Спорт
Арсенал прокоцка 4:0
Саботните мечеви од 26-то коло од англиската Премиер лига, освен сензационалниот пораз на лидерот Манчестер јунајтед, донесе вкупно 41 погодок на осум натпревари
Еден од најефикасните натпревари и највозбудлив одиграа Њукасл и Арсенал. Лондонските „топчии“ на „Сент Џејмс Парк“ веќе во 26. минута водеа со 4:0, откако во 43. секунда од мечот гол постигна Тио Волкот, Јохан Џуру во 3. минута зголеми на 2:0, а Робин ван Перси во 10 и 26. минута постигна два гола и се чинеше дека со овој резултат на полувремето претстои катастрофа за домашниот Њукасл. Меѓутоа, наместо тоа претстоеше несфатлив пад во играта на гостите и демонстрација на сите квалитети кои го прават најпривлечен англискиот фудбал – упорност, храброст и пожртвуваност до последниот свиреж на судијата. Еден до пеховите на гостите се случи уште на самиот почеток од второто полувреме, во 49. минута кога Абу Диаби беше исклучен, но и со играч помалку Арсенал до 60. минута го одржуваше водството од четири голови. Во таа минута Џој Бартон намалува на 1:4, а потоа следат головите на Лион Бест во 75. минута, па повторно на Бартон од пенал во 83. и во 88. минута на Исмаел Чеик Тиоте кој ја разби гостинската згусната одбрана со силен шут од 25 метри. Треба да се напомене дека при резултат од 4:0 за Арсенал, на англиските обложувалници коефициентот дека Њукасл ќе стигне до 4:4 изнесуваше – 490!!Имајќи го предвид катастрофалното издание и поразот на водечкиот Манчестер јунајтед кај Вулвехемптон, се чини дека Арсенал направи во саботата голем пропуст испуштајчи ги трите бода да се доближи на само два бода од првото место. Третопласираниот Манчестер сити и Вест бромвич албион одиграа меч без особени возбудувања. Капитенот на „граѓаните“ аргентинскиот ас Карлос Тевез со хет-трик даде придонес во победата од 3:0. Сите три голови ги постигна во првото полувреме од кои првиот во 17. и третиот во 39. минута од пенал, а во меѓувреме во 22. минута беше прецизен и од игра. Манчестер сити останува безбеден на третата позиција со 49 бодови, еден помалку од вториот Арсенал, но има и меч повеќе, а од четвртиот Челзи кој сега има два меча помалку го делат пет бодови. ВБА падна на 16. место со 26 бодови, колку што има и следниот Виган, додека следат Бирмингем, Вест Хем и Вулверхемптон со по 24 бодови и сите ја сочинуваат групата екипи кои до крајот ќе се борат за опстанок во Премиер. Тотенхем со 2:1 го совлада Болтон. Рафаел ван дер Варт им донесе водство на „спарсите“ во 6. минута од пенал откако во шеснаесетникот Кевин Дејвис беше погоден со топката во раката при шутот на Ведран Чорлука. По само две минути подоцна Холанѓанецот ван дер Варт пвоторно шутираше од белата точка, но овојпат беше непррецизен од второто изведување, откако првиот удар кога постигна гол беше поништен од судијата. Гостите изедначија во 55. минута преку Даниел Сториџ, додека Нико Крањчар во втората минута од судиското дополнување ги обезбеди бодовите за Тотенхем. Тотенхем е на 5-та позиција со 44 бодови како и пред него Челзи, а има дури седум бодови повеќе од 6-от Сандерленд кој најверојатно тешко може да му го загрози пласманот во европските купови. Болтон пак е 8-ми со 33 бодови.На „Гудисон парк“ во Ливерпул беше одигран уште еден меч со пресврти и со осум постигнати голови. Евертон иако губеше од гостинот Блекпул со 2:3, на крајот славеше со 5:3. Овој меч го одбележаа четирите гола на францускиот интернационалец Лиус Саха кој беше прецизен во 20., 47, 75. и 83. минута, а во 80. минута водството од 4:3 за домаќините го донесе Бекфорд. Гостите на 1:1 изедначија преку Батиста во 38. минута, а потоа од 2:1 направија пресврт на 2:3 со головите на Панчон во 62. и Адам во 65. минута. Евертон сега е 13-ти со 30 бодови, а Блекпул е 15-ти со 28 бодови Седум голови беа постигнати на мечот Виган и Блекбурн. Домашните победија со 4:3 со головите на Мекарти во 35. и 56. минута, Роделејџ во 50 и Ватсон од пенал во 65. минута, додека гостите погодуваа во 23. минута преку Робертс, во 58. преку Самба и од пенал во 81. минута преку Дан. Виган освои значајни три бода во борбата за опстанок и сега има 26 бодови на 17-то место. Додека Блекбурн гравитира кон средината од табелата на 11-то место со 31 бод. Фулам на гости двапати бркаше и на крајот успеа да ја анулира предноста на домаќинот Астон вила. Домаќините поведоа со автоголот на гостите во 13. минута што го постигна Пејнтсил а дојдоа во водство од 2:1 преку Вокер во 73. минута, додека Фулам изедначуваше во 53. минута преку Џонсон и Демпси во 79. минута. Астон вила сега е 14-та со 29 бодови а Фулам остана со 12-то место со бод повеќе.Домашниот Сток сити направи пресврт во завршницата од натпреварот против Сандерленд обезбедувајќи си победа од 3:2. Сток изедначи на 1:1 преку Карју во 32. минута, откако Сандерленд поведе уште во 2. минута преку Ричардсон, а потоа поведе со 1:2 во 48 минута со голот на Гиан. Трите бода останаа во Сток благодарејќи на Хут кој поентираше во 84. минута и во третата минута од судиското дополнување. Сток сити сега е 9-ти со 33 бодови, а Сандерленд остана на 6-та позиција со 37 минути. И без двата неделни меча во кои ќе се одигра дербито во Лондон меѓу Челзи и Ливерпул и Вест хем – Бирмингем, ова е новиот рекорд и најефикасен ден во Премиер лигата со постигнати 41 погодок, или околу 5,20 по натпревар. Досега рекордниот по ефикасност ден беше 27-ми ноември 2010 г. кога беа постигнати 36 погодоци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Ѓоковиќ првпат присуствуваше на отворање на Зимски олимписки игри
Најдобриот тенисер на сите времиња, Новак Ѓоковиќ, приреди вистинско изненадување појавувајќи се на свечената церемонија на отворањето на Зимските олимписки игри во Милано и Кортина, објавуваат српските медиуми.
🚨 🔉🔊 🇮🇹
– Buonasera, @DjokerNole . Come va?
«Bene, bene.»– Che gliene sembra della serata?
«Uno spettacolo bellissimo, come sempre!»– Lei a Parigi ha conquistato la medaglia d’oro olimpica, l’ha voluta, l’ha cercata…
«Sì, sì.» pic.twitter.com/P0UrKkDLab— TRAVEL&Sp🎾rts (@travel__Sports) February 7, 2026
По финалето на Австралијан опен, каде што беше поразен од Карлос Алкарас, Ѓоковиќ решил слободното време, според наводите, да го помине со сопругата Јелена и децата во Италија, уживајќи во олимпискиот спектакл.
Новак ја искористи можноста да ја коментира атмосферата во земјата што му била секогаш драга, истакнувајќи дека ова му е првпат да присуствува на отворањето на зимското издание на Игрите.
“Прекрасен спектакл, како и секогаш. Секогаш е убаво да се биде во Италија. Очигледно е дека Италија е земја на спортот. Очекувавме спектакл и тоа го видовме. За мене ова беше прв пат на церемонијата на отворање на Зимските Олимписки игри и тоа беше голема емоција. Многу сум среќен што го доживеав ова искуство со моето семејство”, рече Ноле за италијанските медиуми.
Иако многумина шпекулираа за крајот на неговата кариера по турнирот во Мелбурн, Ѓоковиќ со својата изјава за Летните олимписки игри во Лос Анџелес 2028 година јасно стави до знаење дека сè уште не планира да се повлече. На прашањето за далечната иднина и настапот во САД, тој одговори:
„Далеку е, да. Во овој период од мојот живот и кариера е далеку, но очигледно е дека имам желба да стигнам таму.“
Исто така, на констатацијата дека сè уште успешно се спротивставува на помладите генерации, Новак со насмевка додаде:
„Да, мора. Во секој случај, човек мора да размислува за себе како за млада личност.“
Спорт
Зимските олимписки игри отворени со свечена церемонија во Милано
Вечерва на стадионот „Сан Сиро“ во Милано започна свечната церемонија на отворањето на 25-тите Зимски олимписки игри наречена „Хармонија“.
На Олимписките игри во Милано и Кортина д’Ампецо, кои ќе траат до 22 февруари, ќе учествуваат 2.871 спортисти од 92 олимписки комитети.
За време на церемонијата, планирани се специјални музички изведби на американската пејачка Мараја Кери, како и италијанските уметници Лаура Паузини и Андреа Бочели.
На самиот крај од церемонијата, ќе бидат запалени два олимписки пламени – едниот ќе биде во Милано, во близина на Арко дела Паче, еден од најпрепознатливите симболи на градот, а другиот во Кортина д’Ампецо, на плоштадот Пјаца Дибона, центарот на познатиот планински град.
Спортистите ќе се натпреваруваат за медали во 116 натпревари во 16 дисциплини.
Ова ќе бидат третите Зимски олимписки игри и четвртите Олимписки игри што се одржуваат во Италија, додека Кортина д’Ампецо веќе беше домаќин на Зимските олимписки игри во 1956 година.
Овогодинешните ЗОИ ќе бидат први во историјата што официјално ќе бидат организирани во два града – Милано и Кортина д’Ампецо.
Милано ќе биде домаќин на натпревари во спортови во затворен простор и на мраз, додека други натпревари ќе се одржат во спортски кластери околу Кортина, како и во долините на Валтелина и Фијема.
За прв пат, скијачкото планинарење ќе биде вклучено во Олимписката програма, а ова ќе бидат и првите Игри што ќе се одржат за време на мандатот на новата претседателка на Меѓународниот олимписки комитет, Кирсти Ковентри.
Олимписките комитети на Русија и Белорусија се суспендирани поради кршење на Олимпиското примирје поради руската инвазија на Украина во 2022 година.
Како и на Летните олимписки игри во Париз во 2024 година, спортистите од Русија и Белорусија ќе можат да учествуваат во индивидуални спортови како „индивидуални неутрални спортисти“ во Милано и Кортина.
Се очекува Бенин, Гвинеја-Бисао и Обединетите Арапски Емирати да го имаат својот прв настап на Зимските олимписки игри.
Најголемата делегација на Олимписките игри во 2026 година е делегацијата на Соединетите Американски Држави, која има 233 спортисти, по што следуваат Италија со 196, Германија со 189, Швајцарија со 175 и Франција со 162 учесници.
Церемонијата на затворање на Зимските олимписки игри ќе се одржи на 22 февруари во „Верона Арена“, под името „Убавина во движење“.
Покрај културно-уметничката програма, церемонијата ќе вклучува завршни говори и официјално предавање на знамето на домаќинот на Француските Алпи, кои ќе бидат домаќини на Зимските олимписки игри во 2030 година.
На италијанскиот претседател Серџо Матарела и премиерката Џорџа Мелони ќе им се придружат околу педесет крунисани личности, шефови на држави и влади, заедно со генералниот секретар на ОН Антонио Гутереш, на церемонијата на отворање на Зимските олимписки игри во Милано, објави Анса.
Францускиот претседател Емануел Макрон нема да биде присутен, а како причина ги наведе претходно закажаните обврски, негирајќи дека нема да присуствува за да не седи до потпретседателот на САД Џ.Д. Венс, и наведувајќи дека станува збор за „лажни вести“, објави агенцијата.
На церемонијата му претходеше прием во Кралската палата организиран од претседателот Серџо Матарела за шефовите на држави и влади кои ќе присуствуваат на отворањето на Олимписките игри.
Претходно, премиерот Ѓорѓа Мелони се сретна со американскиот потпретседател Венс во Милано, заедно со државниот секретар Рубио и министерот за надворешни работи Тајани.
Фото: ЕПА
Спорт
МВП на Евролигата во Милвоки, Јанис нема да ги напушти Бакс
Јанис Адетокумбо, како шо сега стојат работите ќе остане во Милвоки најмалку до крајот на сезоната.
Според новинарот на „ESPN“, Шамс Чаранија, Кол Ентони и Амир Кофи се селат во Феникс, додека Ник Ричардс и Најџел Хејс-Дејвис ќе ги продолжат своите кариери во Милвоки.
Со овој потег, Бакс дополнително ја зајакнуваат ротацијата под кошот, со оглед на тоа што Ричардс носи физичко присуство и дефанзивна стабилност на центарската позиција, додека Хејс-Дејвис е играч кој може да придонесе енергија и ширина на ротацијата на крилата.
Од друга страна, Санс добиваат дополнителна длабочина во надворешната линија. Кол Ентони треба да преземе позначајна улога во организацијата на играта, како „бек-ап“ плејмејкер, додека Амир Кофи носи дефанзивна флексибилност и можност за покривање на повеќе позиции.
Официјална потврда за размената се очекува наскоро, откако двата тима ќе ги завршат сите административни детали.
Foto/ EPA
(Видео) Полицијата заплени 40 тони дрога: откриена неусоглесеност на количините кои правните лица ги поседуваат, произведуваат, набавуваат и отуѓуваат
Министерството за внатрешни работи извести дека во тек е опсежна акција, во рамки на која е запленета голема количина на...
Двегодишно дете со тешки телесни повреди од Битола пренесено во Скопје, го нападнале кучиња скитници додека си играло
Лекарите од Клиничката болница во Битола вчера во полиција приавиле дека примиле двегодишно дете со тешки телесни повреди по напад...
(Видео) Петрушевски: Од 27 тони запленета дрога, повеќе од две третини е на фирма на соработник на Зоран Заев
Над 2/3 од 27 тони запленета дрога е од фирма на кадар на СДС, соработник на Зоран Заев, рече денес...
Левица ќе иницира разрешување на Ристовска, имаат информации за понижување, викање и навреди во ДКСК
Наместо да ја насочи својата енергија кон расчистување на корупцијата, членката на Државната комисија за спречување на корупцијата (ДКСК), Цвета...
Низ разузнавачките канали протекоа детали за „Дмитриев пакет“, вреден е 12 трилиони долари, вели Зелениски
Украинскиот претседател Володимир Зеленски предупреди дека постои ризик САД и Русија да склучат билатерални договори кои се однесуваат на Украина,...
Судот нареди на администрацијата на Трамп да врати од Хондурас три депортирани семејства и да ги плати трошоците за враќање
Окружниот суд во Сан Диего пресуди федералната влада на САД да ги врати трите семејства од Хондурас, наведувајќи дека нивното...
Независниот полициски синдикат утре организира протестен марш во Битола: За закани за тепање и убивање полицајци се оди во притвор
Независниот полициски синдикат (НСП) утре во Битола организира марш за еднакво спроведување на законите кон сите сторители на кривични дела,...
Магла ја намали видливоста до 60 метри на патниот правец Гевгелија – граничен премин Богородица
Сообраќајот на државните патишта се одвива во зимски услови, по влажни коловози соопшти Авото-Мото Сојузот на Македонија (АМСМ), Намалена видливост...
Најдоцна до јуни реконструкција на владиниот кабинет, Ковачки е нов генерален секретар на партијата, соопшти Мицкоски
Денес заседаваше Централниот комитет на ВМРО-ДПМНЕ, на кој беа донесени важни одлуки за понатамошното јакнење и модернизација на партијата, истакна...
Полицајци, наставничка и пожарникар земале пари од граѓани за да им средат побрзо да извадат лични документи
Двајца полицајци, наставничка и пожарникар се осомничени за примање поткуп и примање награда за противзаконито влијание односно за пари овозможувале граѓаните...
Воени возила и дронови во Охрид и Радожда, од утре обука на специјалците од војската на Белгија
Од 07 до 20 февруари 2026 година, на подрачјето на Охрид и струшкото село Радожда, ќе се реализираат активности за...
Студентите што студираат во странство или се прогласени за најдобри, ќе имаат предност за вработување на државните универзитети
Со поддршка од над 60 професори, засегнати институции и установи, претставници на студентите, стручни лица и експерти, Министерството за образование...
Угостителите во Македонија за една година ги поскапеа цените за 3,4 проценти
Цените на угостителските услуги во јануари 2026 година се зголемени за 0,2 проценти во однос на претходниот месец. Во споредба...
СДСМ: Нема одговор како 5 тони дрога поминале преку граница
Нема одговор како 5 тони дрога поминала преку граница – има вистина дека ВМРО го овозможи бизнисот со канабис, велат...
„Да се забрани производство на марихуана за наводни медицински цели“, бара Демократскиот сојуз
Демократскиот сојуз бара Парламентот на Македонија по скратена постапка да донесе измена на законите со кои ќе се забрани производство...
Лавров: Москва е во таен контакт со некои европски лидери, тие бараат разговорите да останат тајни
Министерот за надворешни работи на Русија, Сергеј Лавров, изјави дека Москва е во таен контакт со некои европски лидери и...
Поднесена кривична пријава против две лица од Битола кои се закануваа дека ќе убиваат полицајци на протестот за возачките дозволи
Независниот полициски синдикат поднесе кривична пријава против две лица од Битола кои се закануваа дека ќе убиваат луѓе на протестот...
Објавени пораки меѓу поранешниот норвешки премиер и Епстин, започната е истрага
Поранешниот норвешки премиер Торбјорн Јагланд е под полициска истрага поради сомнение за сериозна корупција поврзана со неговите врски со покојниот...
Трамп ја претстави TrumpRx: Нова платформа за поевтина набавка на лекови во САД
Американскиот претседател Доналд Трамп во четврток ја претстави TrumpRx.gov, нова онлајн платформа што ќе им овозможи на американските потрошувачи да...
Турција ќе приватизира два клучни моста во Истанбул
Турција ја ангажираше консултантската фирма Ernst & Young LLP да ја води приватизацијата на два клучни моста во Истанбул и...
