Спорт
Барса и Шахтјор во четвртфиналето на ЛШ
Во реванш осминафиналните мечеви од Лигата на шампионите, домаќините Барселона со 3:1 и украински Шахтјор со 3:0 ги елиминираа Арсенал односно Рома
Барселона ги оправда очекувањата и на своите навивачи и на речиси целата фудбалска јавност. И покрај отсуството на главните столбови на каталонската одбрана, повредата на Карлес Пујол и казната на Жерар Пике, што е една од главните карики на сигурноста во играта на Барса, Арсенал на „Камп Ноу“ во вторникот навечер тоа не успеа да го исползува. Неговите напаѓачи се до крајот на мечот не дојдоа во стопостотна шанса, а голот кој им даде надеж и во тој момент ги водеше во четвртфиналето беше всушност автогол. Исто така, се чини дека лондонските „топчии“ беа малерозни, затоа што уште во 15 минута мораа да извршат измена на голманската позиција, а потоа и еден непромислен потег на нивниот капитен Робин ван Перси при поволен резултат, што се надоврза на константниот притисок на домаќинот па одбраната на првите 2:1 станаа невозможна мисија.Првиот половина час од мечот изненади со смирено темпо а во таква игра, уште во 15. минута прстот од десната рака го скрши јунакот од првата средба на „Емирати“, голманот 20-годишникот Војчех Шчечни, кој се повред бранејќи слободен удар на Дани. На негово место влезе ветеранот Мануел Алмунија кој и покрај тоа што прими три гола го спаси Арсенал од многу повисок пораз. Во тој период од играта најголемото возбудување дојде во 35. минута кога Адриано Кореха ја погоди стативата од мртов агол. Заради играта со многу прекини заради фаули, судијата Масимо Бисака да го продолжи првото полувреме дури пет минути, што го искористи Барса. Во третата минута од продолжението поранешниот играч на младинските категории на каталонците сега ѕвезда на Арсенал, Сеск Фабрегас невнимателно одигра со петица, и тоа на само неколку метри од неговиот шеснаесетник, што беше лесен плен за Андрес Иниеста кој го проигра Лионел Меси кој, пак, го фати на „крива нога“ Алмунија кој се обиде да му влезе во шутот и да му го скрати аголот кон голот и поентираше за 1:0, резултат што веќе ја водеше Барселона во следната рунда.Меѓутоа многу кусо по почетокот на вториот дел каталонците доживеаја студен туш. Самир Насри во полуконтра изнуди корнер по кој Серхио Бускетс неконтролирано со глава ја смести топката зад грбот на својот голман Виктор Валдез. Барселона веднаш тргнувајќи од центарот најави дека до крајот ќе притиска во обидот да излезе како севкупен победник од двомечот со Арсенал. Давид Виља излезе сам пред Алмунија но малото колебање му овозможи на противничкиот голман да ја спречи водство на домаќинот. Ова всушност беше најбурниот дел од мечот, бидејќи по две минути Ван Перси откако беше досудено дека се наоѓал во офсајд ја продолжи акцијата и упати шут покрај голот на Валдез, што беше доволно за Бисака тоа да го протолкува како намерно задржување на играта и да му покаже втор жолт картон и автоматско исклучување од мечот. Во 66. минута Виља повторно по третпат на мечот е спречен од Алмунија. Но голманот на „топчиите“ три минути подоцна не можеше да го одбрани ударот на Чави. Како ни во 71. минута од белата точка на Меси, откако Кошчелни според Бусака фаулираше во шеснаесетникот. Барселона до крајот на мечот притискаше за уште поубедлива победа но Алмунија продолжи со извонредната вечер. Така во седмиот дуел меѓу Барселона и Арсенал, каталонците ја постигнаа четвртата победа, два меча завршија без победника а „топчиите“ победија на минатиот меч. Ова е шесто квалификување на Барселона во четврфиналето на Лигата на шампионите во последните осум сезони. Интересно е што и во двата случаи кога не успеа беше елиминирана од англиски клубови, во 2005 г. од Челзи а во 2007 г. од Ливерпул.Статистиката за Арсенал е погубна. Ова беше шести пораз во последните седум гостувања во Лигата на шампионите а осми пораз во последните 12 гостувања во Шпанија.По првпат во својата историја по пет неуспешни обиди Шахтјор од Доњецк се пласираше во четвртфиналето на Лигата на шампионите, И тоа многу уверливо со две победи против Рома, 3:2 на првиот меч на „Олимпико“ и уверливи 3:0 пред своите 49 илјади навивачи.Со голема предност домашните играчи ја нападнаа „римската волчица“ и во Доњецк и уште во 18. минута преку Томас Хубшман дојдоа во водство. Рома имаше можност барем да се обиде да се бори за пласман натаму, но во 28. минута Марко Бориело слабо изведе пенал овозможувајќи му на голманот Пјатов да се истакне со одбрана. Судбината на Рома беше запечатена во 41. минута кога Фелипе Мексес заработи втор жолт картон и исклучување.Во вториот дел следуваше само реализација на доминацијата на фудбалерите на Шахтјор кои како да беа мотивирани од арогантните и потценувачки изјави пред мечот на капитенот на гостите Франческо Тоти кој не настпаи во Доњецк.Прво во 58. минута Бразилецот Вилиан зголеми на 2:0, а во 87. минута поранешниот играч на Арсенал, Бразилецот кој игра за хрватската репрезентација Едуардо го постигна и третиот гол за домаќините.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Позната е шемата за плеј-офот, можна е уште една пресметка меѓу Реал и Бенфика
По завршувањето на правата фаза во Лигата на шампионите, познати патниците во осминафиналето и екипите кои ќе играат плеј-оф за пласман меѓу најдобрите 16.
Од првото до осмото место се пласираа: Арсенал, Баерн, Ливерпул, Тотенхем, Барселона, Челзи, Спортинг и Манчестер Сити.
Пејофот ќе играат: Реал Мадрид, Интер, ПСЖ, Њукасл, Јувентус, Атлетико Мадрид, Аталанта, Баер Леверкузен, Борусија Дортмунд, Олимпијакос, Клуб Бриж, Галатасарај, Монако, Карабаг, Бодо/Глимт и Бенфика.
Познато е дека УЕФА, од минатата сезона, воведе „тениска ждрепка“ за нокаут фазата, истото ќе биде и сега, па затоа следните двојки се можни во осминафиналето:
Реал Мадрид/Интер – Бенфика/Бодо
ПСЖ/Њукасл – Карабаг/Монако
Јувентус/Атлетико – Галатасарај/Клуб Бриж
Аталанта/Леверкузен – Дортмунд/Олимпијакос
Значи, постојат големи шанси Бенфика и Реал повторно да ги одмерат силите.
А што се однесува до осминафиналето, шемата е иста…
Сити го чека Реал или Интер (ако поминат), ПСЖ може да оди на Барселона или Челзи, а Ливерпул кај Јувентус или Атлетико.
Спорт
(Видео) Голманот Трубин со гол во 98-та минута ја однесе Бенфика во плеј-офот, а Реал го исфрли од Топ 8
Најлудиот натпревар, во последноот коло од првата фаза во Лигата на шампионите, го одиграа Бенфика и Реал Мадрид.
Бенфика победи со 4:2 и благодарение на подобрата гол-разлика од Олимпик Марсеј (за еден гол), го освои 24-то место, последно кое носи играње во баражот. Во исто време, Реал испадна од Топ 8 и ќе мора да игра дополнителни два натпревари за пласман во осминафиналето.
Апсолутен херој на Бенфика е голманот Трубин, кој постигна гол во 98-та минута.
Избраниците на Жозе Мурињо немаа што да изгубат на овој натпревар и тргнаа на сè или ништо. Голот на Мбапе за водство на Реал не ги вознемири, направија пресврт до крајот на првиот дел.
Сјелдеруп го донесе израмнувањето, а во судиското продолжение од првото полувреме, Павлидис погоди од пенал. Норвешкиот играч за врска го зголеми водството на почетокот на второто полувреме и сè изгледаше идилично за домаќините.
Сепак, Реал успеа да ја намали предноста со уште еден гол на Мбапе, а резултатите и состојбата на табелата постојано се менуваа. На крајот, со оглед на тоа што Марсеј губеше со 3:0 во Бриж и имаше иста гол-разлика како Бенфика, Португалците мораа да постигнат уште еден гол за да продолжат понатаму.
И тоа се случи во судиското продолжение, и може да се каже дека е заслужено, бидејќи тимот на Мурињо пропушти уште најмалку две добри шанси за да слави и со поголема разлика.
Реал мечот го заврши со девет играчи, во судиското надополнување на времето поради жолти картони беа исклучени Раул Асенсио и Родриго.
Благодарение на победата на Спортинг во Билбао, Реал заврши на деветтата позиција.
Историски резултат постигна и Боде/Глимт со триумфот во Мадрид, против Атлетико (2:1). „Јорганџиите“ излегоа со јасна цел да победата со голема разлика за да можат да се надеваат на место во Топ 8.
Напааѓаа константно, редеа шанси пред голот на Хаикин, но само Серлот во 15-та минута успеа да постигне гол. Од друга страна, Норвежаните реализираа две од своите три шанси, кога ги користеа лошите реакции во одбраната на Атлетико.
Двата тима ќе играат плеј-оф за место во осминафиналето. Атлетико заврши на 14-то, а Боде/Глимт на 23-то место.
Foto/ EPA
Спорт
(Видео) Спектакуларно последно коло во ЛШ
Лигашката фаза од Лигата на шампионите заврши со спектакуларното последно коло, во кое се одиграа 18 натпревари истовремено.
Клубовите пласирани од првото до осмото место на единствената табела директно влегоа во осминафиналето. Оние кои завршија од 9-то до 24-то место ќе играат меѓусебно во плејоф за да влезат во осминафиналето.
Арсенал, Баерн, Ливерпул, Тотенхем, Барселона, Челзи, Спортинг и Манчестер Сити директно влегоа во осминафиналето.
Во плејофот се пласираа: Реал Мадрид, Интер, ПСЖ, Њукасл, Јувентус, Атлетико Мадрид, Аталанта, Баер Леверкузен, Борусија Дортмунд, Олимпијакос, Клуб Бриж, Галатасарај, Монако, Карабаг, Бодо/Глимт и Бенфика.
Лига на шампиони, 8. коло:
Ајакс – Олимпијакос 1:2
/Долберг 69П – Мартинс 52, Хезе 79/
Арсенал – Каират Алмати 3:2
/Ѓокереш 2, Хаверц 16, Мартинели 36 – Жоргињо 7П, Рикардињо 90+4/
Атлетик Билбао – Спортинг 2:3
/Сансет 3, Гурузета 28 – Диоманде 12, Тринкао 62, Сантос 90+4/
Атлетико Мадрид – Бодо/Глимт 1:2
/Серлот 16 – Сјоволд 34, Хог 59/
Барселона – Копенхаген 4:1
/Левандовски 48, Јамал 60, Рафиња 69, Рашфорд 85 – Дадасон 5/
Баер Леверкузен – Виљареал 3:0
/Тилман 12, 35, /
Бенфика – Реал Мадрид 4:2
/Сјелдеруп 36, 54, Павлидис 45+5, Трубин 90+8 – Ембапе 30, 58/
Борусија Дортмунд – Интер 0:2
/Димарко 81, 90+4/
Клуб Бриж – Марсеј 3:0
/Ѓакон 4, Вермант 12, Станковиќ 79/
Ајнтрахт Франкфурт – Тотенхем 0:2
/Коло-Муани 47, Соланке 77/
Ливерпул – Карабаг 6:0
/МекАлистер 15, 61, Вирц 21, Салах 50, Екитике 57, Киеза 90/
Манчестер Сити – Галатасарај 2:0
/Халанд 11, Шерки 29/
Монако – Јувентус 0:0
Наполи – Челзи 2:3
/Вергара 33, Хојлунд 43 – Фернандез 18, Педро 61, 82/
Пафос – Славија Прага 4:1
/Драгомир 17, Бруно 53, Силва 84, Оршиќ 87 – Чалупек 44/
ПСЖ – Њукасл 1:1
/Витиња 8 – Вилок 45+2/
ПСВ – Баерн 1:2
/Саибари 78 – Мусијала 58, Кејн 84/
Унион Сент Жил – Аталанта 1:0
/Калаили 70/
(Видео) Симнете ги розовите очила и погледнете ги работниците – порачаа синдикатите до функционерите на протестот за повисоки плати, се бара 600 евра минималец
Со транспарентот „Протестираме за плата“, голем број граѓани излегоа на улиците за да го поддржат протестот на Сојузот на синдикатити...
Ако не се реши проблемот со превозниците, ќе трпи цела Европа, порача Николоски од Загреб
Заменик-претседателот на Владата и министер за транспорт Александар Николоски порача дека доколку не се изнајде решение за проблемот со превозниците...
Бојан Маричиќ избран за нов претседател на Државната изборна комисија
Поранешниот вицепремиер за евроинтеграции и министер за правда во Владата на СДСМ, Бојан Маричиќ, е избран за нов претседател на...
Запленети 150 килограми марихуана, ја транспортирале со шлеп возило од Струга до Свети Николе
Јавен обвинител донесе наредба за спроведување на истражна постапка против три лица за кои постои основано сомнение дека сториле кривично...
По ревизорскиот извештај, Обвинителството отвори предмет за Општина Охрид
Јавното обвинителство отвори предмет по извештајот на Државниот завод за ревизија за Општина Охрид, во кој утврди дека се граделе...
(Видео) Филипче: Имам информација дека следи ново задолжување од 300 милиони евра
Претседателот на СДСМ, Венко Филипче, на одговор на новинарско прашање информираше дека следува ново задолжување од 300 милиони евра, a...
Левица: Премиерот со џемпери од по 2.000 евра барањата за минимална плата ги прогласи за „политичка агенда“
Левица го осуди настапот на премиерот Мицкоски, со кој легитимните синдикални барања за зголемување на минималната плата ги оцени како...
По срамниот настап во Собранието, Џихан Ахмед ја повлече кандидатурата за членка на комисијата за заштита од дискриминација
Џихан Ахмед ја повлече својата кандидатура за член на Комисијата за спречување и заштита од дискриминација, откако нејзиниот настап во...
Независниот полициски синдикат против мешање на политиката и партиите во работничкиот протест
Згрозени сме од мешањето на политиката и поддршката која опозициските партии преку повици и мобилизирање на членството оркестрирано ја даваат...
Затоа за граѓаните на Македонија нема покачување на платите, не работат „приватно“ како Мицкоски, велат од СДСМ
„ВМРО го вработилo, па така во „приватниот бизнис“ Христијан Мицкоски бил директор на ЕЛЕМ, па советник на Груевски, па еве...
„Обвинителството да не молчи, Заев и Филипче ги злоупотребиле државните институции за насилно преземање на болницата Жан Митрев“, велат од ВМРО-ДПМНЕ
„Сведоштвото на Жан Митрев јасно покажува дека Заев и Филипче брутално ги злоупотребиле институциите. Заев и Филипче смислиле план и...
Фицо шокиран од Трамп: „Тој е опасен и полудел“
Словачкиот премиер Роберт Фицо им рече на лидерите на Европската унија на самитот минатата недела дека неговата средба со Доналд...
(Видео) Трамп: Уште една прекрасна армада прекрасно плови кон Иран токму сега
Американскиот претседател Доналд Трамп изјави дека „уште една“ американска воена флота е на пат кон Иран. „Патем, уште една прекрасна...
(Видео) Санти мраз во Њујорк, има мртви, температурите под нулата: Бура ги опустошува САД
Санти мраз и делумно замрзнатите делови од реката Хадсон беа пријавени по силната зимска снежна бура во вторник, 27 јануари,...
(Видео) Американска конгресменка нападната со непозната течност во Минеаполис
Американската конгресменка, Илхан Омар, беше нападната со непозната течност за време на јавна трибина во Минеаполис во вторник. Полицијата соопшти...
Русија бара територијални отстапки од Украина, Зеленски сака средба со Путин
Украинскиот претседател Володимир Зеленски е подготвен директно да преговара со лидерот на Кремљ, Владимир Путин, за чувствителни прашања како дел...
Колку Руси и Украинци загинаа во војната? Анализа откри застрашувачки бројки
Бројот на руски и украински војници убиени, ранети и исчезнати во речиси четиригодишната војна би можел да достигне два милиони...
Намалена видливост поради магла на неколку патни правци
Поради протест блокирани се повеќе гранични премини за влез и излез од државата на товарни моторни возила. Како што известуваат...
(Фото) Ѓорѓиевски: Кејот на Вардар ќе добие нов лик
Градоначалникот на град Скопје, Орце Ѓорѓиевски, вчера вечер, преку социјалните мрежи порача дека кејот на Вардар ќе добие нов лик....
МНР со реакција до Бугарија: Македонија останува подготвена за дијалог што ќе се води во духот на европските вредности, Европа се гради со доверба и резултати, не со етикетирања и политички квалификации
Македонското Министерство за надворешни работи реагира на денешното соопштение објавено на веб-страницата на Министерството за надворешни работи на Република Бугарија....
