Спорт
Тенис: Без изненадувања кај дамите на АО 2011

Во првото коло од Отвореното првенство на Австралија во женска конкуренција носителките Возниацки, Вилијамс, Енан и Азаренка постигнаа победи. Првата тенисерка на ВТА, Данката Каролин Возниацки (1) ја победи Аргентинката Гизела Дулко со 6:3, 6:4. Од сестрите Вилијамс настапува само Венус (4) и ја елиминира Сара Ерани од Италија со 6:3, 6:2. Викторија Азаренка со 6:0, 6:2 ја победи Катрин Ерле (Германија), а Жастин Енан одигра три сета за победа над Индијката Сања Мирза со 5:7, 6:3, 6:1.Останати поважни резултати 1 коло: Марија Шарапова – Тамарин Тангасуган 6:1, 6:3, Јанина Викмаер – Јармила Грот 6:3, 2:6, 6:4, Франческа Скијавоне – Аранча Пара Сантоња 6:7 (4), 6:2, 6:4, Јелена Докиќ – Зузана Ондрашкова 6:3, 6:2, Регина Куликова – Даниела Хантучова 7:6 (3), 3:6, 9:7, На Ли – Софија Арвидсон 6:1, 7:5, Андреа Петковиќ – Џил Крејбас 6:1, 6:2. крај./макфакс/м.н.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Димитријевиќ ќе го напушти Милано

Македонскиот репрезентативец Ненад Димитријевиќ ќе го напушти Милано по завршувањето на сезоната. Димитирјевиќ, минатото лето како големо засилување пристигна во Олимпија.
Димитријевиќ, минатата сезона, блескаше во дресот на УНИКС Казан, беше прогласен за МВП на руската лига.
За неговиот потпис се бореа неколку клубови од Евролигата, тој реши да потпише за тимот на тренерот Еторе Месина.
Нема баш најдобра сезона во Евролигата има просек од 7,9 поени, додека во првенството одигра 13 натпревари со просек од 8,5 поени.
Новинарот Андреа Калцони тврди дека Димитријевиќ би можел да го напушти Милано, бидејќи клубот сака да го ангажира кошаркарот на Тренто, Квин Елис.
Спорт
Црвена звезда потврди дека ќе одигра хуманитарен натпревар со Вардар

Генералниуот директор на фудбалскиот клуб Црвена звезда, Звездан Терзиќ, го потврди она што вчера го најави Дарко Панчев. Црвена звезда и Вардар на 16.април во Скопје ќе одиграа хуманитарен натпревар. Целиот приход од натпреварот ќе им биде дониран на семејствата на настраданите во трагедијата во нелегалната дискотека во Кошани.
„Сите во Црвената звезда беа длабоко потресени од трагедијата што се случи во Кочани. Веднаш контактиравме со нашите легенди Дарко Панчев и Илија Најдоски, и со нивна помош, стапивме во контакт со раководството на Вардар. Се согласивме да играме добротворен натпревар во Скопје на 16.април на овој натпревар. Приходот ќе биде проследен кон семејствата на настраданите во оваа голема трагедија во Кочани“, рече Терзиќ.
„Тоа е најмалку што може да направи Црвена звезда за својата братска Македонија во ова тешко време“, додаде тој.
„Изразуваме искрено сочувство до сите семејства на жртвите, како и до сите граѓани на Македонија, со надеж дека овој гест ќе покаже колку нè погоди оваа трагедија и дека сме обединети во тагата со семејствата на жртвите“, заклучи Терзиќ.
Спорт
Стоичков и легендите на бугарскиот фудбал ќе им помагаат на повредените во трагијата во Кочани

Фондацијата „Национали 94“ од Бугарија составена од легендарните фудбалери Христо Сотичков, Красимир Балаков и Борислав Михаилов, кои беа дела од репрезентацијата на Мундијалот во 1994 година во САД, изрази сочувство до семејствата на загинатите во трагедијата во Кочани.
Пожарот во нелегалната дискотека „Пулс“ ги однесе животите на 59 лица, а преку 150 се повредени.
„Трагедијата не бира ниту датум, ниту време. По неа останаа само солзи и неизлечива болка! Ние од Фондацијата „Национали 94“ сакаме да изразиме најискрено сочувство до семејствата на загинатите во Кочани. Фудбалот сите нас нѐ спријатели со луѓето од Македонија. Сега е најважно да им дадеме да им дадеме поддршка. Се молиме за повредените. Бог да биде со нив!“, се вели во соопштението.
Фондацијата „Национали 94“, најави е и финансиска помош и донација за погодените семејства во трагедијата во Кочани.