Спорт
Шарапова најбогата спортистка на светот
Русинката Марија Шарапова, според Форбс, е спортистка со најголема годишна заработка на светот.Таа секоја година инкасира по 25 милиони евра.
Русинката Марија Шарапова, според Форбс, е спортистка со најголема годишна заработка на светот.Таа секоја година инкасира по 25 милиони евра. Веста не би била чудна доколку Шарапова беше и број 1 на ВТА листата. Но Русинката е дури петта на ВТА ранкингот, а последниот Грен Слем го освои во 2008 година. Затоа не е тешко да се заклучи дека преубавата Шарапова поголемиот дел од парите не го заработува на турнири, туку надвор од нив, во бизнисот со реклами. Првопласираната на ВТА Каролин Возниацки е втора по заработка според Форбс и тоа со двојно помал износ од Шарапова. А дека тенисот е најисплатлив спорт зборува фактот дека меѓу првите 10 спортистки по заработка, дури седум се тенисерки.Листа на Форбс:1.Марија Шарапова (тенис) 25 милиони $2.Каролин Возниацки (тенис) 12,5 м. $3.Даница Патрик (автомобилизам) 12 м.$4.Венус Вилијамс (тенис) 11,5 м.$5.Ким Клајстерс (тенис) 11 м. $6.Серена Вилијамс (тенис) 10,5 м. $7.Ким Јуна (уметничко лизгање) 10 м. $8.На Ли (тенис) 8 м. $9.Ана Ивановиќ (тенис) 6 м. $10.Пола Кремер (голф) 5.5 м. $крај/макфакс/м.н.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Фиго: Помалку натпревари, помали плати
Поранешниот фудбалер Луис Фиго ја коментираше најавата за штрајк, за која прв проговори Родри од Манчестер сити.
Шпанецот јавно го изрази своето незадоволство поради големиот број на натпревари и најавеното продолжување на сезоната, која во тој случај би траела до средината на јули, што на никој во фудбалскиот свет не му се допаѓа.
Покрај Родри, во изминатите неколку дена уште неколку врвни фудбалери се заканија со штрајк. Според нив ФИФА и УЕФА само трупаат натпревари, а пред да донесат такви одлуки никој од двете организации не се консултира фудбалерите.
Познатиот португалски фудбалер проговори за најавениот штрајк.
„Секако, ова е секогаш комплицирана тема за разговор. Играчите имаат договор со субјектот, односно клубот, и наше е да го најдеме најдоброто решение. Логично е дека има се повеќе и повеќе натпревари , тоа е едноставно е ефектот на снежна топка што се тркала надолу. Повеќе натпревари поголеми плати, ако се намали бројот и платите треба да бидат намалени. Потребно е да се најде вистинскиот баланс, но тоа е тешко“, рече Фиго.
Спорт
Хамилтон го критикува претседателот на ФИА
Седумкратниот светски шампион во Формула 1, возачот на Мерцедес, Луис Хамилтон, го критикуваше претседателот на Меѓународната автомобилска федерација (ФИА) Мохамед Бен Сулејем.
Луис Хамилтон, изјави дека возачите звучат како „рапери“ кога пцујат кога преку радио пораки комуницираат со своите тимови.
Бен Сулејем рече дека се обидува да воведе промени, за да ги намали лошите зборови што ги емитува Формула 1 менаџментот (ФОМ). ФОМ ги контролира сите содржини што се емитуваат во текот на натпреварувачката сезона.
„Мораме да правиме разлика помеѓу нашиот спорт и рап музиката. Знаете, ние не сме рапери. Тие пцујат, го кажуваат зборот Ј, колку пати во минута? Ние не сме такви. Тие се тие, ние сме ние “, рече тој..
Хамилтон рече дека ја разбира загриженоста за прекумерното пцуење, но дека има „елемент на расизам“ во рап музиката.
„Тоа што го кажа, не ми се допаѓа како го кажа. Со тоа што кажувате рапери, тоа е стереотипно, бидејќи повеќето рапери се црнци. Тоа сугерира дека „не сме како нив“ и мислам дека тоа е погрешен избор на зборови и таму има елемент на расизам. Се согласувам дека работите треба да се решат, но добро е да покажеме некои емоции бидејќи ние не сме роботи“, рече Хамилтон, пренесе „Скај Спортс“.
Во текот на преносот во неколку наврати се емитуваат пораките кои возачите и тимовите ги разменуваат, па гледачите имаат увид во стратегиите и ситуациите на патеката.
Хамилтон, кој ретко користи несоодветен јазик на радио, рече дека ги избира своите зборови затоа што знае дека децата ги гледаат трките.
Формула 1 шампионатот продолжува викендов со трката за ГН на Сингапур во недела од 14 часот.
Спорт
Капело: Ибрахимовиќ мора да сноси одговорност во Милан
Звонимир Бобан неодамна даде интервју за италијанска „Газета дело Спорт“ во кое изјави дека не знае каква е улогата на Златан Ибрахимовиќ во неговиот поранешен клуб Милан.
Ибрахимовиќ го посети студиото на „Скај Спортс“ пред натпреварот помеѓу Милан и Ливерпул (1:3) и му одговори на Бобан.
„Дури ни Бобан не знае која е мојата улога. Сега ќе објаснам. Мојата улога е едноставна, вклучува многу разговор. Јас сум одговорен, јас сум газда и сите работат за мене. Глувците не се внатре во тимот, тие се надвор од него“, изјави во свој стил Ибрахимовиќ.
Зборовите на Ибрахимовиќ ги коментираше и Фабио Капело, кој истакна дека мора да понесе и одговорност.
„Го проучував минатото кога го презедов тимот, но внесов и свои идеи. Мора да направите вино од грозјето што го берете. Во Милан би требало да прашаме кој е одговорен за трансфер стратегијата. Ибра рече дека тој е на чело, па мора и тој да има одредена одговорност“, рече Капело, а потоа продолжи:
Ако ја освоите титулата, треба да се надградувате на тие основи, а не да ги уништувате. Во изминатите години потпишаа многу офанзивни играчи, но каде се играчите од средниот ред и центарфорите кој ќе игра во шеснаесетникот?
Алваро Мората е многу различен од Оливие Жиру, затоа клубот и тренерот мора заедно да направат тактичка промена. Во Милан гледам 11 играчи расфрлани низ теренот, а не тим. Така беше и минатата сезона“, смета Капело.