Спорт
Македонија во петтиот барабан ги чека квалификациските противници за СП во 2014

Македонската фудбалска репрезентација од претпоследниот барабан ќе ги чека своите противници во квалификациониот циклус за пласман на Светското првенство, кое во 2014 година ќе се одржи во Бразил.
Македонската фудбалска репрезентација од претпоследниот барабан ќе ги чека своите противници во квалификациониот циклус за пласман на Светското првенство, кое во 2014 година ќе се одржи во Бразил. Европската фудбалска унија (УЕФА) попладнево го објави распоредот на барабаните од кои ќе се врши извлекувањето, кое ќе се одржи на 30 јули. Европските репрезентации ќе бидат поделени во девет групи, победниците на групите ќе изборат директен пласман на Мундијалот во Бразил, додека, осум најдобри второпласирани репрезентации ќе разигруваат за дополнителните четири места од европската зона. Барабан 1: Шпанија, Холандија, Германија, Англија, Португалија, Италија, Хрватска, Норвешка, ГрцијаБарабан 2: Србија, Словенија, Русија, Франција, Црна Гора, Швајцарија, Словачка, Данска, ШведскаБарабан 3: Турција, Чешка, Израел, Ирска, Романија, БиХ, Бугарија, Украина, БелгијаБарабан 4: Литванија, Албанија, Унгарија, Белорусија, Ерменија, Грузија, Северна Ирска, Шкотска, ПолскаБарабан 5: МАКЕДОНИЈА, Австрија, Естонија, Латвија, Финска, Молдавија, Кипар, Азербејџан, ВелсБарабан 6: Исланд, Луксембург, Фарски острови, Казахстан, Лихтенштајн, Малта, Андора, Сан Марино. крај/uefa/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Јапонија против Бразил од 0:2 до 3:2

Фудбалерите на Јапонија по пресвр го победија Бразил (3:2), во пријателски натпревар одигран во Токио.
Јапонците успеаја пред околу 50.000 свои навивачи да го надоместат дефицитот од два гола од првото полувреме и за прв пат во историјата да забележат победа над „селесао“.
Карло Анчелоти малку ги измеша картите, но без оглед на тоа, „кариоките“, дојддоа до предност преку Пауло Енрике и Габриел Мартинели.
Во 26-та минута, Енрике го постигна првиот, а Мартинели постигна гол шест минути подоцна по асистенција од Лукас Пакета.
Катастрофалната реакција на Фабрицио Бруно во 52-та минута ја искористи Такуми Минамимо и со тоа ја врати Јапонија во натпреварот.
Јапонците не застанаа тука, а двоен асистент беше Ито, кој влезе како резерва во вториот дел.
Прво, во 62-та минута, го пронајде Кеито Накамура, а потоа во 71-та минута изведе корнер, по што Ајасе Уеда го комплетира пресвртот.
За потсетување Јапонија и Бразил обезбедија учество на Светското првенство во 2026 година.
Спорт
Левандовски ќе го пропушти „Ел Класико“

Фудбалерот на Барселона, Роберт Левандовски, ќе мора да паузира поради повреда на бутниот мускул на левата нога.
Левандовски (37) се повреди во неделната победа на полската репрезентација над Латвија (2:0), во која постигна и гол.
„Левандовски има повреда на тетивата на левата бутина. Тој е надвор од теренот, а времето на неговото закрепнување ќе зависи од брзината на закрепнувањето од повредата“, се вели во соопштението на Барселона.
Не се познати многу детали за тоа колку долго ќе отсуствува полскиот напаѓач, но медиумите шпекулираат дека паузата ќе трае помеѓу три и шест недели.
Извесно е дека Левандовски ќе го пропушти претстојното „Ел Класико“ против Реал, закажано за 26 октомври во Мадрид.
Спорт
Уште еден Адетокунбо потпиша договор со Милвоки

Милвоки стана првиот НБА тим во историјата кој има тројца браќа под договор. Тоа се Јанис, Танасис и Алекс Адетокунбо.
Бакс официјално објавија дека потпишале договор со Алекс, кој играше за Висконсин Херд, тим од Џи-лигата и подружница на Милвоки, од 2022 до 2024 година.
Сите кошаркарски експерти истакнуваат дека договорот со Алекс не е склучен за зајакнување на играчкиот кадар, туку е одредена отстапка направена кон најдобриот играч, 30-годишниот Јанис, за кој се вели дека наскоро ќе може да го напушти Милвоки.
Уште во 2013 година, Милвоки го избра Јанис како 15-ти пик на драфтот, а за грчкиот супер стар, Баксе сè уште се единствениот клуб во неговата НБА кариера. Со Милвоки, тој освои две титули за најкорисен играч и ја освои титулата во НБА во 2021 година.
Сепак, во последните години, Бакс редовно беа елиминирани во првото коло од плејофот на Источната конференција. Ова, како што тврдат медиумите го тера Јанис да размислува за преселба во некој друг клуб.
24-годишниот Алекс ја започна својата професионална кариера во Мурсија, а во последната година член на Будуќности од Подгорица, ПАОК и Арис. Најстариот брат, 33-годишниот Танасис, е член на Милвоки од 2019 година.