Спорт
Арсовски и Николовски спортисти на Скопје за 2010 година

Жарко Арсовски (карате) и Атанас Николовски (кајак) ја поделија наградата на спортист на Скопје за 2010 година. Жарко Арсовски (КК Металург) освои бронзени медал на Светското првенство во карате што се одржа во Белград, а Атанас Николовски беше седми на СП во кајак на диви води и ја исполни олимписката норма за Лондон 2012 година.Во салата на Советот на град Скопје свечено беа доделени наградите на најдобрите спортисти во повеќе категории, а наградите ги доделија градоначалникот Коце Трајановски и директорот на Агенција за Млади и спорт, Диме Спасов.Во сениорска конкуренција трет беше Дејан Недев (традиционално карате), а следуваат Примислав Димовски (бокс), Мирослав Саботковски (кик бокс), Наташа Илиевска (карате), Наумче Мојсоски (ракомет), Мирјета Бајрамовска (ракомет), Антонио Ристовски (скијање), и Стојан Попов (биатлон).Најдобри тренери се Лино Червар (ракомет) и Бошко Заборски (карате). Најдобри екипи на Скопје се машкиот и женскиот ракометен клуб Металург.Андреј Стојановски (пливање) и Оливера Накова (стрелање) се најдобрите параолимпијци на Скопје.Награди за посебни достигнувања добија Евгениј Поп Ацев (пливачки маратон) 6-ти на светската ранг листа, Игор Димовски (за препливување на Ла Манш) и Душко Величковски (триатлон).Во јуниорска конкуренција најдобар спортист на Скопје е Бранко Манев светски јуниорски првак во куглање. Зад него на истата се пласираа Симона Варинова (пливање), Наташа Стефановска (карате), Васил Пујоскио (бадмингтон), Дејан Манасков (ракомет) и Симона Заборска (карате)/крај/макфакс/м.н.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Фенербахче му врачи отказ на Жозе Мурињо

Жозе Мурињо повеќе не е тренер на Фенербахче, потврди клубот. Одлуката е донесена откако турскиот гигант не успеа да се пробие во Лигата на шампионите, по што соработката беше прекината. Фенер се збогува со португалскиот стручњак на социјалните мрежи и му се заблагодари за соработката.
Мурињо пристигна во Фенербахче во јули минатата година и го водеше клубот во вкупно 62 натпревари со сооднос од 37 победи, 14 нерешени и 11 порази. Тој не успеа да освои трофеј со Фенер, заврши на второто место во турското првенство, а беше елиминиран во четвртфиналето на домашниот Куп. Минатата сезона стигна до осминафиналето во Лигата на Европа, каде во два драматични натпревари по изведувањето пенали доживеа елиминација од Глазгов Ренџерс.
Бидејќи доби отказ, значи не е постигнат споодбен раскин на договорот, Фенербахче на Мурињо ќе мора да му исплати оштета од 15 милиони евра.
Мурињо се споменува во англиските медиуми како иден тренер на Нотингем Форест. Португалскиот стручњак освои три титули во англиското првенство во два мандата на клупата на Челзи. Тој ги освои Лига купот и Лигата на Европа со Манчестер Јунајтед, а потоа помина низ тежок период во Тотенхем.
Заминувањето на тренерот Нун Еспирито Санто (51) од Форест се споменува сè повеќе откако тој призна дека има нарушен однос со сопственикот Евангелос Маринакис.
Foto/ EPA/RODRIGO ANTUNES
Спорт
Симонс го чекаа во Челзи тој потпиша за Тотенхем

Тотенхем му го направи на Челзи она што го доживеа на своја кожа од Арсенал, кога соседите им го украдоа Ечебери Езе. Чави Симонс, кој неколку недели се поврзуваше со Челзи и се чинеше дека работата е завршена кариерата ќе ја продолжи во Тотенхем.
„Чави Симонс, холандскиот офанзивен играч од средниот ред, ги помина медицинските прегледи пред да потпише за Тотенхем. Англискиот клуб ќе му плати 60 милиони евра на Лајпциг за 22-годишникот“, објави Дејвид Орнштајн, новинар на „Атлетик“.
Симонс некогаш чудо од дете од школата на Барселона, во кариерата играше за ПСЖ и ПСВ пред да пристигне во германскиот клуб за кој постигна 22 гола и забележа 24 асистенции во 78 натпревари.
Симонс треба да ја пополни дупката во офанзивниот дел на Тотенхем, која настана со заминувањето на капитенот Сон и тешката повреда на најкреативниот играч во тимот, Џејмс Медисон.
Foto/ EPA/Filip Singer
Спорт
Реал Мадрид ќе лета 12 часа за да игра во Лигата на шампионите

Реал Мадрид, вечера ги дозна противниците со кои ќе се соочи во првата фаза во Лигата на шампионите.
Најтрофејниот клуб во Лигата на шампионите нема да има лесна задача, во првата фаза ќе се сретне со: Манчестер сити, Ливерпул, Јувентус, Бенфика, Олимпијакос, Каират, Монако и Марсеј.
Јасно е дека вистински блокбастери се соочувањата со Сити, Ливерпул, Јувентус па и Бенфика, но најтешко на Реал ќе му биде против Каират.
Дебитантот во Лигата на шампионите ќе му биде домаќин на Реал и токму поради тоа „кралскиот клуб“ го оечкува тешка задача.
Алмати се наоѓа на далечниот исток од Казахстан, веднаш до границата со Кина.
Патувањет, со авион ќе трае половина ден. Имено, помеѓу Мадрид и Алмати има 8.188 километри. Ако се патува со автомобил, потребни се 89 часа непрекинато возење.
Секако, Реал нема да оди со автомобил или автобус, туку со авион. Сепак, дури и тогаш ќлетот трае 12 часа.