Спорт
НБА: Мемфис не ја искористи првата меч топка
Кошаркарите на Мајами и Оклахома изборија пласман во конференциските полуфиналиња, во плеј офот во НБА лигата, додека Сан Антонио го намали резултатот во серијата против Мемфис на 3:2
Сан Антонио, во петтиот натпревар од серијата со Мемфис, стигна до победа од 110:103 во дополнителните пет минути. Кошаркарите на Мемфис беа на пат да го елиминираат фаворитот, откако на две секунди до крајот имаа предност од 97:94, но Гери Нил постигна тројка со која Спарси натпреварот го однесе во продолжение. Ману Џинобили со 33 поени беше најефикасен во тимот од Тексас, кај Мемфис Зек Рендолф имаше учинок од 26 поени. Шестиот натпревар од серијата ќе се одигра во Мемфис, во ноќта меѓу петок и сабота. За разлика од Мемфис и Сан Антонио, во Западната конференција, Оклахома се пласира во полуфиналето, откако со 4:1 ја доби серијата против Денвер. Кевин Дурант со 41 поен беше предводник на тимот во победата од 100:97. Оклахома во последните четири минути имаше дефицит од девет поени но успеа да се врати во мечот и да забележи победа. Во конференциското полуфинале Оклахома го чека победникот од дуелот помеѓу Мемфис и Сан Антонио. На Истокот, Мајами се избори за полуфинална пресметка со Бостон, откако серијата со Филаделфија ја доби со вкупни 4:1. Мајами на домашен терен забележа победа од 97:91, иако на една минута до крајот, со серија од 10:0 Филаделфија стигна на само поен негатива. Крис Бош со 22 поени и 11 скокови беше најефикасен во победничкиот тим, но клучната улога во победата ја имаше Марио Чалмерс кој влегувајќи од клупата постигна 20 поени. Елтон Бренд и Андре Игудала со 22 поени беа најефикасни во редовите на Филаделфија
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа до крајот на сезоната
Tренерот на Реал, Карло Анчелоти денеска изјави дека голманот Тибо Куртоа треба да се врати во тренажен процес за десет дена, пренесуваат шпанските медиуми.
На 20 март Куртоа беше опериран поради скинат менискус на десното колено. Шпанските медиуми потсетуваат дека белгискиот голман требаше да паузира до крајот на сезоната, но Анчелоти тврди дека Куртоа успешно се опоравува.
„Куртоа добро закрепнува, би можел да биде во тимот против Кадиз“, изјави Анчелоти.
Шпанските медиуми пренесуваат дека Куртоа сигурно ќе го пропушти натпреварот против Реал Сосиедад во Ла Лига, како и првиот полуфинален натпревар од Лигата на шампионите против Баерн.
Натпреварот од 34. коло во шпанското првенство помеѓу Реал и Кадиз ќе се одигра на четврти мај во Мадрид.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.