Спорт
Сиудад против Кил во финалето на Светското клупско првенство

Како и секоја година во Катар се играат натпревари од светското клупско првенство.Сиудад Реал во кој настапува Кире Лазаров во својата група извојува три победи и во финалето ќе игра против ТХЛ Кил од Германија екипа што исто така беше прва во својата група.
Како и секоја година во Катар се играат натпревари од светското клупско првенство.Сиудад Реал во кој настапува Кире Лазаров во својата група извојува три победи и во финалето ќе игра против ТХЛ Кил од Германија екипа што исто така беше прва во својата група.Во првиот меч против СС Старс од Австралија Сиудад победи со 45:17, а Кире имаше помала минутажа против слабиот противник и постигна три погодоци од исто толку обиди. Втората средба беше со Замалек од Египет, Сиудад победи со 33:25, Кире беше стрелец на 4 погодоци од 8 обиди. Третата средба во групата беше со Ал Сад од Катар екипа за која минатата година на овој ист турнир играше Лазаров како позајмен играч заедно со Ивано Балиќ. Сиудад победи со 33:28, а нашиот Лазаров беше извонреден со 8 погодоци од 10 обиди. Од поле имаше ефикасност 4/4, од крило 1/1, од контри ½ и од пенал ½. Сепак вистинскиот тест е Кил кој беше прв во групата А и финалето кое е на програма утре. За третото место ќе играат Ал Сад од Либија и Замалек од Египет, а 5 место Пињеирос од Бразил и Ал Сад од Катар, а за 7 место Ал Рајан од Катар и С.С. Старс од Австралија. Крај/макфакс/м.н.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ал Наср почна преговори за Кингсли Коман

Ал Наср започна преговори со Баерн за трансфер на Кингсли Коман (29), објави фудбалскиот инсајдер Фабрицио Романо. Францускиот крилен напаѓач стана главна желба на саудискиот клуб, кој го договори доаѓањето на стоперот Иниго Мартинез (34) од Барселона и напаѓачот Жоао Феликс (25) од Челзи ова лето.
Ал Наср веќе има ѕвезди како Кристијано Роналдо (40), Садио Мане (33) и Марсело Брозовиќ (32) во својот тим, а сега ќе им се придружат уште неколку врвни европски играчи.
Коман е роден во Париз и ја започна својата професионална кариера во ПСЖ, со кој освои четири трофеи. Во 2014 година, Јувентус го донесе како слободен агент и тој освои четири трофеи. Една година подоцна, го позајми на Баерн за седум милиони евра, а потоа го продаде во 2017 година за уште 21 милион евра.
Во клубот од Минхен, тој одигра 339 натпревари, постигна 72 гола и постигна 71 асистенција, освои 21 трофеј, меѓу кои се издвојуваат Лигата на шампионите и девет титули во Бундеслигата.
Неговиот договор е важечки уште две години, што значи дека Ал Наср ќе мора да плати отштета за него. „Трансфермаркт“, ја проценува неговата вредност на 30 милиони евра.
Коман има 58 настапи и осум гола за Франција, со која ја освои Лигата на нации, што значи дека досега во кариерата освоил 30 трофеи.
Фото/ Принтскрин
Спорт
Хојлунд е на чекор до преселба на „Сан Сиро“

Манчестер јунајтед се согласи да го позајми Расмус Хојлунд на Милан, но договорот сè уште не е дефинитивно склучен.
Данскиот напаѓач стана вишок на „Олд Трафорд“, откако во клубот дојдоа Матеуш Куња и Бенјамин Шешко. Милан веднаш покажа сериозен интерес за Хојлунд.
Според „Газета дело Спорт“, се очекува челниците на Јунајтед да му соопштат на официјален состанок, на Хојлунд, дека е вишок во тимот, а потоа треба да се пресели на „Сан Сиро“.
Манчестер е подготвен да го испрати на позајмица, а двата клуба сè уште не го дефинирале моделот по кој Хојлунд би се преселил во италијанскиот гигант.
Сигурно е дека по завршувањето на сезоната, Милан ќе мора да го откупи неговиот договор од Манчестер јунајтед. Според медиумите станува збор за сума од околу 35 милиони евра.
Фото/ Принскрин
Спорт
Столбот на одбраната на Челзи се здоби со тешка повреда

Дефанзивецот на Челзи, Ливај Колвил, претрпе повреда на предните вкрстени лигаменти, потврди клубот од „Стенфорд Бриџ“.
Човекот кој минатата сезона се етаблираше како најпостојан стопер на „сините“ и столб во походот кон трофејот во Конференциската лига, сега ќе мора да направи долга пауза.
Колвил се повредил на првиот тренинг во понеделникот, а вчера бил опериран.
Предвидувањата велат дека тој би можел да биде надвор од терените помеѓу шест и 12 месеци, во зависност од брзината на закрепнувањето.
Менаџерот Енцо Мареска ги има на располагање Весли Фофана, Тревор Чалоба, Ренато Веига, Аксел Дисаси, Беноа Бадијашил, Тосин Адарабиохо и Арон Анселмино.
Тимот од „Стемфорд Бриџ“ ќе ја започне новата сезона во Премиер лигата на 17 август, кога ќе го пречека Кристал Палас.