Спорт

Работнички преку Фени во финалето

Објавено пред

10 години

- 27 март, 2011

Од

И вториот полуфинален меч Од Купот на Македонија во кошарка донесе крајно возбудлив натпревар во кој Работнички по продолжение од пет минути го победи Фени со 95:89 и се пласира во финалето.

И вториот полуфинален меч од Купот на Македонија во кошарка донесе крајно возбудлив натпревар во кој Работнички по продолжение од пет минути го победи Фени со 95:89 и се пласира во финалето. Јунак на Мечот беше Димитар Мираковски со 37 постигнати кошеви.Нискиот бек на Работнички, одлично го започна мечот и постигна 10 поени во раното водство на скопскиот тим од 12:7. Кавадарчани се соземаа поведоа со 20:25, а Тасовски со звукот на сирената на истекот од првата четвртина со тројка оствари предност од 21:28 за Фени.Во втората четвртина Мираковски загуби здив, па кавадарчани преку Фрај остварија предност од 12 поени на полувремето (34:46).Само на почетокот на второто полувреме гостинскиот тим беше поагилен и по 6 минути веќе водеше со 46:54, односно цели 18поени предност. Но конечно се разбуди Перо Блажевски, му тргна шутот и со серија од 10:0 Работнички намали на само осум поени разлика. До крајот на третата четвртина Работнички дојде до негатива од само три поени што навестуваше неизвесна завршница.Во последната четвртина за Работнички погодуваа тројки Мираковски и Блажевски, возвраќаа со иста мера Тасовски и Самарџиев. Фени ја имаше победата во раце бидејки на само 50 секунди до крајот имаше пет поени предност (74:79). Но ја прокоцкаа предноста па Симоновски по многу промашувања на овој меч, донесе израмнување со својот прв погодок на три секунди до крајот (79:79).Во дополнителните пет минути повеќе нерви имаа кошаркарите на Работнички. Гостите правеа лични грешки врз сигурниот реализатор на слободни фрлања Перо Блажевски, па на крајот Работнички извојува победа од 95:89 и право да се бори за трофејот во неделното финале против МЗТ Скопје.Работнички: Мираковски 37 п. 4 ск. 4 ас., Блажевски 27 п. 8 ск., Богоев 14 п. 4 ск.ФЕНИ: Тасовски 16 п. Фрај 14 п. 7 ск. Самарџиев 14 п. Стојановски 13 п. 6 ск. Михајловски 12 п. 10 ск.Крај/Макфакс/м.н.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

Роуз ја чува лидерската позиција на Чикаго

Претходно

Фетел победи на Алберт парк

Спорт

Винисиус ги спаси „кралевите“ од домашен пораз од Сосиедад

Објавено пред

6 часа

- 1 март, 2021

Од

TopSport.mk

Наместо со победа да се доближат на само три поени до градските ривали Атлетико Мадрид пред големото дерби во недела, Реал Мадрид се намачи да стигне до 1:1 домашно реми со Реал Сосиедад во меч кој може да има многу големо значење во борбата за шпанската титула.

Тимот на Зинедин Зидан влезе во дуелот со баскискиот клуб со низа од четири победи, кои иако не беа многу убедливи, ги држеа во трка со Атлетико, заедно со Барселона веднаш пред нив. Со загубените поени, притисокот на тимот за победа во дербито на „Ванда Метрополитано“ ќе биде огромно за Зидан и Реал.

Порту во 55. минута ги донесе гостите во водство, а нападот на „кралевите“ не функционираше се до 89. минута, кога Жуниор Винисиус, кој влезе како замена не постигна гол, негов прв по 25 меча за Реал.

Реал сега се на третото место на табелата со 53 поени, зад Барселона со ист број на поени, но подобра гол разлика, и Атлетико на 58, и тоа со натпревар помалку. Сосиедад се петти со 42 поени.

Predestinado.
Vinícius Júnior marca em seu 100° jogo com a camisa do Real Madrid! pic.twitter.com/xUWqfXq1lp
— Flaxias 🌐🌐 Informativo (@flaxiascaxias) March 1, 2021

Прикажи повеќе...

Спорт

Федерер не игра во Мајами, загуби 1.000 АТП поени

Објавено пред

6 часа

- 1 март, 2021

Од

TopSport.mk

Четирикратниот шампион од Мастерсот во Мајами, Роџер Федерер нема да ја брани титулата од 24 март, што значи дека ќе загуби 1.000 АТП поени, но останува на добар пат да го направи долгоочекуваниот камбек на тениските турнири во Доха.

Швајцарскиот освојувач на 20 гренд слем титули нема играно од Австралија опен минатата година, по две операции на коленото во февруари и мај, за најдолга пауза во неговата кариера. Тој се врати на тренинзи во октомври.

Останува неизвесно дали ќе игра во Дубаи неделата пред Доха, но планот е да го прескокне остатокот од американската пролетна сезона. Федерер во моментов е петти на АТП листата со 6.630 поени, зад Новак Ѓоковиќ (12.030), Рафаел Надал (9.850), Данил Медведев (9.735) и Доминик Тим (9.125)

Прикажи повеќе...

Спорт

Цело градче во Гана навива за Астон вила

Објавено пред

7 часа

- 1 март, 2021

Од

TopSport.mk

Градчето Џуабен во африканската држава Гана е познато по своите фудбалски фанови. Поточно, по фановите на еден англиски клуб, Астон вила од Бирмингем, на над 7.500 километри од западна Африка.

Кога игра нивниот омилен клуб (сега за среќа во Премиер лигата), тие стануваат во 5 часот наутро, ги облекуваат своите дресови и почнуваат танците, песните и марширањето на улиците на градот. Од 48.338 жители на малиот град, во него има над 1.000 фанови на Вила.

„Секоја недела наутро имаме рутина. Мораме да бидеме фит и подготвени за песна, па затоа вежбаме, по што пееме над три часа. Кога ќе се вратиме од вежбање, ги пееме имињата на фудбалерите кои играат за Вила. Претходно многу луѓе навиваа за Челси, Манчестер јунајтед или Барселона. Сега, сите ни се приклучуваат и мислат само на Вила“, вели 21-годишниот Овусу Боакје Амандо, основачот на навивачката група „Гана лајонс“ за британскиот весник „Дејли мејл“.

Како започна оваа љубов за клуб кој не освоил трофеј од 1996 година? Овусу вели дека се работи за неговиот дедо и за еден легендарен фудбалер на Вила.

„Мојата љубов за Астон вила е од детството. Мојот дедо постојано зборуваше за фудбалерите, но само еден го нарекуваше Бог. Еден ден го прашав и тој ми кажа дека има еден Бог, но Бог во фудбалот е исто така еден и се вика Пол Мекграт“, вели Овусу.

61-годишниот Мекграт е поранешен ирски репрезентативец, кој играше на позицијата одбранбен играч, и го сметаат за еден од најдобрите ирски фудбалери во историјата. По настапите за Манчестер јунајтед, поголем дел од кариерата тој помина во Астон вила, за која имаше 253 настапи.

Врската со клубот не е заборавена. Поранешниот фудбалер на Вила, а сега тренер на младинскиот тим, Џорџ Боатенг минатата година го посети селото и планираше да ги донесе на турнеја на „Вила парк“ но пандемијата на КОВИД-19 ги попречи плановите, иако за иницијативата пари дадоа Џек Грилиш и Тајрон Мингс.

I don’t know Arsenal. I don’t know Arsenal. I know Villa. I know Martinez. I know Watkins. pic.twitter.com/OvgcTN9cxH
— Ghana Lions AVFC (@AvfcGhana) February 6, 2021

I don’t know Arsenal.This Arsenal fan joined our chants. I know Villaaaaaaaaaa. pic.twitter.com/oeHsgtTojJ
— Ghana Lions AVFC (@AvfcGhana) February 6, 2021

We love football and it’s football that unite us. Help the Ghana Lions Fund a Football Pitch! #AVFC https://t.co/FWiMOO4yNU
— Ghana Lions AVFC (@AvfcGhana) February 5, 2021

Прикажи повеќе...