Спорт
Богомолов најпријатно изненадување на Загреб Индор

Американскиот тенисер Алекс Богомолов е најпријатното изненадување на АТП турниров Загреб Индор.Богомолов на гласниот турнир се пласира преку квалификациски мечеви, а по победата во првото коло, во второто коло го одигра првиот меч и го елиминира седмиот носител, Германецот Филип Пецнер со 6:1, 6:2.Алекс Богомолов има интересна тениска историја. Роден е во Москва и бил ученик на Евгени Кафелников, Дмитри Медведев и Лариса Ниленд. Во 1998 година стана светски првак во категорија до 16 години победувајќи го Енди Родик во финалето. Во 2005 година доби суспензија од 15 месеци поради позитивен допинг, заради супстанцата салбутамол, а за која Богомолов тврдеше дека ја користи поради астма.Американското државјанство го зема откако се ожени со американската тенисерка Ешли Харклроуд.Инаку покрај Богомолов Ришар Гаске се пласира во четвртинафиналето откако неговиот противник Арно Клемен му го предаде мечот поради повреда. /крај/макфакс/м.н.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Норис ја освои пол-позицијата пред првата трка во сезоната

Возачот на Мекларен, Ландо Норис, ја освои пол-позицијата пред трката за Големата награда на Австралија, со која започнува овогодинешниот шампионат во Формула 1.
Норис стигна до 10.пол-позиција на патеката Алберт Парк, со круг од 1:15.096, две десетинки пред тимскиот колега Оскар Пјастрi.
Најблиску до двоецот на Мекларен беше актуелниот шампион Макс Ферстапен, кој за речиси половина секунда имаше послаб резултат.
Одлични квалификации се возеа во Мелбурн, каде што возачите на Мекларен беа недофатливи за нивните ривали и создадоа клучна предност пред нив во последниот сектор.
Иако Верстапен водеше, прво Пјастри, а потоа и Норис се пробија пред него и не оставија простор никој да им се закани. Најдобар меѓу останатите беше Џорџ Расел во Мерцедес, пред најпријатното изненадување на квалификациите, возачот на Рејсинг Булс, Јуки Цунода.
Шести најбрз беше Алекс Албон во Вилијамс, пред дуото на Ферари, Шарл Леклер и Луис Хамилтон, кои дури и се изврте на патеката за време на вториот дел од квалификациите.
Седумкратниот светски шампион ја заврши првата квалификациска сесија во боите на Ферари девет десетинки зад Норис. Топ 10 го комплетираа Пјер Гасли од Алпин и Карлос Саинц Јуниор од Вилијамс.
Трката за Големата награда на Австралија в недела ќе започне во 5 часот по средноевропско време.
Спорт
Кошаркарите против Унгарија и Романија во Мундијалските претквалификации

Македонската кошаркарска репрезентација ги дозна имињата на противниците со кои ќе се соочи во претквалификациите за Светското првенство во 2027 година.
Македонија пласман во квалификациите за Мундијалот ќе брка во групата со Унгарија и Романија.
Пласман во квалификациите ќе изборат првите две селекции во групата. Натпреварите ќе се играат летово, во периодот од 2. до 20.август.
Спорт
Навивачите на Саутемптон и Тотенхем осудени на 28 години затвор

Учесниците во масовна тепачка што се случи по натпреварот од Премиер лигата меѓу Саутемптон и Тотенхем во 2023 година беа осудени во петокот.
Како што соопшти Кралскиот суд, 17 мажи беа осудени во петокот за нивната вмешаност во тепачка што се случи по натпреварот од Премиер лигата меѓу Саутемптон и Тотенхем на 18 март 2023 година.
Сите 24 осомничени ја признаа вината на првите рочишта, кои се одржаа во текот на 2024 година. Сите обвинети се во затвор од 6 март годинава. Шест од нив тогаш беа осудени на повеќе од седум години затвор, на почетокот на минатата година, малолетникот кој беше во групата што учествуваше во тепачката и чиј идентитет не беше соопштен доби условна казна од една и пол година и 120 часа неплатена хуманитарна работа.
Речиси сите преостанати 16 луѓе ги научија своите реченици во петокот. Последната пресуда ќе биде изречена на 1 април годинава.
Вкупно 22 мажи беа осудени на 28 години затвор и забрана за влез на стадионите во Англија вкупно во траење од 142 години.
Дополнително, тие нема да можат да патуваат на натпревари надвор од Англија и ќе мора да ги предадат своите пасоши на полицијата за време на меѓународните натпревари.