Ракометната репрезентација на Македонија, утре ќе стартува во втората фаза на 27. Светско првенство, кое до 31.јануари се одржува во Египет.

Противници на Македонија во втората фаза ќе бидат Русија, Словенија и Белорусија. Сите натпревари македонската селекција ќе ги одигра во терминот од 15.30 часот.

Утре, Македонија ќе игра против Словенија, која во втората фаза влегува со два бода, на 22.јануари ќе биде Русија која пренесе три бода во новата група, а два дена подоцна избраниците на Данило Брестовац ќе играат против Белорусија.

Фото/www.ihf.info/competitions/men/27th-ihf-mens-world-championship

Виктор Троицки, селектор на Девис куп репрезентацијата на Србија, не е задоволен од условите во кои се наоѓаат играчите пред почетокот на Австралија опен. Во интервју за „Спортски журнал“, рекол дека се во Мелбурн е катастрофа и дека поради карантинот во кој се наоѓа ќе има проблеми со формата понатаму во сезоната.

„Ова е ужас, тотален хаос. Затворен сум две недели, не смеам да излезам од собата. Нема тренинзи, нема ништо. Ми пропадна Гренд слемот, па не можам седејќи во соба да се подготвувам за меч во пет сетови“, рекол Троицки.

„Ужас, катастрофа. Да знаев, немаше да дојдам“.

Организаторот на тенисерите не им најави дека ги чека 14-дневен карантин, туку тие требаа да имаат неколку часа во денот за тренинзи.

„Паѓаат во вода претходните подготовки. Две недели лежење. Сигурно е дека во следните месец и пол нема да можам да се вратам во форма. Ова ми прави хаос во кариерата“, заклучил Троицки.

За потсетување, пред два дена беше објавено дека сите тенисери, тенисерки и членовите на струшните штабови, кои во Мелбурн пристигнале со чартер-летот од Лос Анџелес, мра да бидат во строг карантин, бидејќи двајца од патниците биле позитивни на коронавирусот.

Инаку, Троицки, во Доха играше квалификации за пласман на Австралија опен. Со три победи тој избори настап на турнирот.

Андриј Лунин играч на Реал е од јули 2018 година но се уште нема дебитирано за првиот тим. Брилијантните настапи на Светското првенство за играчи до 20 години, му го овозможија трансферот во „кралскиот клуб“. Реал, во 2018 година за голманот Лунин, на Зорија им платија 8,5 милиони евра.

Андриј Луни со Реал потпиша пет годишен договор, но не успеа да се избори за место во тимот, во конкуренцја на врвните голмани Кејлор Навас и Тибо Куртоа.

Реал го испрати Лунин на позајмица во Леганес, каде што бранел на седум натпревари, потоа бранел два натпревари за Ваљадолид, а вториот дел од минатата сезона ја мина во Овиедо.

Реал на почетокот на оваа сезона решија да го промовираат во втор голман.

Според најавите на шпанските медиуми, Лунин утре ќе дебитира за првиот тим на Реал, на натпреварот во Купот на Шпанија, против Алкојано.

Ниту еден играч на Реал не чекал толку долго за да дебитира за првиот тим. Лунин е играч на Реал точно 943 дена.