Пред дербито со Арсенал, менаџерот на Манчестер сити, Пеп Гвардиола, зборуваше и за својот пријател и поранешен помошник Микел Артета, сегашниот менаџер на лондонските „топџии“.

Дербито на петтото коло од Премиер лигата се игра во недела во Лондон, каде што Арсенал го пречекува Манчестер Сити.

„Топџиите“ беа вицешампиони на Англија во последните три сезони, двапати зад „граѓаните“ на Гвардиола, а минатата сезона зад Ливерпул на Арне Слот. Сега тие повторно се меѓу најсериозните кандидати за титулата, особено откако доведоа неколку исклучително квалитетни засилувања.

„Сакам да му кажам на мојот пријател, Микел Артета, ако ја освои титулата во Премиер лигата, тоа ќе биде само поради вложените пари, а не затоа што тој и неговите играчи работеа напорно“, им рече Пеп Гвардиола на собраните новинари и додаде:

„Исто како и Ливерпул. Ако Арне Слот повторно ја освои титулата, тоа ќе биде затоа што потроши многу пари оваа година, нели? Затоа што тоа не му се случи само на Манчестер сити, нели? Значи, сите го прават тоа…“.

Манчестер сити е најуспешниот тим во Премиер лигата во последната деценија, во претходните осум сезони беше шампион шест пати, но медиумите секогаш констатираа дека тоа е најмногу поради многу потрошени пари.

„Со години, секој клуб може да прави што сака. Знам дека начинот на кој се однесуваат кон нас е сосема различен, но сите клубови трошат затоа што сакаат“, рече Шпанецот.

По четири одиграни натпревари, тимот на Гвардиола има две победи и исто толку порази, и со шест бода го зазема осмото место на табелата во Премиер лигата. Ливерпул е прв со максимални 12 бода, Арсенал втор со девет.

Фото/ Принтскрин

Американецот Ноа Лајлс е победник во трката на 200 метри на Светското првенство во Токио.

Лајлс стигна до целта со време од 19,52, пред сонародникот Кенет Беднарек (19,58) и Јамајканецот Брајан Левел (19,64). Летли Тебого заврши само една десетинка зад Левел.

Американскиот спринтер, кој беше симнат од тронот во трката на 100 метри во Токио, ја продолжи својата неверојатна доминација на 200 метри. Ова беше четврто последователно светско злато за Лајлс во оваа дисциплина.

Претходно, тој славеше во Доха (2019), Јуџин (2022) и Будимпешта (2023).

Men’s 200m final

Noah Lyles🇺🇸 19.52s
Kenneth Bednarek🇺🇸 19.58s (SB)
Bryan Levell🇯🇲 19.64s (PB)
Letsile Tebogo🇧🇼 19.65s (SB) pic.twitter.com/viqJRIM66Z

— Vaseline Stark, King in the North (@femii_p) September 19, 2025

Фудбалскиот клуб Бенфика, вчера официјално го претстави Жозе Мурињо како шеф на струшниот штаб. Мурињо по 25 години се врати во клубот каде што ја започна самостојната тренерска кариера.

Бенфика не сака прекин на соработката на нејзина штета со Жозе Мурињо, кога тоа ќе се случи. Клубот за да се заштити во договорот вметна посебна клаузула.

Во Бенфика беа свесни кого ангажираат на местото на Бруно Лаж, тренер кој инкасирал повеќе од 100 милиони евра во текот на својата кариера само од обештетување поради раскинување на договори со претходни клубови (читај отказ).

Затоа тие ефикасно се заштитија со посебна клаузула во договорот со познатиот тренер.

Португалските медиуми ги открија деталите од договорот меѓу клубот од Лисабон и Мурињо, во кој можеби најважната ставка е дека, по завршувањето на првата година од договорот со Мурињо, клубот ќе има десет дена да одлучи за продолжување на соработката.

Во договорот конкретно е наведен периодот од „десет дена по завршувањето на последниот натпревар од сезоната“.

Активирањето на оваа клаузула за раскинување подразбира исплата на износ кој, според договорот на двете страни, ќе биде значително помал од платата која Мурињо би требало да ја заработи во втората година од договорот. Секако во случај клубот да реши да го отпушти Португалецот.

Да ве потсетиме дека Мурињо потпиша договор за соработка со лисабонските „орли“ до крајот на сезоната 2026/2027.