Спорт
Свечено отворен јубилејниот 40- Златен гонг
Во Салата Борис Трајковски во свечена атмосфера беше отворен Јубилејниот 40-ти Златен гонг.
Пред почетокот на вечерните борби пред построените учесници на турнирот поздравен говор одржа градоначалникот на Скопје Коце Трајановски, а турнирот го отвори директорот на Агенцијата за спорт и млади Диме Спасов.
На првиот победник на Златниот гонг од 1969 година, прославениот југословенски боксерски ас, сега 68 годишниот Звонко Вуин Спасов му додели златна плакета.
Во денешните борби од македонските боксери Ибраим Мустафи (-60 кг) го победи Чехот Меран Алекозјан со 8:1, Горан Антиќ (-64 кг. загуби од Бугаринот Иван Павлов, а Жута Фатлум (-75 кг) загуби од Црногорецот Бојан Пешиќ со 2:4.
Најдобар впечаток денеска покажаа Кубанците. Карлос Бантеур Суарез (-69 кг) со технички нокаут во првата рунда го победи Чехот Дени Калоус, а Хулио Ле Круз Пераза (-81 кг) исто така со ТКО го победи чехот Станислав Старек во втората рунда. Најефектен беше нокаутот кој го постигна Албанецот Астмер Билали откако по еден страотен десен директ речиси го извади од кондури Бугаринот Евгениј Петрињачев, па неговиот тренер веднаш фрли крпа во рингот за да спречи потешки последици за својот боксер.
Во останатите мечеви се постигнати следните резултати: (-60 кг) Колин Мавродиев (Буг.) – Елтон Чанај (Алб.) 13:5, (- 64 кг.) Дарио Вангели (Ит.) – Џемал Фетаховиќ (БиХ) 1:1 победа на италијанскиот боксер, (-64 кг.) Сергеј Хигајев (Рус.) – МИодраг Смиљаниќ (Срб.) 9:3, (-75 кг.) Максим Сазизов (Рус.) – Сачвазоре Грибко (Ит.) 2:0, (- 75 кг.) Камил Зеремета (Пол.) – Емилио Кореа Бајо (Куб.) 2:1, (- 75) Албан Бермета (Алб.) – Томаш Безвода (Чеш.) 4:0, Велибор Видиќ (БиХ) – Апинтилиеса Адриан Чатали (Ром.) 9:3. крај/м.н.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тотенхем се сериозно заинтересирани за Енди Робертсон
Британските медиуми тврдат дека капитенот на шкотската репрезентација Енди Робертсон, долгогодишен лев бек на Ливерпул, би можел да стане нов играч на Тотенхем. Робертосон, 10 од 12-те сезони во Премиер лигата, одигра во дресот на Ливерпул.
Робертсон дојде од Данди Јунајтед во Англија, поточно во Хал, во 2014 година и со „тигрите“ испадна во Чемпионшип, но се врати во елитните редови на англискиот фудбал веќе следната сезона.
Во Ливерпул пристигна во 2017 година, каде што брзо се етаблираше на левата страна од стартната постава, а работите се променија со заминувањето на германскиот стручњак Јирген Клоп и доаѓањето на холандскиот тренер Арне Слот.
Робертсон одигра само 13 натпревари во Премиер лигата минатата сезона, а на почетокот на оваа Слот донесе уште еден лев бек, Милош Керкез.
Наводно, Тотенхем испратил понуда до 31-годишникот. Сепак Би-Би-Си пишува дека Ливерпул нема потреба од лев бек откако во меѓувреме го донесе 19-годишниот Бразилец Соуза.
Сепак, тие истакнуваат дека Бразилецот е премногу млад и дека поради тоа менаџерот Томас Франк бара искусен фудбалер на таа позиција.
Договорот на Робертсон истекува ова лето, а тој неодамна изјави дека не знае, односно сè уште не одлучил, што му носи иднината.
Foto/ EPA
Спорт
Ен Несири пред трансфер во Јувентус
Фудбалскиот клуб Јувентус, од почетокот на преодниот рок, се обидува да се засили со класична „деветка“. Откако неуспено заврши обидот со Жан-Филип Матета, челниците на клубот од Торино се насочија кон Јусуф Ен Несири.
Јувентус мора да ангажира напаѓач, бидејќи Џонатан Дејвид не се снајде, Душан Влаховиќ е повреден и неговиот договор истекува на крајот од сезоната.
Спортскиот директор на Јувентус, Марко Отолони, вчера бил во Истанбул, на натпреварот од Лига Европа помеѓу Фенербахче и Астон Вила (0:1), да преговара околу ангажманот на Мароканецот.
Јувентус нуди 5.000.000 евра за позајмица, 19.000.000 евра за опција за откуп на договорот и 3.000.000 преку бонуси.
Реално е Фенербаче да ја прифати понудата и наскоро се очекува Ен Несири да го облече дресот на Јувентус.
Спорт
Реал Мадрид ја напушта Евролигата
Реал Мадрид одлучи да се повлече од Евролигата и да стане еден од основачите на ново европско кошаркарско натпреварување под покровителство на НБА, проект наречен „НБА Европа“, пишуваат шпанските медиуми.
Според достапните информации, 12 клуба би учествувале во почетната фаза од проектот, а се проценува дека вредноста на франшизите вклучени во натпреварувањето би можела да достигне околу една милијарда долари во следните пет до шест години.
Според медиумите, Реал е се поблиску до тоа да биде еден од дванаесетте основачи на ова ново натпреварување. Овој потег започнува нова ера во европската кошарка и потенцијално ја менува распределбата на моќта на континентот, бидејќи „НБА Европа“ би можела сериозно да ги разниша традиционалните темели на Евролигата.
Во моментов, повеќето клубови сè уште имаат желба да останат во Евролигата, но потенцијално поголемиот профит и проширувањето на брендот преку „НБА Европа“ би можеле да ги наведат да ги преиспитаат своите приоритети во наредниот период.
Foto/ depositphotos

