Спорт
Дербито на Рим во Серија А

Римското дерби, дуелот на Рома и Лацио е централниот настан во рамките на 29-то коло во италијанската Серија А
Лацио во текот на целата сезона игра во константна форма, со евентуална победа екипата би се зацврстила на четвртата позиција. Рома, од друга страна игра по системот „топло-ладно“, во вторникот елиминирана од Лигата на шампиони, и дуелот со градскиот ривал ќе и биде една од последните шанси да фати приклучок со екипите кои се борат за местата кои следната сезона ќе водат во Лига Европа. Лидерот Милан испадна од ЛШ па сега може да се посвети на домашното првенство и освојување на титулата. Во ова коло Милан ќе го пречека последнопласираниот Бари. Јувентус кој се наоѓа во катастрофална форма ќе и гостува на Чезена, екипа која врза две победи и избега од опасната зона. Двојки од 29-то коло, вечерва од 20:45 ќе играат Чезена и Јувентус. Недела, 13 март: Милан-Бари; Каљари-Удинезе; Рома-Лацио; Катанија-Сампдорија; Киево-Фиорентина; Џенова-Палермо; Лече-Болоња и Парма-Наполи. .
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Звезда со десет играчи го намачи Милан, евро-бламажа на Лестер и Баер

Црвена звезда успеа да го натера Милан да се „тресе“ на „Сан Сиро“ до последните минути, откако и со 10 играчи ги заддржаа на 1:1 и не одат во осминафиналето на Лига Европа само бидејќи Милан даде повеќе голови на првиот нерешен меч во Белград (2:2).
Динамо Загреб пак, вторпат го совлада Краснодар, овојпат со 1:0 на „Максимир“ за да покажат дека се најсериозниот клуб од поранешна Југославија во евро натпреварувањата. „Големите“ Лестер и Баер Леверкузен пак, се простија од натпреварувањата со домашни порази од помали противници – Баер пак загуби од швајцарскиот Јанг бојс (0:1), додека Лестер доживеа домашна катастрофа против Славија Прага и пораз од 0:2.
Милан во Белград имаа водство до последните моменти од мечот, но овојпат не се повтори драмата. Френк Кеси уште во деветтата минута ги донесе „росонерите“ во водство со гол од пенал, пред Бен во 24. минута од мечот со убав удар да го измами Џиџи Донарума.
Во второто полувреме гостите имаа неколку убави шанси, како таа на Марко Гобељиќ, кога утна празен гол, за во 70. минута да останат со играч помалку по црвениот картон за истиот фудбалер.
ЛИГА ЕВРОПА, 1/16 ФИНАЛЕ, 2.МЕЧ
Милан – Црвена звезда 1:1, прв натпревар 2:2, вкупно 3:3, Милан одат понатаму поради гол во гости
Манчестер јунајтед – Реал Сосиедад 0:0, прв натпревар 4:0, вкупно 4:0
Динамо Загреб – Краснодар 1:0, прв натпревар 3:2, вкупно 4:2
Рома – Брага 3:1, прв натпревар 2:0, вкупно 5:1
Баер Леверкузен – Јанг бојс 0:1, прв натпревар 3:4, вкупно 3:6
Клуб Бриж – Динамо Киев 0:1, прв натпревар 1:1, вкупно 1:2
Лестер – Славија Прага 0:2, прв натпревар 0:0, вкупно 0:2
ПСВ Ајндховен – Олимпијакос 2:1, прв натпревар 2:4, вкупно 4:5
МИЛАН – ЦРВЕНА ЗВЕЗДА
ДИНАМО ЗАГРЕБ – КРАСНОДАР
МАНЧЕСТЕР ЈУНАЈТЕД – РЕАЛ СОСИЕДАД
ЛЕСТЕР – СЛАВИЈА ПРАГА
ПСВ АЈНДХОВЕН – ОЛИМПИЈАКОС
Спорт
Луда драма меѓу Флензбург и ПСЖ

Флензбург за малку ќе пропуштеше предност од 9 гола разлика (19:10) на полувреме, за на крајот да стигне до 28:27 победа над Пари Сен-Жермен за да се одвои на второто место на табелата во групата А во ЕХФ Лигата на шампиони, додека Кјелце победи кај Сегед со 30:26 за да остане на првото место.
Бундеслигашот имаше неверојатно прво полувреме, во кое апсолутно го декласираше тимот на Раул Гонзалез, меѓутоа ПСЖ кои пристигнаа во Германија со низа од пет победи во ЛШ, се вратија и го однесоа натпреварот во трилер завршница.
На 33 секунди пред крајот, ПСЖ со голот на Недим Ремили успеа да дојде на 27:28, а потоа Флензбург незамисливо да ја загубат топката. Ремили во брзата контра ја погоди само стативата.
ЕХФ ЛИГА НА ШАМПИОНИ
ГРУПА А
Пик Сегед – Кјелце 26:30 (14:14)
Флензбург – Пари Сен-Жермен 28:27 (19:10)
Табела: 1.Кјелце 19, 2.Флензбург 17, 3.ПСЖ 12, 4.Мешков 11, 5.Сегед 10, 6.Порто 8, 7.Вардар 6, 8.Елверум 5.
ГРУПА Б
Мотор Запорожје – Алборг 27:29 (15:14)
Нант – Кил 24:24 (12:9)
ППД Загреб – Веспрем 28:35 (11:17)
Табела: 1.Барселона 26, 2.Веспрем 17, 3.Алборг 14, 4.Кил 12, 5.Мотор 12, 6.Нант 11, 7.Целје 6, 8.Загреб 0.
Спорт
Златан: Ил Феномено е најдобриот, кај Леброн не ми се допаѓа политиката

Секогаш кога Златан Ибрахимовиќ ќе има интервју, има мал милион на извадоци кои можат да се направат наслов. Така и последното интервју со шведската „Дискавери“, за кое зборуваше зошто (оригиналниот) Роналдо е најдобриот на сите времиња и зошто не му се допаѓа НБА „кралот“ Леброн Џејмс.
„Секогаш им велам на тие со кои играм – Роналдо е фудбал. Тој Роналдо е поим за фудбалот. Начинот на кој се движеше, на кој ја прескокнуваше топката, тие неверојатни истрчувања. Според мене, нема подобар играч во историјата. Тука нема сомнеж“, вели Ибрахимовиќ.
Но, не сите спортски херои му се по вкусот на Швеѓанецот.
„Тоа што го прави Леброн Џејмс е феноменално, но не ми се допаѓа кога луѓето со одреден ‘статус’ решаваат да зборуваат за политика. Прави го тоа во што си добар. Играм фудбал бидејќи сум најдобар во тоа. Да бев политичар, ќе терав политика. Тоа е првата грешка што ја прават славните луѓе кога ќе станат славни. Подобро е да се држиш на страна од другите работи и да го правиш тоа во што си добар“, објаснува Златан.
- Книги2 месеци
Македонски лекар ја објави последната исповед на Јосип Броз Тито
- Македонија3 месеци
МЖСПП: Мечкиното грозје важен ресурс, кој треба грижливо да го собираме
- Црна хроника3 месеци
Млада девојка од Штип пронајдена мртва во нејзиниот дом
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Свет4 недели
Поради примање мито во Кина погубен поранешен државен функционер