Италијанскиот стратег Џан Пјеро Гасперини кој со неговата Аталанта стигна до нова убедлива победа од 6-2 против Бреша даде свое видување за мечот за „Скај спорт“.

„Убаво, зарем не. Многу голови. Погодувавме многу и минатата сезона, но оваа сезона сме уште подобри. Имавме некои фестивали со голови сезонава, но не е тоа затоа што сме сакале да го понижиме противникот, туку затоа што на тој начин учиме, вежбаме некои потези“ вели Гасперини.

Тренерот на Аталанта го најави и мечот против ПСЖ кој го чека цела Европа, во четвртфиналето на ЛШ.

„Никогаш не сме ја почнале сезоната во вака добра ситуација, но веќе втора сезона сме во топ 4. Играњето во ЛЕ и ЛШ ни помогна да созрееме. Сето ова е подготовка за ПСЖ, секако сакаме до самиот крај да се бориме и во Серија А.
Второто и третото место ни се цел, но кога сме веќе тука, можеме да се обидеме и повеќе“ вели Гасперини.

За Нејмар и Мбапе, италијанскиот стратег смета дека се двајцата најдобри светски играчи во моментов.

Поранешниот прв светски рекет во женска конкуренција, Германката Анжелик Кербер, не е сигурна дали ќе настапи на САД опен, кој, според организаторите, би требало да почне на 31 август. Големиот број заболени со Ковид-19 во Њујорк и општо во САД ја компликува ситуацијата, но од организацијата велат дека се оди по планот.

„Искрено, не можам да замислам. Мислам дека никој не сака да влезе во авион и да полета кон Њујорк. Во овој момент никој не знае што се случува и што ќе биде во иднина“ – вели Кербер.

ВТА-турнирите продолжуваат на 3 август, а првото натпреварување ќе биде во Палермо. Потоа следува турнејата во САД за која Кербер смета дека е под знак прашалник.

„Кој знае, можеби нема да играме тенис во наредните две години. Тешко е да се каже, можеби ќе почнеме повторно за 3 недели“ – додава германската тенисерка.

Кербер (32) на САД опен триумфираше во 2016 година, а моментно е на 21. позиција на ВТА ранг-листата.

Аталанта од Бергамо, хитот оваа сезона во италијанската Серија А синоќа одигра нов ефикасен меч и со 6-2 славеше над претпоследната екипа во првенството, Бреша.

Три гола за домашната екипа постигна хрватскиот интернационалец, Марио Пашалиќ, од кои првиот најбрзо сезонава во Серија А, по само 87 секунди.

Уште до полувремето беше завршена целата работа, Аталанта на пауза отиде со 4-1.

Во вториот дел рутинирано, се стигна до конечните 6-2 со кои сега Аталанта е втора на табелата зад Јувентус кој е на +6 и меч повеќе за играње.

Бреша, пак, само чудо може да ја задржи во најквалитетното италијанско друштво и наредната сезона. Има 21 бод, дури 9 помалку од Џенова која е над линијата.