Спорт
Одличен успех на Сугарев на патеката крај Плевен
На вториот натпревар од отворениот Источно-Европски шампионат во мотоциклизам на кружни патеки кој се одржа викендов на патеката Долна Митрополија крај Плевен (Бугарија), претставникот на МФМ, Марин Сугарев во класата до спорт до 125 ссм го освои одличното четврто место.
На вториот натпревар од отворениот Источно-Европски шампионат во мотоциклизам на кружни патеки кој се одржа викендов на патеката Долна Митрополија крај Плевен (Бугарија), претставникот на МФМ, Марин Сугарев во класата до спорт до 125 ссм го освои одличното четврто место. Шеснаесет годишниот велешанец Сугарев во својот деби настап успешно ги комплетираше осумте предвидени кругови на 3.400 метри долгата патека и стигна до првите 13 бодови во меѓународна конкуренција. Победник во најмалата класа беше минатогодишниот шампион Адриан Киуждеа од Романија, пред бугарската натпреварувачка Жулиета Ленкова и уште еден романски мотоциклист Денис Браеску во конкуренција на 11 натпреварувачи. Вториот наш претставник, Слободан Ивчески настапи на вториот натпревар од Европски шампионат и отворениот Источно-Европски шампионат во супермото за 2011 година и успеа да освои нови бодови. Во првото возење Ивчески заврши како 10., а во второто како 9. и со тоа освои вкупно 23 поени. Победник во најсилната класа до 450 ццм беше Ангел Каранјотов од Бугарија кој со максимални 100 поени има убедливо водство во генералниот пласман. Со вкупно 47 поени Ивчески моментално е на 7. место. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.