Спорт
Познати четвртфиналистите во Мајами

Во Мајами се одиграа осминафиналните мечеви во кои првите тројца фаворити лесно изборија пласман меѓу осумте најдобри.
Украинецот Олександр Долгополов најнапред играше одложен меч од третото коло поради дожд, и го победи Жо Вилфред Цонга (Франција) со 6:7 (2), 6:4, 7:5
Во Мајами се одиграа осминафиналните мечеви во кои првите тројца фаворити лесно изборија пласман меѓу осумте најдобри.Украинецот Олександр Долгополов најнапред играше одложен меч од третото коло поради дожд, и го победи Жо Вилфред Цонга (Франција) со 6:7 (2), 6:4, 7:5, па не можеше со само неколку часа одмор да му пружи посилен отпор на првиот носител Рафаел Надал. Шпанецот победи со 6:1, 6:2. Вториот носител Новак Ѓоковиќ (Србија) го совлада сонародникот Виктор Троицки со 6:3, 6:2, а Роже Федерер (3. Швајцарија) исто така немаше потешкотии во дуелот со Белгијанецот Оливер Рохус и го победи со 6:3, 6:1.Останати осминафинални средби:Томас Бердик (7. Чешка) – Флоријан Меер (Германија) 6:3, 2:6, 7:6 (4)Давид Ферер (6. Шпанија) – Марсел Гранољерс (Шпанија) 6:1, 6:2Марди Фиш (14. САД) – Хуан Мартин Дел Потро (Аргентина) 7:5, 7:6 (5)Кевин Андерсопн (Ј. Африка) – Џон Изнер (САД) 6:3, 7:6 (4)Жил Симон (25. Франција) – Јанко Типсаревиќ (Србија) 4:6, 7:6 (3), 6:2Двојки четвртфинале:Надал – БердикФедерер – СимонФерер – ФишЃоковиќ – АндерсонКрај/макфакс/м.н
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Англија прва од Европа избори пласман на СП, Србија прими гол од центар па ја победи Андора

Фудбалската репрезентација на Англија прва од Европа избори место на Светското првенство. Англија пукна петарда во Латвија, на две кола до крајот има 18 поени во групата, седум повеќе од Албанија и осум од Србија, која се мачеше во Андора, но победи со 3.1.
Англија ја покажа класата во К групата, шест натпревари исто толку победи и гол разлика 18:0. Вечерва во Рига избраниците на Томас Тухел славеа со 5:0.
Серијата ја отвори Ентони горсон во 26-та минута, а до крајот на полувремето два гола постигна Хари Кејн. Во вториот дел авто-гол си постигна Тонишевс, а точка на мечот стави Езе во 86-та минута.
Во оваа група Србија некако успеа да победи во Андора. Србите се уште се во шок по поразот од Албанија, во саботата и заминувањето на селекторот Стојковиќ.
Дополнителен шок доживеаја во 17-та минута кога Гарсија, со спектакуларен гол, од половина терен и донесе предност на Андора.
Србите веќе во следниот напад изедначија во авто-голот на Гарсија. Во вториот дел погодија Влаховиќ во 54-та и Митровиќ од пенал во 77-та минута.
Foto/ EPA
Спорт
Црвена звезда ја прекина лошата серија против Жалгирис, Дубаи го декласира Фенер, Ефес победи кај Олимпијакос

Црвена звезда ја прекина лошата серија против Жалгирис, Дубаи среде Истанбул го декласира Фенербахче, а Ефес во Атина го победи Олимпијакос во четвртото коло во Евролигата.
Црвена звезда на дебито на новиот тренер Саша Обрадовиќ, славеше против Жалгирис 88:79. Црвено-вбелите предводени од Џордан Нвора го симнаа проклетството против литвванскиот тим, ја прекинаа серијата од пет порази и воедно на Жалгирис му го нанесоа првиот пораз во тековната сезона.
Црвена звезда одигра спектакуларно во последните шест минути, благодарение на нвора кој постигна девет поени во низа од минус три се одлепи на шест поени разлика.
Нвора го заврши натпреварот со 24 поени, седум скока, пет украдени топки, три асистенции и две блокади. Монеке и одличниот Мотиејунас постигнаа по 13 поени, а Сами Оџелеј постигна 10 поени. Кај Жалгирис се истакнаа Буткевичиус и Ло, тие беа најефикасни со по 14 поени, а Силван Франциско постигна 13.
Ефес славеше во Атина против Олимпијакос со 82:78. Мечот беше драматичен до самиот крај. Кординие погоди тројка на 43 секунди до крајот за 78:79, потоа Олимпијакос не реализираше напад, а Ларкин погоди две слоодни фрлања. На крајот Везенков не успеа да избори продолженија.
Ефес до победата го предводеше Кол Свајдер со 20 поени, одличен беше и Шејн Ларкин со 18, Османи додаде 12, а двоцифрени беа и Ајзеа Кординие со 10 поени и Пи-Џеј Доужер со 11 поени.
Во тимот на Олимпијакос се истакна Питерс со 14 поени, Ворд додаде 13, а Везенков 12.
Дебитантот во Евролигата, Дубаи во Истанбул го декласира актуелниот шампион, Фенербахче со 93:69.
Фенер го запиша вториот пораз во низа пред своите навивачи, откако во петокот загуби од Црвена звезда. фенер сега има победа и три порази, Дубаи е на две победи и исто толку порази.
Дубаи доминираше од стартот на натпреварот, на полувреме предноста беше 15 поени. Во втроиот дел играта на Фенербахче целосно се рапспадна.
Центарот на Дубаи Кабенгеле доминираше со 26 поени и 7 скока, Бејкон имаше 21, Бертанс и Препелиќ по 13, а Петрушев забележа 11 поени и 8 скока.
Кај Фенер, Болдвин и Колсон постигнаа по 12 поени.
Спорт
Јужна Африка е 23-от учесник на СП

Фудбалската репрезентација на Јужна Африка е 23-та репрезентација, која обезбеди место на Светското првенство следната година во Канада, САД и Мексико.
Јужна Африка пласманот го избори со победата од 3:0 над Руанда дома во 10-то коло од мундијалските квалификации.
Головите на Таленте Мбате, Освин Аполис и Евидес Макгопе и ја донесоа победата на „бафана бафана“.
Јужна Африка го престигна Бенин во последното коло и го освои првото место во групата Ц.
На крајот, Бенин ги загуби сите шанси да биде на Светското првенство, откако загуби во последното коло од Нигерија со 3:0 и падна на третото место поради помала гол-разлика.
Јужна Африка ќе игра на Светското првенство за прв пат откако беше домаќин на натпреварувањето во 2010 година.