Спорт
Мекинро: Серијата на Ѓоковиќ е поимпресивна од мојата

Поранешниот американски тенисер, сега селектор Џон Мекинро, сеуште рекордер со серија на 42 победи во 1984 година, на стартот на сезоната сепак му симнува капа на Ѓоковиќ кој што во моментов има 37 победи.
Поранешниот американски тенисер, сега селектор Џон Мекинро сеуште рекордер со серија на 42 победи во 1984 година, на стартот на сезоната сепак му симнува капа на Ѓоковиќ кој што во моментов има 37 победи.„Неговата серија од 37 мечеви без пораз е поимпресивна од мојата иако засега имам 5 победи повеќе“ вели Мекинро објаснувајќи дека тогаш Грен Слемот Австралија Опен се играл на крајот на годината, па во неговата серија бил вклучен само еден грен слем, Ролан Гарос. „Згора на тоа јас стартував како играч број 1, а Ѓоковиќ како играч бр. 3 на АТП листата, па тој мораше да победува и подобро рангирани од себе“ .Мекинро кој на терените важеше за голем борец покажа уште еден квалитет, дека не е самобендисан како многу други спортисти кои се обидуваат да ги намалат постигнувањата на оние кои се обидуваат да им ги срушат рекордите, како што во последно време Пеле ги обезличува постигнувањата на Меси. крај/макфакс/м.н.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ал Наср почна преговори за Кингсли Коман

Ал Наср започна преговори со Баерн за трансфер на Кингсли Коман (29), објави фудбалскиот инсајдер Фабрицио Романо. Францускиот крилен напаѓач стана главна желба на саудискиот клуб, кој го договори доаѓањето на стоперот Иниго Мартинез (34) од Барселона и напаѓачот Жоао Феликс (25) од Челзи ова лето.
Ал Наср веќе има ѕвезди како Кристијано Роналдо (40), Садио Мане (33) и Марсело Брозовиќ (32) во својот тим, а сега ќе им се придружат уште неколку врвни европски играчи.
Коман е роден во Париз и ја започна својата професионална кариера во ПСЖ, со кој освои четири трофеи. Во 2014 година, Јувентус го донесе како слободен агент и тој освои четири трофеи. Една година подоцна, го позајми на Баерн за седум милиони евра, а потоа го продаде во 2017 година за уште 21 милион евра.
Во клубот од Минхен, тој одигра 339 натпревари, постигна 72 гола и постигна 71 асистенција, освои 21 трофеј, меѓу кои се издвојуваат Лигата на шампионите и девет титули во Бундеслигата.
Неговиот договор е важечки уште две години, што значи дека Ал Наср ќе мора да плати отштета за него. „Трансфермаркт“, ја проценува неговата вредност на 30 милиони евра.
Коман има 58 настапи и осум гола за Франција, со која ја освои Лигата на нации, што значи дека досега во кариерата освоил 30 трофеи.
Фото/ Принтскрин
Спорт
Хојлунд е на чекор до преселба на „Сан Сиро“

Манчестер јунајтед се согласи да го позајми Расмус Хојлунд на Милан, но договорот сè уште не е дефинитивно склучен.
Данскиот напаѓач стана вишок на „Олд Трафорд“, откако во клубот дојдоа Матеуш Куња и Бенјамин Шешко. Милан веднаш покажа сериозен интерес за Хојлунд.
Според „Газета дело Спорт“, се очекува челниците на Јунајтед да му соопштат на официјален состанок, на Хојлунд, дека е вишок во тимот, а потоа треба да се пресели на „Сан Сиро“.
Манчестер е подготвен да го испрати на позајмица, а двата клуба сè уште не го дефинирале моделот по кој Хојлунд би се преселил во италијанскиот гигант.
Сигурно е дека по завршувањето на сезоната, Милан ќе мора да го откупи неговиот договор од Манчестер јунајтед. Според медиумите станува збор за сума од околу 35 милиони евра.
Фото/ Принскрин
Спорт
Столбот на одбраната на Челзи се здоби со тешка повреда

Дефанзивецот на Челзи, Ливај Колвил, претрпе повреда на предните вкрстени лигаменти, потврди клубот од „Стенфорд Бриџ“.
Човекот кој минатата сезона се етаблираше како најпостојан стопер на „сините“ и столб во походот кон трофејот во Конференциската лига, сега ќе мора да направи долга пауза.
Колвил се повредил на првиот тренинг во понеделникот, а вчера бил опериран.
Предвидувањата велат дека тој би можел да биде надвор од терените помеѓу шест и 12 месеци, во зависност од брзината на закрепнувањето.
Менаџерот Енцо Мареска ги има на располагање Весли Фофана, Тревор Чалоба, Ренато Веига, Аксел Дисаси, Беноа Бадијашил, Тосин Адарабиохо и Арон Анселмино.
Тимот од „Стемфорд Бриџ“ ќе ја започне новата сезона во Премиер лигата на 17 август, кога ќе го пречека Кристал Палас.