Спорт
Нова слаломска победа на Костелиќ

Хрватскиот скијач, Ивица Костелиќ победи на слаломската трка која во рамките на натпреварите во Светскиот куп, во алпско скијање се возеше во швајцарскиот Венген. Костелиќ до 11-та слаломска, вкупно 15-та победа во кариерата стигна со време од 1:45.28 минути. Хрватот изворедно ја извози втората трка во која оствари предност недостижна за конкурентите. Победата во Венген е четврта за Костелиќ во последните две недели, со која ја потврди добрата форма пред СП кое следниот месец ќе се одржи во Гармиш. Покрај Костелиќ место на победничкиот пиедестал обезбедија Марсел Хиршнер од Австрија и Жан Баптист Гранж од Франција, кои зад победникот задоцнија 93 односно 99 стотинки. Со победата во Венген Костелиќ на 215 бодови ја зголеми предноста на врвот од севкупниот поредок во Светскиот куп во однос на второпласираниот Аксел Лунд Свиндал од Норвешка. Костелиќ е лидер и во генералниот поредок во слалом, тој има 77 бодови повеќе од Хиршнер. крај/макфакс/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Кошаркарите против Унгарија и Романија во Мундијалските претквалификации

Македонската кошаркарска репрезентација ги дозна имињата на противниците со кои ќе се соочи во претквалификациите за Светското првенство во 2027 година.
Македонија пласман во квалификациите за Мундијалот ќе брка во групата со Унгарија и Романија.
Пласман во квалификациите ќе изборат првите две селекции во групата. Натпреварите ќе се играат летово, во периодот од 2. до 20.август.
Спорт
Навивачите на Саутемптон и Тотенхем осудени на 28 години затвор

Учесниците во масовна тепачка што се случи по натпреварот од Премиер лигата меѓу Саутемптон и Тотенхем во 2023 година беа осудени во петокот.
Како што соопшти Кралскиот суд, 17 мажи беа осудени во петокот за нивната вмешаност во тепачка што се случи по натпреварот од Премиер лигата меѓу Саутемптон и Тотенхем на 18 март 2023 година.
Сите 24 осомничени ја признаа вината на првите рочишта, кои се одржаа во текот на 2024 година. Сите обвинети се во затвор од 6 март годинава. Шест од нив тогаш беа осудени на повеќе од седум години затвор, на почетокот на минатата година, малолетникот кој беше во групата што учествуваше во тепачката и чиј идентитет не беше соопштен доби условна казна од една и пол година и 120 часа неплатена хуманитарна работа.
Речиси сите преостанати 16 луѓе ги научија своите реченици во петокот. Последната пресуда ќе биде изречена на 1 април годинава.
Вкупно 22 мажи беа осудени на 28 години затвор и забрана за влез на стадионите во Англија вкупно во траење од 142 години.
Дополнително, тие нема да можат да патуваат на натпревари надвор од Англија и ќе мора да ги предадат своите пасоши на полицијата за време на меѓународните натпревари.
Спорт
Без победник во дербито, по гол и по бод за Вардар и Шкендија

Фото/ facebook.com/fcshkendija
Вардар и Шкендија одиграа 1:1 (1:1), во првиот натпревар од 24 коло во Првата македонска фудбалска лига. Вардар и по повеќе од седум ипол години не успеа да ја победи Шкендија.
Дербито кое се одигра во комплексот на Фудбалската федерација на Македонија, беше решено во интервал од само четири минути.
Рамадани постигна феноменален гол за Шкендија во 21.минута, кога од 20-тина метри, со десна го погоди спротивниот агол од голот на Талески.
Четири минути подоцна Јанкулов шутираше, Амзаи само ја одби топката, никој од одбраната на Шкендија не интервенираше, а Спахиу ја смести во голот.
Во вториот дел играчите на Шкендија беа поактивни, но ниту еден од тимовите немаше сериозна шанса за гол.
Резултати, 24.коло:
Вардар-Шкендија 1:1
Сабота:
АП Брера-Силекс
Беса-Струга
Шкупи-Пелистер
Тиквеш-Гостивар
Воска спорт-Работнички
Табела: