Спорт
ЛЕ: Работнички и Металург ќе ги дознаат противниците за третото коло

Денеска во седиштето на УЕФА во Нион ќе бидат извлечени двојките за третото квалификациско коло во Лигата на шампионите (ЛШ) и Лига Европа (ЛЕ). Македонија во второто коло во Лига Европа има два претставника, Работнички и Металург.
Денеска во седиштето на УЕФА во Нион ќе бидат извлечени двојките за третото квалификациско коло во Лигата на шампионите (ЛШ) и Лига Европа (ЛЕ). Македонија во второто коло во Лига Европа има два претставника, Работнички и Металург. Работнички по синоќешната победа во Сан Марино е реален учесник во третото коло, противници во оваа фаза на „романтичарите“ можат да им бидат Спарта Прага, Стоук, Хартс и победниците од дуелите Анортозис (Кипар)-Гарга (Грузија), односно Гленторан (Ирска)/ Вроскла (Украина). Од друга страна екипата на Металург која синоќа во Скопје одигра 0:0 со Локомотив Софија, доколку мине во третото коло за противници може да ги има Рид и победниците од дуелите Сласк Вроцлав (Полска)-Данди Јунајтед, Валеренга (Норвешка)-Мика (Ерменија), Хакен (Шведска)-Хонка (Финска) и Домжале (Словенија)-Сплит (Хрватска). Првите натпревари од третото коло ќе се одиграат на 28.јули, реваншите се на 4.август. Извлекувањето на двојките за третото коло во Лига Европа ќе се случи во 13:30 минути. Во Нион, претходно точно на пладне ќе бидат извлечени двојките за третото коло во Лигата на шампионите. Македонскиот шампион Шкендија кој во средата убедливо загуби во Белград од Партизан со 4:0, и веројатно го заврши својот европски пат за оваа сезона. Инаку можни противници на победникот од дуелот Шкендија-Партизан се Генк и победниците од дуелите Пјуник-Викторија Плзен, Валета-Екранас, Застафони-Дачиа и Малме-Торшавн. /крај/макфакс/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Интер маршира кон титулата, ја победи Аталанта во Бергамо

Интер ја совлада Аталанта во Бергамо со 2:0 во 29. коло од Серија А и ја презеде лената позиција на табелата во Серија А.
Ова беше еден од најважните натпревари за двата тима во трката за титулата, вториот против третиот на табелата и уште една во низата победи на Интер против Ла Деа“.
Стрелци за гостите беа Карлос Аугусто во 54. минута и Лаутаро Мартинез во 87.
Ова беше осма последователна победа на Интер против Аталанта во сите натпреварувања.
Екипата на Џан Пјеро Гасперини очигледно не знае да игра против „неро-азурите“, а тоа беше случај и вечерва, а немоќта на домашните беше видлива по нервозните реакции кои доведоа до жестоки расправии и на крајот и до црвени картони.
Еден доби Џанпјеро Гаспреини поради бурни протести, а во 81. минута и Едерсон, кој поради протест доби жолт, по што следеше ироничен аплауз во лицето на судијата, поради што мораше да замине во соблекувалната.
Интер на врвот има 64 бодови, три повеќе од Наполи и шест од Аталанта.
Спорт
(Видео) Барселона со спектакуларен пресврт на „Метрополитано“, од 2:0 до 2:4 против Атлетико

Атлетико и Барселона одиграа уште еден спектакуларен натпревар, овојпат на „Метрополитано“ во Мадрид. Во 28.коло, Барселона победи со 4:2 иако до 72.минута имаше негатива од два гола.
Атлетико поведе со голот на Хулијан Алварез во 45.минута. Аргентинецот ја реализраше акцијата која ја започна Гризман, а Симеоне му асистираше на сонародникот.
„Јорганџиите“ предноста ја зголемија во 70.минута преку Серлот. Ова е шести натпревар по ред на кој Норвежанецот постигнува гол против Барселона.
Тука, Атлетико застана, дали остнаа играчите на Чоло Симеоне без енергија, по исцрпувачкиот меч против Реал во средата, најдобро може да одговори тој самиот.
Левановдки намали на 2:1 во 72.минута, а шест минути подцна Феран Торес го изедначи резултатот.
Во судиското надополнување целосен шок за „јорганџиите“. Ударот на Јамал од 20 метри во 92.минута удри во Реинилдо, топката целосно го смени правецот го измами Облак и заврши зад неговиот грб.
Точка на мечот ставо Феран Торес во 97.минута.
Барселона, со натпревар помалку, се изедначи со Реал на првото место. Двата тима имаат по 60 бодови, четири повеќе од Атлетико.
Спорт
(Видео) Гол и две асистенции за Фернадеш, Јунајтед победи во Лестер

Манчестер јунајтед забележа победа од 3:0 на стадионот „Кинг Пауер“ против Лестер. Повторно, капитенот Бруно Фернандеш имаше клучна улога во победата на „црвените ѓаволи“.
Португалскиот играч за врска повторно беше движечка сила, дури и кога енергијата на теренот опаѓаше. Фернандеш му асистираше на Хојлунд во 28. минута за првиот гол на гостите.
До тој момент, Лестер воопшто не остави лош впечаток. „Лисиците“ имаа добри шанси но беа лоши во реализацијата.
Во вториот дел избраниците на Рубен Аморим сакаа што поскоро да ја обезбедат победата, а Гарначо во 57. минута постигна гол, кој беше поништен поради офсајд.
Десет минути подцна повторно Фернандеш одигра важна улога и му асистираше на Аргентинецот кој овојпат можеше да го прослави голот.
Лестер можеше да се врати во 74. минута. Варди ја украде топката, го пронајде Буонаноте, но Де Лигт во последен момент со лизгачки старт спречи гол.
Бруно ја круниса играта со феноменален гол во 90. минута од 18 метри за конечени 0:3.
Со оваа победа Јунајтед ги прескокна Тотенхем и Евертон во поредокот, сега на 13. место со 37 бодови, додека Лестер е 19. со 17 бодови.