Герет Бејл постигна два гола и имаше една асистенција за конечно да покаже дел од својот блескав талент по камбекот во Тотенхем, предводејќи го тимот на Жозе Мурињо до убедлива 4:0 победа над Барнли.

Навивачите, но и самиот Мурињо, честопати ја искажуваа разочараноста што Велшанецот имаше малку минути поради проблемите со повреди, но денеска попладне во северен Лондон, мечот беше во негов знак.

Бејл даде гол уште во втората минута од мечот, пред во 15. минута да му асистира на Хери Кејн за 2:0 водство. Лукас Моура во 31. минута зголеми на 3:0, пред Бејл да го постигне и вториот гол во 55. минута. Тотенхем се сега осми со 39 поени, додека Барнли имаат 28. на 15. место, само пет над зоната за испаѓање.



Втората трка од Формула Е шампионатот во Саудиска Арабија во саботата навечер донесе хорор-судир на Британецот Алекс Лин од тимот на Махиндра рејсинг, и видеото кое денеска го објавија од официјалниот Твитер акаунт на шампионатот покажува што ќе се случи кога аеродинамиката на болидите ќе проработи како авион.

Лин има контакт со возачот на Јагуар, Мич Еванс, по што болидот на Лин полетува налик на страшнито инцидент на Марк Вебер во Ф1 во Валенсија во 2011 година. Еванс ја прекрати трката и веднаш отиде да види дали се е во ред со поранешниот ГП3 шампион, кој уште беше во болидот. За среќа, тој излезе од болница без посериозна повреда.

Судирот предизвика предвремен крај на Диријах ГП трката, која по рестартот ја доби сонародникот на Лин, Сем Бирд.

We are thankful that Alex Lynn is well after this accident. Testament to the medical staff, marshals and the @FIA who keep our sport safe. 🙌 to Mitch Evans who abandoned his race to run to Alex’s aid. #ABBFormulaE #DiriyahEPrix @alexlynnracing @mitchevans_ pic.twitter.com/hp7FTNYR8w

— ABB FIA Formula E World Championship (@FIAFormulaE) February 28, 2021

Партнерката на Кристијано Роналдо, Георгина Родригез во големото интервју за неделникот „Спортвик“ на „Ла газета дело спорт“ открива дека португалската ѕвезда на Јувентус не е пријатен кога ќе загуби на натпревар, и додава дека и било срам да вежба покрај него на почетокот на нивната врска.

Шпанката е со Роналдо од 2016 година и имаат ќерка заедно, Алана Мартина, а таа ги одгледува и другите три деца на ЦР7, Кристијано Јуниор и близнаците Матео и Ева Марија. Самата Родригез стана мегаѕвезда со низа спонзорски договори и ангажмани како модел и со 23.8 милиони следбеници на Инстаграм.

„Во Торино имаме куќа со градина, каде што се играат нашите деца. Не ни недостасува ништо, а на луѓето од Торино им се допаѓаме. Секако, не одиме на шопинг поради КОВИД-19, а пред неколку години успеавме да отидеме и во кино. Кристијано е супер татко и најдобар сопруг кој можам да го посакам. Кога нема добар меч, верувајте не е сонценце. Но, го познава фудбалот и знае дека некогаш губиш. Тој секогаш се критикува, но го сака тоа што го работи. Научив многу од него и секогаш ме мотивира, иако на почетокот ми беше срам да работам покрај него. Сепак, тој е Кристијано Роналдо. Но, потоа работите се сменија“, објаснува Родригез.

Може на Јуве не му оди, но Георгина ја освојува Италија