Спорт
Дербито на Рим во Серија А

Римското дерби, дуелот на Рома и Лацио е централниот настан во рамките на 29-то коло во италијанската Серија А
Лацио во текот на целата сезона игра во константна форма, со евентуална победа екипата би се зацврстила на четвртата позиција. Рома, од друга страна игра по системот „топло-ладно“, во вторникот елиминирана од Лигата на шампиони, и дуелот со градскиот ривал ќе и биде една од последните шанси да фати приклучок со екипите кои се борат за местата кои следната сезона ќе водат во Лига Европа. Лидерот Милан испадна од ЛШ па сега може да се посвети на домашното првенство и освојување на титулата. Во ова коло Милан ќе го пречека последнопласираниот Бари. Јувентус кој се наоѓа во катастрофална форма ќе и гостува на Чезена, екипа која врза две победи и избега од опасната зона. Двојки од 29-то коло, вечерва од 20:45 ќе играат Чезена и Јувентус. Недела, 13 март: Милан-Бари; Каљари-Удинезе; Рома-Лацио; Катанија-Сампдорија; Киево-Фиорентина; Џенова-Палермо; Лече-Болоња и Парма-Наполи. .
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ферстапен на пол-позицијата во Монца

Макс Ферстапен, актуелниот шампион на Формула 1 и возач на Ред Бул, беше најбрз во квалификациите за трката на Големата награда на Италија, која се вози на култната стаза во Монца.
Холанѓанецот ја освои пол-позицијата со време од 1.18.792.
Зад него беа двајца возачи на Мекларен, Ландо Норис на второто место и Оскар Пјастри на третото место.
Четвртата и петтата позиција ги зазедоа адутите на домашната публика, односно дуото на Ферари, Шарл Леклер и Луис Хамилтон.
Сепак, поради казната, Хамилтон ќе стартува од десеттото место.
Пва значи дека третиот ред им припадна на пилотите на Мерцедес Џорџ Расел, Андреа Кими Антонели. Зад нив се Габриел Бортолето (Кикс Заубер), Фернандо Алонсо (Астон Мартин) и Јуки Цунода (Ред Бул).
Трката за Големата награда на Италија се вози в недела од 15 часот.
Foto/ EPA
Спорт
Онана треба да реши дали ќе се пресели во Трабзон

Трабзон наводно има усмен договор со Манчестер јунајтед во врска со позајмицата на Андре Онана (29). Голманот сега треба да реши дали ќе се пресели во Турција, тврди италијанскиот трансфер инсајдер Фабрицио Романо. На својот официјален профил на социјалната мрежа „X“, тој напиша дека е постигнат усмен договор меѓу клубовите и дека се чека согласност од репрезентативецот на Камерун.
Онана пристигна во Јунајтед во летото 2023 година од Интер како наследник на Давид де Хеа. Пред Интер, тој бранеше за Ајакс, каде што освои голем број домашни трофеи под водство на Ерик тен Хаг.
Тој играше во финалето на Лигата на шампионите со Интер во 2023 година, а го освои ФА Купот со Јунајтед во 2024 година. Тој е репрезентативец на Камерун, учествуваше на Африканскиот куп на нации и на Светското првенство.
Бранеше во Јунајтед во променлива форма и ова лето клубот го потпиша Белгиецот Сене Ламенс.
Foto/ EPA
Спорт
(Видео) Србија се коцкаше, но победи во Летонија

Летонија и Србија го отворија денот резервиран за квалификациски натпревари за пласман на Светското првенство. Фаворитот Србија победи со 1:0 со голот на Влаховиќ во 12.минута.
Србите беа фаворити, тоа го покаѓаа на теренот во првиот дел кога доминираа во поседот и во одарите кон голот (12:2).
Србите беа сигурни и во вториот дел, но никако не може да мпостигнат уште еден гол, а тоа можеше скапо да ги чини. Летонците во 92.минута ја погодија стативата од голот на Петровиќ.
Србија по три одиграни натпревари во К групата има седум бода, Англија е прва во групата со два повеќе. Англичаните, кои во наредното коло и гостуваат на Србија, вечерва ќе ја пречекаат Андора.
Foto/ EPA