Спорт
Лохте прави колекција од златни медали

По победата на финалната трка на 200 метри грбно, на СП во пливање во Шангај, Американецот Рајан Лохте го освои својот трет златен медал.
По победата на финалната трка на 200 метри грбно, на СП во пливање во Шангај, Американецот Рајан Лохте го освои својот трет златен медал.Претходно Лохте стана светски првак во дисциплините 200 метри краул и 200 метри мешано. Во својот трет триумф Лохте победи со време од 1:52,94 минута, пред Јапонецот Руосуке Ирие (1:54,11) и сонародникот Тајлер Клари (1:54,69).Алeксандра Херасименија од Белорусија и Жанет Отесен од Данска го поделија златниот медал во дисциплината 100 метри краул бидејки имаа идентично време на целта 53,45 секунди. Трета беше Холанѓанката Раноми Кромовиџојо (53,66 сек.). Ова е втор пат на СП златниот медал да го поделат двајца пливачи. Претходно тоа се случи на трката 100 метри грбно кога заеднички светски прваци станаа Французите Жереми Стравиус и Камиј Лакур.Американката Ребека Сони, која е и олимписки првак победи на 200 метри градно (2:21,47 минута) пред Јулија Ефимова од Русија (2:22,22) и Мартин Мек Кејб од Канада (2:24,81).Во машка конкуренција во истата дисциплина нов шампион е Унгарецот Даниел Гурта (2:08,41). Втор се пласира Косуке Катајима од Јапонија (2:08,63), а трет заврши Кристијан Вон Лен од Германија (2:09,06).Штафетата на САД (Фелпс, Ван Дер Кај, Беренс и Лохте) го освои златниот медал во трката 4 х 200 м. Краул (7:02,67 минути). Среброто го освои Франција (Ањел, Мале, Стравиус и Жило, 7:04,81), а бронзата и припадна на Кина (Ванг, Занг, Ли, Сун, 7:05,67).Преглед на медали:1.Кина 14 11 8 332.САД 10 5 6 213.Русија 8 5 4 174.Бразил 3 0 0 35.Австралија 2 8 2 126.Франција 2 3 3 87.Италија 2 3 2 78.Данска 2 0 0 29.Германија 1 3 8 12крај/макфакс/м.н.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Се враќа Џордан, ќе биде специјален соработник

Мајкл Џордан, легендата на НБА и Чикаго Булс, ќе стане специјален соработник на мрежата NBC, која ја емитува најсилната кошаркарска лига во светот, почнувајќи од оваа есен.
Еден од најголемите кошаркари на сите времиња прифати уште еден предизвик во својата кошаркарска кариера, а од есен и новата сезона ќе биде специјален дописник за извештаите од НБА.
BREAKING: NBC Sports has named Michael Jordan a special contributor for its upcoming NBA coverage on NBC and Peacock 🔥🐐
— NBACentral (@TheDunkCentral) May 12, 2025
NBC, која редовно ги емитуваше натпреварите од НБА од 1990 до 2002 година, ќе продолжи со покривање на спортот на есен откако постигна 11-годишен договор со лигата.
Кога NBC ќе продолжи со покривање на натпреварите од НБА, Џордан ќе биде дел од тоа покривање.
НБЦ сè уште не ја објави конкретната позиција на Џордан, нарекувајќи го „специјален соработник“.
Не е јасно колку често Џордан ќе се појавува онлајн и што ќе вклучуваат неговите работни обврски.
Без оглед на неговата улога, Џордан е повеќе од квалификуван да зборува за спорт – освои шест шампионски титули со Булс, беше 14 пати Ол-стар настап и пет пати беше прогласен за најкорисен играч (MVP).
Џордан сè уште се смета за најдобар кошаркар на сите времиња, а по завршувањето на својата играчка кариера купи малцински удел во Шарлот Хорнетс.
Спорт
Анчелоти официјално е назначен за селектор на Бразил

Италијанскиот стручњак, актуелен тренер на Реал, Карло Анчелоти е новиот фудбалски селектор на Бразил.
Како што беше објавено, 65-годишниот стручњак потпиша договор до крајот на Светското првенство, кое ќе се игра следното лето во САД, Мексико и Канада.
„Најтрофејниот избор во историјата на фудбалот сега ќе го води најуспешниот тренер во светот. Карло Анчелоти, синоним за историски достигнувања, беше објавен овој понеделник од претседателот на Бразилската фудбалска асоцијација, Едналдо Родригез, за нов селектор на националниот тим. Италијанецот ќе го предводи Бразил на Светското првенство во 2026 година и ќе го тренира тимот веќе во следните два квалификациски натпревари против Еквадор и Парагвај, следниот месец“, се вели во соопштението на веб-страницата на Бразилската фудбалска асоцијација.
Родригез рече дека доведувањето на Анчелоти да го предводи Бразил е повеќе од стратешки потег.
„Ова е порака до светот дека сме решени да го вратиме првото место на подиумот. Тој е најголемиот тренер во историјата, а сега ја предводи најголемата репрезентација на планетата. Заедно ќе напишеме нови славни поглавја за бразилскиот фудбал“, рече Родригез, како што објави веб-страницата на ФС Бразил.
Спорт
Првиот човек на ФФМ провери како тече работата на стадионот во Битола, треба да се исполни условот на УЕФА

Претседателот на Фудбалската федерација на Македонија Масар Омерагиќ, заедно со претставници од ФФМ, денес ја посетија Битола и извршија увид во состојбата на стадионот „Петар Милошевски“, со цел да се исполнат условите на УЕФА, за одигрување на меѓународен натпревар за селекциите до 21 година, помеѓу Македонија и Италија.
За одигрување на ваков натпревар од меѓународен ранг, потребно е да се извршат подготовки и да се исполнат критериуми за добивање на лиценца од комисија на УЕФА.
Градоначалникот Тони Коњановски и претседателот Масар Омерагиќ, разговараа околу подготовките и преземањето на обврските од страна на општината и од ФФМ, со цел Битола да биде претставена во најдобро светло.
На 9 септември, Битола треба да биде домаќин на натпреварот Македонија – Италија, за фудбалери до 21 година. По увидот на терен, претседателот на ФФМ, ја посети општина Битола, каде што со градоначалникот разговараа за успесите во спортот на битолските екипи, успесите во училишниот спорт и условите за развој на училишниот спорт, во кои општината постојано инвестира.
Градоначалникот посочи дека на последниот јавен повик од страна на Владата, општината аплицираше за изградба на 3 спортски училишни сали и 9 спортски игралишта во училиштата. Во знак на добрата соработка, Омерагиќ му подари на градоначалникот Коњановски репрезентативен фудбалски дрес со негово име, кое го носи бројот 9.