Спорт
Чикаго во Атланта испушти предност од 19 поени

Шест победи на екипите кои играа на домашен терен на десетте одиграни натпревари во НБА лигата.
Шест победи на екипите кои играа на домашен терен на десетте одиграни натпревари во НБА лигата. Дербито се одигра во Атланта, каде домаќинот успеа да ја надополни негативата од 19 поени и да забележи победа над Чикаго од 83:80. Ал Хорфорд со 31 поен и 16 скока ја предводеше Атланта по победата на екипата која го има третиот најдобар резултат во Источната конференција. Лидерот на истокот Бостон забележа победа во Феникс, 115:103. Кевин Гарнет (28 поени и 11 скокови) и Пол Пирс (16 поени) и Режон Рондо (16 поени и 15 асистенции) беа најекспонирани во редовите на Бостон. Денвер ја забележа четвртата победа во петтиот дуел од кога Кармело Ентони замина во Њујорк. Денвер во ноќта што измина го декласира Шарлот победувајќи го со 120:80. Најдобриот тим во лигата Сан Антонио во 61-от натпревар стигна до 50-та победа. „Мамузите“ во Кливленд лесно се справија со најлошиот тим во НБА, забележувајќи победа од 109:99. На другите натпревари:Вашингтон-Голден Стејт 102:106Детроит-Минесота 106:115Њујорк-Њу Орлеанс 107:88Оклахома-Портланд 102:107ЛА Клиперс-Хјустон 106:103. крај/nba.com/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Димитриевски би можел да се пресели во Елче

Столе Димитриевски до крајот на преодниот рок ќе ја напушти Валенсија. Целта на македнскиот репрезентативец е да остане во Шпанија.
Димитриевски, минатото лето како слободен играч пристигна во Валенсија од Рајо Ваљекано. Претходно клубот го продаде Георги Мамардашвили во Ливерпул, но клубот од Англија репи да го остави голманот на позајмица.
Кога клубовите се договорија јасно беше дека Димитриевски ќе биде резерва. Бранеше само на натпреварите во Купот и на неколу натпревари во првенството кога Грузиецот беше повреден.
Статусот на Димитриевски не се подобри ниту по завршувањето на сезоната, Мамардашвили замина, но Валенсија реши на позајмица од Атлетик Билбао да го донесе младиот голман Хулен Агирезабала.
Поради ваквата одлука на клубот македонскиот репрезентативец сака да ја напушти „Местаља“.
Шпанските медиуми пишуваат дека постои шанса Димитриевски новата сезона да ја мине на позајмица во Елче. Клубот по пауза од една година се врати меѓу шпанската елита и бара искусен голман за предизвиците во Примера.
Foto/ EPA/Rodrigo Jimenez
Спорт
Де Брујне ја објасни разликата помеѓу Конте и Гвардиола

Кевин Де Брујне вели дека се стреми кон 25-от трофеј во својата прва сезона со Наполи и ги објасни разликите помеѓу Пеп Гвардиола во Манчестер сити и Антонио Конте.
„Би рекол дека имаат два различни начини на игра. Пеп е веројатно малку повнимателен во контролата и поседот на топката, додека Конте е малку поструктуриран во играта и многу се фокусира на менталитетот. Пеп работи повеќе во просторот“, изјави Де Брујне за „Кориере дело Спорт“.
„Постојат неколку различни работи, но секој тренер има свои принципи и карактеристики“.
Белгиската ѕвезда, исто така, објасни кој трофеј најмногу сака да го освои за време на неговиот престој во Наполи.
„Веројатно Скудетото, но никогаш не сакам да бирам. Ќе земам што можам да освојам. Сепак, бидејќи никогаш не сум играл во Италија, освојувањето на лигата би била добра цел, тоа би било многу кул“.
Спорт
На сите играчи што ќе испаднат од Серија А ќе им бидат намалени платите

Италијанската фудбалска федерација и Серија А постигнаа договор со кој платите на фудбалерите ќе бидат намалени за 25 проценти доколку нивните тимови испаднат во Серија Б.
Петгодишниот договор беше објавен денеска. Намалувањето на платите има за цел да го намали финансискиот притисок врз клубовите испаднати од Серија А и ќе важи за сите договори потпишани по 2 септември 2025 година.
Новиот систем автоматски ги намалува платите, освен ако не е поинаку наведено во договорот на играчот.
Постојните договори ќе останат предмет на претходно договорени услови. Доколку тимот се врати во Серија А, платите ќе се вратат на нивната оригинална вредност.
Колективниот договор, исто така, воведува структура на минимална плата врз основа на возраста на играчот, која не може да се намали дури ни по испаѓањето.