катастрофалниот земјотрес и цунамито во 2011 година“, рекол вчера во парламентот премиерот Суга.

„Тајмс оф Лондон“, не веруваат во овие зборови на премиерот Суга. Тврдат дека Јапонците сакаат чесно да се откажат од организацијата на Игрите и во исто време да ја обезбедат организацијата на ОИ во 2032 година.

Голманот на Еибар, Марко Дмитровиќ, со постигнатиот гол од пенал, влезе во историјата на шпанскиот фудбал. Тој е првиот голман што постигнал гол од пенал по пауза од 19 години.

„Марко мораше да шутира, бидејќи останатите потфрлија. Моравме да смениме нешто“, рекол тренерот Хосе Луис Мендилибар, алудирајќи на фактот дека играчите на Еибар (Еспизито и Серхи Енрич) не ги искористија последните два пенали во првенството.

„Дмитровиќ ќе шутира додека не промаши. Такви се фудбалските закони. На тренинзите шутира одлично, бевме сигурни дека ќе постигне гол“, дополнил Мендилибар, иако на теренот не можеше да го гледа изведувањето на пеналот.

Инаку, Марко Дмитровиќ, изма договор со Еибар до крајот на сезоната. Шпанските медуми тврдат дека тој веќе има договор со Севилја.

Организаторот на АТП-купот, синоќа во Мелбурн, ги одреди групите за годинешното издание на овој турнир. Бранителот на трофејот, репрезентацијата на Србија, во групата А ќе игра против Германија и Канада.

Србите ќе ги предводи Новак Ѓоковиќ, во тимот уште се и Душан Лајовиќ, Филип Крајиновиќ и Душан Чачиќ. За Германија ќе играат Александар Зверев и Јан-Ленард Штруф, додека Канада ќе ја предводат Милош Раониќ и Денис Шаповалов.

Шпанија, Грција и домаќинот Австралија се во Б-групата, во Ц-групата се сместени Австрија, Италија и Франција, а во Д-групата се Русија, Аргентина и Јапонија.

Во фазата по групи ќе се игра по системот секој со секого, се играат два меча во сингл и еден во дубл. Победниците на групите ќе изборат пласман во полу=финалето.

АТП-купот ќе се одржи во Мелбурн од 1. до 5.февруари.

The world's best are ready 💪

This Is Tennis. That Means The World. #ATPCup pic.twitter.com/sIQlERcW3z

— ATPCup (@ATPCup) January 22, 2021