Спорт
СП: Франција ќе го брани тронот против Данска
Ракометните репрезентации на Франција и Данска ќе играат во финалето на дваесет и второто Светско првенство, чиj домаќи е Шведска.
Репрезентацијата на Франција, актуелен светски, европски и олимписки првак, во првото полуфинале со 29:26 ја совлада домашната селекција на Шведска. Бертран Жил и Мишел Гигу со по осум погодоци беа најефикасни во редовите на Франција, Шведска ја предводеше Јонас Лархолм со шест гола.
Титулата освоена пред две години во Хрватска, Франција ќе ја брани против Данска. Данците во второто полуфинале со 28:24 ја победија Шпанија. Голманот Никлас Ландин кој одбрани 49 отсто од ударите кон неговиот гол и Микел Хансен кој постигна девет погодоци беа движечката сила на Данска на оваа средба.
Франција во Шведска ќе го одигра своето петто финале на Светските првенства, и ќе се обидат да ја освојат четвртата титула. Данска има едно загубено мундијалско финале пред речиси пет децении.
Финалето ќе биде на програмата во недела од 17 часот, предходно од 14:30 часот за бронзениот медал ќе се борат Шпанија и Шведска.
Петтото место на СП го освои Хрватска која со 34:33 го совлада Исланд, додека Унгарија со победата од 31:28 над Полска стигна до седмата позиција. крај/макфакс/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Пелистер поразен во Полска од Висла
Ракометарите на Пелистер доживеаја пораз во Полска, кај Висла Плоцк 26:18. За македонскиот шампион ова е четвртиот пораз сезоната. Пелистерци во првите пет кола освоија само еден бод. Висла пак го запиша првиот триумф сезонава во која влезе со четири порази.
Пелистер лошо влезе во натпреварот, Висла создаде предност од седм гола (9:2), но откако играчите на Бранислав Ангеловски се консолидираа во одбраната успеаја да фатат приклучок.
Висла на полувреме имаше плус од два гола (13:11).
Сепак Пелистер не успеа да направи пресврт во вториот дел. Висла повторно ја сабилизира играта во одбраната, му дозволи на Пелистер за 30 минути да постигне само седум гола и на ктрајот да запише убедлив триумф.
Кузмановски со пет гола го предводеше Пелистер, кај Висла најефикасен со осум гола беше Михиќ.
За седу дена Пелистер во шестотот коло ќе го пречека Веспрем.
Спорт
Жалгирис надомести негатива од 27 поени и победи во Милано
Кошаркарите на Жалгирис со нестварен пресврт славеа на гости кај Олимпија Милано, 85:82.
Играчите на Жалгирис победија и покрај тоа што во третиот период двапати имаа минус од 27 поени.
Последната четвртина тие ја одиграа како во транс ја добија со 37:18 и го креираа вториот најголеми пресврт во историјата на Евролигата. Единствени кои направија поголем пресврт од Литванците по овој параметар се играчите на Проком, кои во 2013 година надонестија минус од 28 поени против Монтепаски Сиена.
Олимпија Милано на полувремето имаше предност од 49:31, а во третата четвртина беа на 64:37.
Литванците фатија ритам во последните десет минути, влегоа со -18 и направија чудо.
Постепено ја намалуваа разликата и на 34 секунди до крајот поведоа благодарение на поените на Буткевичиус.
Со слободните фрлања на Довидас Гедраитис ја потврдија победата на 16 секунди до крајот.
Довидас Гидераитис со 21 и Силван Франциско со 17 поени беа најефикасни во победничкиот тим.
Во тимот на Олимпија Милано, Никола Миротиќ постигна 17 поени имаше и 11 скоа, Шевон Шилдс постигна 14, а Зек Ледеј имаше поен помалку. Македонскиот репрезентативец Ненад Димитирјевиќ забележа 11 поени, два скока и четири асистенции.
Спорт
Роналдо најплатен во светот – заработува двојно повеќе од Меси
Според извештајот на Форбс, Португалецот Кристијано Роналдо е убедливо најплатениот фудбалер во светот.
Заработката на ѕвездата на Ал-Насра е огромна – 262 милиони долари. Во оваа бројка е вклучена и сумата што Португалецот ја собира од комерцијални активности.
На второто место на листата на најплатени фудбалери е најголемиот ривал на Роналдо на теренот, Аргентинецот Лионел Меси, член на Интер од Мајами, кој годишно заработува 124 милиони.
Трет најплатен фудбалер во светот е Бразилецот Нејмар со плата од 101 милион.
Зад него се Карим Бензема и Килијан Мбапе кои ја комплетираат листата на Топ 5 најплатени фудбалери во светот.
🤑 The HIGHEST paid players in the world this year:
1️⃣🇵🇹 C. Ronaldo (€263M)
2️⃣🇦🇷 L. Messi (€124M)
3️⃣🇧🇷 Neymar (€101M)
4️⃣🇫🇷 K. Benzema (€96M)
5️⃣🇫🇷 K. Mbappé (€83M)This is based on salaries and sponsorship income, before taxes, according to @Forbes. pic.twitter.com/OjZcGlyf4e
— Football Tweet ⚽ (@Football__Tweet) October 17, 2024