Џејдон Санчо, еден од непожелните играчи на „Олд Трафорд“, им соопштил на клупските челници под кои услови ќе го напушти Манчестер јунајтед.

Санчо ја помина претходната сезона на позајмица во Челзи и постигна гол во финалето на Конференциската лига во победата против Реал Бетис (4:1).

Вкупно, Санчо одигра 41 натпревар минатата сезона во дресот на Челзи, но тоа не беше доволно „сините“ да го откупат неговиот договор.

Тие му платија на Манчестер јунајтед казна од осум милиони евра затоа што не сакаа да го откупат договорот на Англичанецот.

Санчо пристигна во Манчестер јунајтед од Борусија Дортмунд во 2023 година за над 80 милиони евра и заработува над 300 илјади евра неделно.

Според новинарот Греам Бејли, Јувентус и Борусија Дортмунд се два клуба кои би биле многу среќни да го видат во својот тим.

„Џејдон Санчо им стави до знаење на челниците на Манчестер јунајтед дека ќе замине само под услови што тој ги поставил. Тој одби да прифати намалување на платата за да потпише за Челзи иил Наполи, а истото може да биде и со Јувентус“, рече Бејли.

Санчо наводно е подготвен да седи на трибините и да не игра до јануари, па дури и подолго, додека не замине под условите што самиот ги постави.

„Бура“ ја зафати словенечката кошаркарска репрезентација пред Евробаскетот, по одлуката на селекторот, искусниот Зоран Драгиќ да патува на континенталното натпреварување.

Селекторот Александар Секулиќ му се заблагодари на Жига Данеу за соработката, но и на Драгиќ, кој мислеше дека ќе се збогува со репрезентацијата веднаш по Европското првенство.

Во меѓувреме се јави неговата сопруга Светлана, која вели дека Зоран сам ја напуштил репрезентацијата.

„Зоки сам ја напуштил репрезентацијата и со тоа веројатно му ги олеснил работите на дотичниот господин, кој не знаел како да го избрка од репрезентацијата“, напиша Светлана.

Наводно, конфликтот се случил по поразот на Словенија во Германија, кога Драгиќ одиграл само три минути.

Секулиќ верува дека Драгиќ не може да ѝ помогне на репрезентацијата, додека во исто време се шпекулира дека Федерацијата е во конфликт со неговиот брат, Горан.

„Во секој случај, младите заслужуваат шанса и можност да играат, а им посакувам на другите долгогодишни членови да го завршат своето репрезентативно патување на достоинствен начин, со барем малку благодарност од челниците на Федерацијата“, додаде сопругата на Зоран Драгиќ.

На Евробаскетот (27 август – 14 септември), Словенија ќе игра во групата Д во Катовице со домаќините Полска, Франција, Белгија, Исланд и Израел.

Фото/ Принтскрин

Шампионот на Англија, Ливерпул се уште не го завршил преодниот рок. Клубот досега потроши 300.000.000 евра на засилувања, а до рајот на трансфер пазарот ќе се обидат да ја засили одбраната. На радарот на ливерпул е талентираниот дефанзивец на Парма, Џовани Леони.

Трансфер инсајдерите, Џанлука Ди Марцио и Фабрицио Романо, тврдат дека 18-годишниот играч на Парма веднаш ја прифатил понудата на „црвените“.

Тимот од „Енфилд“ сега треба да ги започне преговорите со Парма, која ја проценува вредноста на својот талентиран стопер на 30.000.000 евра.

Тоа е десетина од сумата што Ливерпул ја потроши ова лето за доаѓањето на Флоријан Вирц, Уго Екитике, Милош Керкез и Џереми Фримпонг.

Клубот од Емилија-Ромања нема да има ништо против брзо да оствари огромен профит благодарение на својот бисер, кој брзо напредува откако се проби во првиот тим, и се чини дека дури и шесткратниот европски шампион нема да има проблем со издвојувањето на потребната сума пари.

Во претходната сезона, Леони играше 17 пати во Серија А, од кои во 14 пати беше во почетниот состав. Тој се етаблираше како играч од првиот тим на стадионот „Енио Тардини“ во јануари оваа година и даде значаен придонес за опстанокот на Парма во Серија А.